Lukas 5:10 - Vengo (Babungo)

¹⁰ Jeyms nə Jɔn, vaŋ Zebedii, nə luu taa ŋwaa vəliŋ və Saymon vɔ́. Vəŋ nəə fee nɨzi. Yeso gi tɨ́ Saymon laa, «Kɨ ghɔ fee me! Zì fɨ ndee, a taa kɨ baytə vɨɨ tɨ́ Nwi, yuu a nə baytə susə taa ghuu nə.»

Lukas 5:10 Iomraidhean Croise

Matiu 13:47

«Nu yifwàŋ yizɔ baa fɨ̀nə ghuu məkoo susə faŋ vɨ nə mɔ̀ꞌ taa mamuu, kòo taŋ susə shɔ nshə.

Matiu 14:27

Yeso gi tɨ́ vəŋ yighee muꞌ laa, «Viŋ jia fwi, lùu mə! Kɨ viŋ baa fee me!»

Matiu 20:20

Yiŋkii kɨ shɔɔ, nshu vaŋ Zebedii ghɔ vɨ vaŋ vi vɔ́ jwi yɨ Yeso, jə̀ vətɔ vəyəə vi nsi, bùꞌ ghɔ tɨ́ ŋwə maa nu.

Matiu 4:19

Yeso gi tɨ́ vəŋ laa, «Viŋ jwi, bèꞌsə mə. Mə taa yɨsə viŋ gu vɨɨ məbaytə vɨɨ tɨ́ Nwi, sheꞌ faŋ viŋ koo susə taa ghuu nə.»

Matiu 4:21

Ŋwə baa kɨ toꞌ, filə gə vɨsɨ, baa yè vaŋ-nshwi mɔ́ꞌ vəbɔɔ, luu Jeyms, wee Zebedii, ghɔ weenshu wi Jɔn, faŋ vəŋ nə dùꞌ taa bay ghɔ vɨ tɨɨ vəŋ Zebedii, kɨ təənə təŋɔŋ fɨ maa ghuu susə vəŋ. Yeso tii vəŋ nɨzi.

Mark 1:17

Yeso gi tɨ́ vəŋ laa, «Viŋ jwi, beꞌsə mə, mə taa yɨsə viŋ kɨ baytə vɨɨ tɨ́ Nwi, sheꞌ faŋ viŋ yaa kɨ baytə susə taa ghuu nə.»

Lukas 5:7

Vəŋ katə vəliŋ vəvəŋ fɨ taa bay day, laa vəŋ jwi gàŋtə vəŋ. Vəŋ jwi lwèsə vəbay vəvəŋ nə susə, mbə tey kɨ siꞌ taa muu.

Lukas 5:9

Ŋwə nə gì nɨniŋ, buꞌ laa shuu wi yɔ̀ŋ maa susə nsɨə faŋ vəŋ koo nə. Ŋwə fee ghɔ vɨ vəliŋ vi vənshə.

Lukas 6:14

Vɨɨ vɔ́ nə luu Saymon ŋgwə faŋ Yeso shù yizii yi laa Pita nə, nə Andru, weenshu Saymon, nə Jeyms ghɔ Jɔn, nə Filip, nə Bartolomi,

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 21:2

Saymon Pita nə Tɔmas faŋ vɨ nəə tii ŋwə nə Siꞌye nə, baa nə Nataniel faŋ ŋwə nə ndɔ̀ fɨ ntɨꞌ Kana fɨ shɨ Galilii, nə vaŋ Zebedii vəbɔɔ, nə vɨɨ məzwetə nu Yeso vəmɔ́ꞌ vəbɔɔ, vəŋ nə bàytə shəŋ muꞌ.

Akts 2:4

Vəŋ vənshə lwaŋ nə Zwitə Ley Nwi, tey kɨ gisə təghaŋ nɨŋkwiŋ nɨŋkwiŋ, faŋ yɨ̀sə Zwitə Ley Nwi kɔ́ laa vəŋ kɨ gisə.

2 Kɔrintian 8:23

Gə fɨ maa Titɔs, ŋwə lùu wuu yitoꞌ ŋwaa, baa gaŋtə mə nə faꞌ faŋ mə fàꞌ buꞌ viŋ nə. Gə fɨ maa vaŋ-nshwi vaŋ-nsiŋ vɔ́, tɔŋ vəməshəŋtə və vɨɨ Nwi tɔŋ vəŋ, vɨɨ bəŋsə yizii Kristo buꞌ vəŋ.

2 Timoti 2:26

tɔ vəŋ baa ley, vəŋ nyɨŋ fɨ taa vənu və zwitə bwə faŋ ŋkə nə jia vəŋ maa məyɨ nu maa ŋkitə yi nə.