Lukas 4:35 - Vengo (Babungo)

³⁵ Yeso shə tɨ́ zwitə bwə kɔ́, gì tɨ́ ŋkə laa, «Shia, fùu fɨ taa ŋwaa wə ŋwə̀!» Zwitə bwə kɔ́ mɔꞌ wə ghɔ́ nsi taa ŋwaa vɨɨ, kɨ nii yifuu fɨ maa ŋwə, kee ndɨ̀əsə ŋwə me.

Lukas 4:35 Iomraidhean Croise

Matiu 17:18

Vɨ jwi nə wee ghɔ́ tɨ́ Yeso, ŋwə shə tɨ́ zwitə bwə kɔ́ faŋ ŋkə nə luu taa ŋwaa wee ghɔ́, ŋkə fuu fɨ maa ŋwə, wee ghɔ́ bwaŋnə. Shù fɨ maa yighee yɔ́, kəŋgu kee baa mɔꞌ ŋwə me.

Matiu 8:26

Ŋwə gi tɨ́ vəŋ laa, «Viŋ sii fee kə nee? Sii yɨ̀ kə viŋ kee nùŋ fwi maa Nwi me?» Ŋwə kɨ nii ndɔ̀ fɨ nsi, shə̀ tɨ́ fɨŋ kɔ́ nə tɨ́ muu mbɔ́, vədɨꞌ shɨnə laa twiaa.

Mark 1:26

Zwitə bwə kɔ́ ghəəsə wə ghɔ́, yùmə, fùu fɨ maa ŋwə.

Mark 4:39

Yeso ndɔ tɨ̀ŋnə, shə̀ tɨ́ fɨŋ kɔ́, gì tɨ́ muu mbɔ́ laa mbə bwa, kɨ mbə baa shɔɔ me. Fɨŋ kɔ́ kɨ nii yibwa, vədɨꞌ zu.

Mark 9:26

Zwitə bwə kɔ́ yumə, nə̀ꞌsə wee ghɔ́ ŋkee nəŋay, fùu. Wee ghɔ́ kiasə, gù yaa ŋku wə. Vɨɨ vəyaŋ gi laa ŋwə kù.

Lukas 11:22

Luu nə, wə mɔ́ꞌ kɨ jwi faŋ ŋwə weꞌ shɔ̀ɔ ŋwə, jwì ghɔ̀ꞌ ŋwə, kèꞌtə vətɔ və yighaw vɔ́, faŋ ŋwə yaa nuŋ fwi yi shɔ nə, buu bwilə vətɔ vi, gàatə.

Lukas 4:23

Ŋwə gi tɨ́ vəŋ laa, «Mə kɔꞌ kɨɨ laa viŋ taa gi shee laa, bàw wuu ŋay kɨ gaŋtə nshɨ-tɔ wi. Maa viŋ kəə laa mə kɨ yɨsə vənu vəkwalə mbɨə faŋ viŋ zɔ laa mə nə yɨ̀sə ntɨꞌ Kapernaum, laa mə kɨ yɨsə ntɨꞌ nsiŋ nɨzi.

Lukas 4:39

Ŋwə shəŋtə gə̀ yɨ wəzwi ghɔ́, shə tɨ́ nshɨꞌ kɔ́, ŋkə me. Wəzwi ghɔ́ ndɔ yizɔ yighee muꞌ, toꞌ tìa vəŋ.

Lukas 4:41

Vəzwitə vəbwəvə nə fùu fɨ taa ŋwaa vɨɨ vəyaŋ nɨzi, kɨ yumə laa, «A luu ŋkee Wee Nwi.» Ŋwə shə tɨ́ vəzwitə vəbwəvə vɔ́, kee biŋ laa mbə gi me, buꞌ laa mbə nəə kɔꞌ kɨɨ laa ŋwə lùu Kristo.

Lukas 8:24

Vɨɨ məzwetə nu Yeso gə yə̀ŋ ŋwə fɨ mbweysə, gì laa, «Tɨta, tɨta, nsiŋ taa ndi!» Ŋwə yenə fɨ mbweysə, ndɔ̀ yizɔ, shə̀ tɨ́ fɨŋ kɔ́ nə tɨ́ vəba və muu, mbə bwa, vədɨꞌ zu.

Lukas 9:39

Zwitə bwə mɔ́ꞌ yaa kɨ jia ŋwə, ŋwə gwəkə yumə, ndɔ gu nsi, təfwi fuu fɨ shuu ŋwə. Ŋkə yaa kɨ tay maa ŋwə, ŋwə bwa bwa.

Lukas 9:42

Wee ghɔ́ kɨ jwi, zwitə bwə kɔ́ suŋ ŋwə, kəŋgu mɔꞌ ŋwə. Yeso shə tɨ́ zwitə bwə kɔ́, shùꞌ wee ghɔ́, kɔ̀ tɨ́ tii wi.

Reveleyshən 12:12

Nɨniŋ, yizɔ ŋaytə ghɔ vɨ vɨɨ vənshə faŋ vəŋ lùu yizɔ nə. Luu nə, ŋɨꞌ shɨ nsi nə fuu mamuu, buꞌ laa tɨɨ vəzwitə vəbwəvə siꞌ gə̀ shɔ, yè viŋ, tɨ́ fwi yi shə dɨdɨꞌ, buꞌ faŋ ŋwə kɨɨ laa yighee yi tuŋsə̀.»