Lukas 6:21 - Vengo (Babungo)

²¹ Mənɔŋ-bwaŋnə lùu tɨ́ viŋ faŋ jɨŋ zà viŋ ndwə, fɔnə viŋ ndɔ zɨ zwəkə. Mənɔŋ-bwaŋnə lùu tɨ́ viŋ faŋ viŋ gɨgwia ndwə, fɔnə viŋ ndɔ shɨꞌ.

Lukas 6:21 Iomraidhean Croise

Matiu 5:4

Mənɔŋ-bwaŋnə tɨ́ vɨɨ mbɨə faŋ vəŋ luŋ, fɔnə Nwi taa bawsə fwisə vəŋ.

Matiu 5:6

Mənɔŋ-bwaŋnə tɨ́ vɨɨ mbɨə faŋ jɨŋ nu loomə zasə vəŋ, fwisə vəŋ baa yɔŋ buꞌ nu kɔ́, fɔnə vəŋ taa zwəkə.

Lukas 1:53

Ŋwə kɔ fazɨ jəə tɨ́ vɨɨ jɨŋ, vəŋ zɨ zwəkə, jɔŋ vɨɨ faŋ vəŋ kìi təka, vəŋ gə nə ghɔ day.

Lukas 6:20

Yeso shaꞌsə tɔ ki, kɨ ndeynə vɨɨ məzwetə nu ki, gì laa, «Mənɔŋ-bwaŋnə lùu tɔ viŋ faŋ viŋ luu mbəəsə, fɔnə viŋ ndɔ zɨ nu yifwàŋ Nwi.

Lukas 6:22

Mənɔŋ-bwaŋnə lùu tɨ́ viŋ faŋ vɨɨ bee viŋ, jɔmə viŋ, tɨꞌnə me ndasə viŋ, tɨꞌnə me ndì yizii yiŋ laa lùu fa bwə buꞌ Wuu yinsəŋ Nwi.

Lukas 6:25

Ndwaŋ tɔ viŋ faŋ viŋ zwəkə ndwə, buꞌ laa jɨŋ ndɔ za viŋ. Ndwaŋ tɔ viŋ faŋ viŋ shɨꞌ ndwə, buꞌ laa viŋ ndɔ gwia, kɨ shɨŋsə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 11:35

Vəŋ gə, Yeso gwia.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:10

Yeso bəŋsə tɨ́ ŋwə laa, «A nii toꞌ kɨɨ nə vəkɔ və Nwi, nə wə ntɨə faŋ ŋwə gisə tɨ́ ghɔ laa, Kɔ mə nə muu mə nu, buu a bitə tɨ́ ŋwə, ŋwə kɔ ghɔ nə muu mə vəlwaŋ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:35

Ŋwə gi tɨ́ vəŋ laa, «Lùu mə lùu fazɨ kɔ́ faŋ ŋkə kɔ məbwey tɨ́ vɨɨ. Wə tɨ̀ me wə faŋ ŋwə jwi yɨ mə, kaꞌ jɨŋ kee baa zà ŋwə me; twey-muu kee baa ywey ŋwə me.

1 Kɔrintian 4:11

Jwi kɔ tɔ və-ndee, jɨŋ zasə yia, twey muu ywey yia, yia shuŋ vəkɔɔ və njwisə. Vɨɨ kɔ ŋɨꞌ tɨ́ yia. Yia kee kìi shəŋ shi me.

2 Kɔrintian 11:27

Mə nə nùꞌ ŋwaa ŋwaa maa faꞌ weꞌ, shi nə yikɨꞌ ghee yaŋ. Jɨŋ za mə, too ŋwaa yɔŋ. Mə zwisə nə jɨŋ ghee yaŋ. Gwə koo mə, mə kee kìi fa kusə me.

2 Kɔrintian 12:10

Lùu nu ŋkɨə faŋ mə ŋaytə shɔ, faŋ mə bəə ŋay, tɨꞌnə me faŋ vɨ sàŋ mə, nə faŋ vɨ yɨnə mə, tɨꞌnə me shoꞌ ghuu ŋaa, nə faŋ mə ye ŋɨꞌ buꞌ nu Kristo, fɔnə mə bəə ŋay, buu mə weꞌ.

2 Kɔrintian 6:10

Faŋ yia kɔlə kìi məluŋ, yia kɨ ŋɨŋaytə. Faŋ yia kɔlə lùu mbəəsə, yɨsə vɨɨ vəyaŋ gu mfuꞌsə maa vənu vənshə. Faŋ yia kɔlə kee kìi fa me, yia kìi vətɔ vənshə.

Jeyms 1:12

Məŋaytə lùu tɨ́ wə ntɨə faŋ ŋwə jìa fwi yi wèꞌ maa yighee njyə faŋ məmɔŋ jwì maa ŋwə. Bàw ŋwə ŋaytə buꞌ laa vəkeynə vi ndɔ lùu məbwey vəlwaŋ faŋ Nwi kɔ̀ꞌnə maa məkɔ tɨ́ vɨɨ mbɨə faŋ vəŋ kaw Nwi.

Reveleyshən 21:3

Mə zɔ gɨ wə gi fɨ fuu kenə kɔ́ nəŋay laa, «Viŋ ye vəbee və Nwi taa ŋwaa vɨɨ. Nwi ndɔ kɨ shi taa ŋwaa vəŋ, vəŋ luu ŋgwisə vɨɨ vi. Ŋkee nshɨ-tɔ Nwi lùu ghɔ vɨ vəŋ,

Reveleyshən 7:16

Jɨŋ kee baa za vəŋ me, fwisə vəŋ kee yɔŋ me. Shɨshwi kee baa bee ndɔ̀ŋ dɨdɨꞌ tɔ vəŋ, yɨ̀sə vəŋ bwa me.