Lukas 6:42 - Vengo (Babungo)

⁴² Sii kaꞌ a gì tɨ́ weenshu wə laa, «Weenshu ŋwaa, naꞌ, mə fuusə kɨlə fəŋkɔꞌ fɨ taa yisɨ ghɔ,» kɨkə, faŋ a kee bee yè mfɨŋ fəŋkɔꞌ fɨ taa njɨɨnə yisɨ nə me? Aŋ wuu boꞌ, bàw a bɨ fùusə mfɨŋ fəŋkɔꞌ fɨ taa yisɨ ghɔ, buu kəə jɨɨ maa məfuusə kɨlə fəŋkɔꞌ fɔ́ fɨ taa yisɨ weenshu wə!»

Lukas 6:42 Iomraidhean Croise

Matiu 26:75

Pita lumə nu ŋkɨə faŋ Yeso nii gì tɨ́ ŋwə nə laa, «Ŋkɨꞌ taa kee taw me, a twey mə ghee tia.» Ŋwə lumə nɨniŋ, fùu fu, gwia ŋkee dɨdɨꞌ.

Matiu 7:3

Sii yɨ̀ kə a ye wee-fa taa yisɨ weenshu wə, kee yè nshɨ-fa faŋ ŋwə lùu taa yisɨ ghɔ me?

Matiu 7:4

Sii kaꞌ a gì tɨ́ weenshu wə laa, «Naꞌ, mə fuusə wee-fa fɨ yisɨ ghɔ,» faŋ a kii ŋkee nshɨ-fa taa yisɨ ghɔ kɨkə?

Lukas 13:15

Tɨta Yeso bəŋsə tɨ́ ŋwə laa, «Aŋ viŋ, vɨɨ məboꞌ ŋwaa. Maa wə tɨ̀ me wə fɨ wiŋ yaa kɨ keꞌtə nyaa yi, tɨꞌnə me jiakasə, fɨ taa ŋkuu, gə̀ nə ŋwə shuu muu maa shi zwisə Nwi.

Lukas 22:32

Luu nə, mə shɔꞌtə Nwi tɔ ghɔ laa, kɨ nu mənuŋ fwi yə maa mə kee ndɔ mè me. Nɨniŋ, yighee njyə faŋ a ndɔ kwiinə fwi yə, weꞌsə vaŋ-nshwi və!»

Lukas 6:41

Sii yɨ̀ kə, a ye sheꞌ kɨlə fəŋkɔꞌ fɨ taa yisɨ weenshu wə, kee kɨ ye mfɨŋ fəŋkɔꞌ faŋ nyə lùu taa yisɨ ghɔ me.

Lukas 6:43

Yeso nə baa gì laa, «Vətaŋ vəbwəvə kee yaa kɨ koonə fuu tɨ jəə me. Tɨ bwə kee kòonə vətaŋ vəjəəvə me.

Akts 13:10

«A lùu wee zwitə bwə, faŋ təba nə mənay lwàŋ taa ŋwaa ghɔ. A lùu wuu mbeenə nu loomə. Nə kɨ kaꞌ a kee mèꞌtə kee kɨ bùulə jɨɨ tɨta Nwi faŋ nyə lùu yineꞌtə nə yimu?

Akts 2:38

Pita gi tɨ́ vəŋ laa, «Viŋ kwiinə fwi siŋ, fì muu mə Nwi tɔ tɔ, maa yizii Yeso Kristo, laa Nwi ndenə vənu vəbwəvə viŋ faŋ viŋ nə yɨ̀sə, buu viŋ fi Zwitə Ley Nwi, faŋ Nwi taa key viŋ shɔ nə,

Akts 8:21

A kee kìi nu, tɨꞌnə me, wee-fa maa faꞌ wia me, buꞌ laa fwi yə kee lùu yiloomə maa Nwi me.

Roma 2:1

Aŋ ghɔ, wə mənsaw, a sii taa fi tɔ kə kɨkə, faŋ a kàw maa məsɔꞌ nsɔꞌsə tɔ vɨɨ nə? A kɔꞌ kɨɨ laa a sɔꞌ nsɔꞌ wə, baa yɨ̀ sheꞌ vənu mbɨə faŋ wə ghɔ́ yɨ̀, buu a bɨ̀sə tɔ kə nɨzi.

2 Kɔrintian 5:18

Nu kɔ́ kənshə nə ndɔ̀ fɨ ghɔ Nwi, faŋ ŋwə mètə nsɔꞌ nyaa-nsiŋ ghɔ vɨ Nwi yiley, buꞌ Yeso Kristo. Ŋwə baa nùŋsə yia maa faꞌ wi, laa yia kɨ fɨꞌtə tɨ́ vɨɨ faŋ Nwi mètə nsɔꞌsə vɨɨ nə.

2 Timoti 2:21

Kɨ luu wə yɨsə vənu vi nə ŋwaa wi ley fɨ maa vənu vəbwəvə, buu ŋwaa wi ghɔ́ taa luu maa məyɨ nu Nwi ley, kùꞌnə maa məfaꞌ vəfaꞌ tɨ́ tii wi.

2 Pita 1:9

Gə̀ fɨ maa vɨɨ faŋ vəŋ kee yɨ̀ vənu vɔ́ me, vəŋ yɨ yaa vɨɨ faŋ vəŋ lùu vɨɨ sɨ fɨsə, faŋ vəŋ kee ye vədɨꞌ me. Vəŋ ndenə laa Nwi nə sɔ̀ vənu vəbwəvə vəŋ faŋ vəŋ nə yɨ̀ yighee vɨsɨ.