Lukas 7:13 - Vengo (Babungo)

¹³ Tɨta Yeso ye wəzwi ghɔ́, kèe gəŋsə maa ŋwə, gì tɨ́ ŋwə laa kɨ ŋwə baa gwia me.

Lukas 7:13 Iomraidhean Croise

Mark 8:2

«Gəŋsə kòo mə maa vɨɨ və̀. Vəŋ duꞌ yɨ mə ndwə vəshi vətia, kee kìi fazɨ me.

Lukas 10:1

Yiŋkii kɨ shɔɔ, tɨta Yeso shoꞌ vɨɨ ntɔŋ vi mɔ́ꞌ muu-ŋkwatia, tɔŋ vəŋ vəbɔɔ vəbɔɔ, vəŋ gə vɨsɨ kɨ toꞌ fɨ taa məshɨ məshɨ, maa vəshəŋ vənshə faŋ ŋwə taa kɨ shɔɔ fɨ fuŋ nɨzi.

Lukas 11:1

Shi mɔ́ꞌ Yeso baa dùꞌ maa shəŋ kəmɔ́ꞌ, kɨ shɔꞌtə Nwi. Ŋwə shɔꞌtə Nwi mètə, wə mɔ́ꞌ fɨ taa ŋwaa vɨɨ məzwetə nu ki gi tɨ́ ŋwə laa, «Tɨta, deesə yia maa məshɔꞌtə Nwi, sheꞌ faŋ Jɔn nə dèesə vɨɨ məzwetə nu ki nə nɨzi.»

Lukas 11:39

Tɨta Yeso gi tɨ́ ŋwə laa, «Aŋ viŋ, vɨɨ Farisii, viŋ sɔ ndawsə fɨ mbɨɨ yi nə vəkay, luu nə, fwi siŋ lwaŋ nə vənu vəbwəvə, nə mbeenə.

Lukas 12:42

Tɨta Yeso gi laa, «Nshiiŋii faŋ vənu vi lùu vəbi, faŋ ŋwə baa lùu tɔfə, lùu ndə, faŋ tɨɨ fu nùŋsə vɨɨ vi vənshə taa ghɔ ŋwə, laa ŋwə kɨ kɔ mfɨꞌ fazɨ vəŋ tɨ́ vəŋ maa yighee njyə faŋ nyə kùꞌnə?

Lukas 13:15

Tɨta Yeso bəŋsə tɨ́ ŋwə laa, «Aŋ viŋ, vɨɨ məboꞌ ŋwaa. Maa wə tɨ̀ me wə fɨ wiŋ yaa kɨ keꞌtə nyaa yi, tɨꞌnə me jiakasə, fɨ taa ŋkuu, gə̀ nə ŋwə shuu muu maa shi zwisə Nwi.

Lukas 17:5

Vɨɨ ntɔŋ tɨta Yeso gi tɨ́ ŋwə laa ŋwə kuꞌsə wutə maa vəŋ, tɨ́ kaꞌ vəŋ nùŋ fwisə vəŋ maa Nwi, wèꞌ shɔ.

Lukas 17:6

Tɨta Yeso gi tɨ́ vəŋ laa, «Viŋ nii toꞌ nuŋ fwi siŋ maa Nwi sheꞌ tɨtiꞌ, sheꞌ yaa ŋɨꞌ fulɨsɨgaa, buu kaꞌ viŋ gì tɨ́ tɨ yɔŋ kə̀ laa, muꞌnə viŋ ghay ghə fɨ feenə, gə bìa ŋwaa wə taa mamuu, buu tɨ kɔ́ taa zɔnə viŋ.»

Lukas 18:6

Tɨta Yeso kɨ nii baa gi laa, «Maa viŋ zɔ nu ŋkɨə faŋ wuu məshia nsɔꞌ ghɔ́ nə gi, faŋ vənu vi nə kɔlə kee lùu vəloomə me.

Lukas 19:8

Zakiɔs tɨŋnə vɨsɨ tɨta Yeso, gì tɨ́ ŋwə laa, «Tɨta, mə taa gaasə vətɔ vaŋ vəway vəbɔɔ, kɔ̀ way kəmuꞌ tɨ́ vɨɨ ŋɨꞌ. Kɨ luu laa mə nə fùŋsə fa wə, buu mə taa bəŋsə tɨ́ ŋwə ghee shwe.»

Lukas 22:61

Tɨta Yeso kiasə ŋwaa, ndèynə Pita. Pita lumə nu ŋkɨə faŋ tɨta Yeso nii gì tɨ́ ŋwə laa, ŋkɨꞌ kee taa taw ndee me, a twey mə ghee tia.

Lukas 24:3

Vəŋ ŋii shɔ, kee yè ŋku tɨta Yeso me.

Lukas 24:34

Vɨɨ vɔ́ gi tɨ́ vəŋ laa Nwi ywèysə tɨta Yeso maa yinsəŋ, ŋwə fuu yikəꞌ Saymon.

Lukas 7:12

Ŋwə kɨ ziꞌ ntɨꞌ yɔ́, yè vɨɨ faŋ vəŋ nə shàꞌ ŋku wə, fùu nə ŋkə fɨ taa shɨ. Wee ghɔ́ faŋ ŋwə nə ku nə, nə luu sheꞌ muꞌ ghɔ nshu wi. Wəzwi ghɔ́ baa lùu zu ŋku. Vɨɨ vəyaŋ fɨ taa ntɨꞌ yɔ́ nə luu yɨ wəzwi ghɔ́.

Lukas 7:14

Ŋwə shəŋtə jwì, kɔ̀ŋ ŋwaꞌ ŋgwə faŋ ŋku zawə ghɔ́ nə luu tey yi nə. Vɨɨ mbɨə faŋ vəŋ nə shàꞌ ŋwaꞌ ghɔ́, tɨŋnə. Ŋwə gi tɨ́ ŋku wə ghɔ́ laa, «Zawə, mə gì tɨ́ ghɔ laa a ndɔ yizɔ!»

Lukas 7:19

tɔŋ vəŋ tɨ́ tɨta Yeso maa məbitə tɨ́ ŋwə laa ŋwə lùu wə ntɨə faŋ Nwi nə kɔ̀ꞌnə laa ŋwə ndɔ jwi nə mu, mu bàw vɨ kɨ kɨꞌ wuu day?

Lukas 8:52

Vɨɨ vənshə nə gwia, luŋ wee ghɔ́. Yeso gi laa, «Kɨ viŋ baa gwia me. Wee ghɔ́ kee yiku me, ŋwə bɨbwey.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 11:2

Nə luu Meri ŋgwə faŋ ŋwə nə zwisə məŋgwə mə shwaŋ ndɔŋnə ghuu Yeso, baa tɔ̀ŋsə ghuu Yeso nə nyuŋsə tɔ si nə. Lasarɔs, weenshu Meri ghɔ́, nə zɨzasə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 11:3

Vaŋ-nshwi Lasarɔs tɔŋ ntɔŋ tɨ́ Yeso laa, «Ŋkee wuumba wə Lasarɔs faŋ a kàw ŋwə, zɨzasə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 20:13

Nshiisə-ŋiisə Nwi sɔ́ bitə tɨ́ Meri laa, «A gwia kə, yaa?» Ŋwə gi tɨ́ vəŋ laa, «Vɨ bàꞌsə tɨta ŋwaa, gə̀ nə ŋwə. Mə kee kɨ̀ɨ nə shəŋ ŋkɨə faŋ vɨ gə̀ nùŋ ŋwə shɔ me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 20:15

Yeso gi tɨ́ ŋwə laa, «A gwia kə, yaa? A kəə ndə?» Meri nəə bɨꞌtə laa lùu wə ntɨə faŋ ŋwə faꞌ taa yindɨɨ yifi. Ŋwə gi tɨ́ Yeso laa, «Tɨta, kɨ luu laa ndì ghɔ ndì ŋwə, a də̀ shəŋ ŋkɨə faŋ a gə̀ nùŋ ŋwə shɔ shee, tɨ́ kaꞌ mə gə baa ndì ŋwə fɨ fuŋ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:1

Gə fɨ maa nu məkɔ muu mə Nwi faŋ Yeso nə kɔ̀ muu mə Nwi tɨ́ vɨɨ nə, vɨɨ vəyaŋ jwi zwetə nu ki, fì muu mə Nwi fɨ ghɔ ŋwə. Vɨɨ Farisii zɔ laa vɨɨ məzwetə nu Yeso yaŋ shɔ̀ɔ vɨɨ məzwetə nu Jɔn. Yeso baa kɨɨ laa vəŋ zɔ̀ nu kɔ́,

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:23

Vəbay vəmɔ́ꞌ tɔŋ jwì fɨ ntɨꞌ Tiberias, jwi lùu nshənə maa shəŋ ŋkɨə faŋ tɨta Yeso nə ndwàŋ Nwi shɔ, vɨ zɨ bee yifi nə.

1 Kɔrintian 7:30

Bàw vɨɨ mbɨə faŋ vəŋ gɨgwia, kɨ duꞌ yaa vɨɨ faŋ vəŋ kee gɨgwia me. Vɨɨ mbɨə faŋ vəŋ ŋaytə, kɨ duꞌ yaa vɨɨ faŋ vəŋ kee ŋɨŋaytə me. Bàw vɨɨ mbɨə faŋ vəŋ ywàŋ vətɔ, kɨ toꞌ yaa vɨɨ faŋ vəŋ kee kìi vətɔ me.

1 Tesalonika 4:13

Vaŋ-nshwi via, yia kee kaw laa viŋ duꞌ nshi buꞌ nu vaŋ-nshwi vaŋ-nsiŋ mbɨə faŋ vəŋ kukə̀ me. Yia kəə twelə tɨ́ viŋ laa kɨ viŋ luŋ yaa vɨɨ mɔ́ꞌ faŋ vəŋ kee kɨ̀ꞌ məbwey vəlwaŋ me.

Hibru 2:17

Ŋwə nə gù yaa vaŋ-nshwi vi maa jɨɨsə sənshə, tɨ́ kaꞌ ŋwə kèe gəŋsə vəŋ, gù yaa wuu kwalə məfeꞌ Nwi, faŋ ŋwə faꞌ tɨ́ Nwi nə fwi yimuꞌ, laa ŋwə sɔ yibɨsə vɨɨ faŋ vəŋ nə yɨ̀sə nə.

Hibru 4:15

Wuu kwalə məfeꞌ Nwi ghɔ́ lùu wə faŋ ŋwə kɔꞌ kɨɨ maa məkee gəŋsə maa nsiŋ maa məbwa ŋwaa-nsiŋ, buꞌ laa ŋwə nə gù wə yaa nsiŋ, kìi məmɔŋ sheꞌ yaa nsiŋ. Luu nə, ŋwə nə kee yɨ̀ tuu nu bwə me.