Lukas 5:34 - Vengo (Babungo)

³⁴ Yeso gi tɨ́ vəŋ laa, «Nə kaꞌ vɨɨ məzɨ məndaa zwìsə nə jɨŋ, faŋ ghɔ vɨ wuu məndaa dùꞌ mɔ́ꞌ mu?

Lukas 5:34 Iomraidhean Croise

Matiu 22:2

«Nu yifwàŋ yizɔ lùu yaa nu fwàŋ mɔ́ꞌ faŋ ŋwə nə nàysə yitianə məndaa ŋwiŋ wi.

Matiu 9:15

Yeso gi tɨ́ vəŋ laa, «Nə kaꞌ vɨɨ məzɨ yitianə wəndɔŋ məndaa kɨ luŋ-taw, faŋ wəndɔŋ məndaa lùu yɨ vəŋ mu? Luu nə, ndɔ luu maa yighee yimɔ́ꞌ, Nwi ndi wəndɔŋ məndaa ghɔ́ fɨ ghɔ vəŋ, buu vəŋ kɨ baŋ fazɨ maa yighee yɔ́.

Lukas 5:33

Vɨɨ Farisii vɔ́ gi tɨ́ Yeso laa, «Sii yɨ̀ kə, vɨɨ məzwetə nu Jɔn yaa kɨ zwisə nə jɨŋ, shɔꞌtə Nwi, sheꞌ yuu vɨɨ məzwetə nu vɨɨ Farisii yaa kɨ yɨsə nə. Gə fɨ maa mbɨɨnə vɨɨ, vəŋ zɨzɨ, ndɔ nu.»

Lukas 5:35

Vəshi ndɔ kuꞌ, faŋ vɨ ndɔ baꞌsə wəndɔŋ məndaa fɨ yɨ vəŋ, buu vəŋ ndɔ zwisə nə jɨŋ maa vəshi vɔ́.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:29

Wəndɔŋ faŋ ŋwə ndaa wəzwi, wəzwi məndaa lùu ŋgwii. Gə̀ fɨ maa wuumba wəndɔŋ məndaa ghɔ́, ŋwə tɨŋnə kɨ zɔ faŋ wəndɔŋ məndaa ghɔ́ gisə, ŋwə ŋaytə ŋkee dɨdɨꞌ faŋ ŋwə zɔ̀ gɨ wəndɔŋ məndaa ghɔ́. Nɨniŋ, mə luu sheꞌ yaa wuumba wəndɔŋ məndaa ghɔ́. Nu kɔ́ fàynə ndee, mə kìi məŋaytə nɨzi.

2 Kɔrintian 11:2

Mə weꞌ maa nu kiŋ, buꞌ laa yɨsə Nwi laa mə weꞌ maa nu kiŋ. Viŋ lùu yaa wee-wəzwi faŋ ŋwə kee ta kɨ̀ɨ nə wəndɔŋ me, faŋ mə ŋìi məndaa wi maa məkɔ tɨ́ wə mɔ́ꞌ, wə ghɔ́ lùu Kristo.