Lukas 4:34 - Vengo (Babungo)

³⁴ «Aŋ ghɔ, Yeso, wuu Nazaret, a kìi kə maa məyɨ nə yia? A jwì ndisə yia mu? Mə kɔꞌ kɨɨ nə wə ntɨə faŋ lùu ghɔ; a luu ŋkee wuu ley Nwi.»

Lukas 4:34 Iomraidhean Croise

Matiu 8:29

Vəŋ yumə laa, «Nsiŋ sii kìi kə, Wee Nwi? A jwì feenə, jwi kɔ ŋɨꞌ tɨ́ yia, buu yighee taa kuꞌ mu?»

Mark 1:24

«A sii taa yɨ kə nə yia, Yeso, wuu Nazaret. A jwi zwilə yia mu? - Mə kɔꞌ kɨɨ nə wə ntɨə faŋ lùu ghɔ; a luu ŋkee Wee Nwi, wuu məbweysə mbi.»

Mark 1:34

Yeso shuꞌ vəza vəyaŋ, baa fùusə vəzwitə vəbwəvə fɨ taa yiŋwaa vɨɨ vəyaŋ. Faŋ ŋwə nə fuusə vəzwitə vəbwəvə fɨ taa yiŋwaa vɨɨ nɨniŋ nə, kee biŋ laa mbə gi nu kɔ̀ŋ yi me, buꞌ laa mbə nə kɔꞌ kɨɨ nə ŋwə.

Mark 5:7

yùmə ŋkee nəŋay, gì laa, «Sɨ kìi kə, Yeso, Wee Nwi Nshɔɔ-mbi? Maa yizii Nwi, mə buꞌ ghɔ, kɨ ghaysə mə me!»

Lukas 1:35

Nshiiŋii Nwi yɔ́ gi tɨ́ ŋwə laa, «Zwitə Ley Nwi taa ŋii maa ghɔ. Wee ley faŋ ghɔ taa bi, vɨ taa tii ŋwə laa Wee Nwi, buꞌ laa wutə Nwi Nshɔɔ-mbi kusə ghɔ yaa ndɨŋlə.

Lukas 4:33

Shi mɔ́ꞌ faŋ ŋwə nəə deesə nu Nwi taa ŋii Nwi, wə mɔ́ꞌ nə luu shɔ, faŋ ŋwə nə kìi zwitə bwə taa ŋwaa ŋwə. Wə ghɔ́ yumə ŋkee nəŋay, gì laa,

Lukas 4:41

Vəzwitə vəbwəvə nə fùu fɨ taa ŋwaa vɨɨ vəyaŋ nɨzi, kɨ yumə laa, «A luu ŋkee Wee Nwi.» Ŋwə shə tɨ́ vəzwitə vəbwəvə vɔ́, kee biŋ laa mbə gi me, buꞌ laa mbə nəə kɔꞌ kɨɨ laa ŋwə lùu Kristo.

Lukas 8:28

Wə ghɔ́ ye Yeso, yùmə, gù vɨsɨ Yeso, gì tɨ́ ŋwə ŋkee nəŋay laa, «Nsoo kìi kə, Yeso, Wee Nwi Nshɔɔ-mbi? Mə bùꞌ ghɔ tɨ́ ghɔ laa, kɨ ghɔ yɨnə mə me.»

Lukas 8:37

Vɨɨ vɔ́ vənshə fɨ nsi Gerasa zɔ nu kɔ́, gì tɨ́ Yeso laa bàw ŋwə fuu fɨ shɨ vəŋ, buꞌ laa vəŋ nə fee ŋkee dɨdɨꞌ. Nɨniŋ, Yeso baa ŋìi taa bay maa məbəŋ gə̀.

Akts 16:39

Nɨniŋ, vəŋ gə bùꞌ ghɔ tɨ́ vəŋ, fùusə vəŋ fɨ taa ŋii mfiŋ, gì tɨ́ vəŋ laa bàw vəŋ fuu fɨ taa shɨ yɔ́.

Akts 2:27

buꞌ laa a kee ndɔ biŋ laa zwitə kaŋ goꞌ shɨ yiku me, tɨꞌnə me laa wuu ley wə ndɔ shuu me.

Akts 3:14

Viŋ nə twèy wuu ley ghɔ́ faŋ nə luu wuu yinsəŋ, kɨ kəə laa vɨ fuusə wuu məzwi wə fɨ taa ŋii mfiŋ, kɔ̀ tɨ́ viŋ,

Akts 4:27

Yinsəŋ, fwàŋ Herod nə goməna Pɔntiɔs Pilate faynə ntɨꞌ nyə̀ ghɔ vɨ vɨɨ tətɔŋ fu, nə vɨɨ Isirayl maa məka yighaw tɔ Yeso, wuu faꞌ ley wə, faŋ a shòꞌ.

Hibru 2:14

Vaŋ vi vɔ́ lùu vɨɨ faŋ ghɔ vɨ Yeso fàynə. Sheꞌ nɨniŋ, Yeso nə jwì yuu wə, gù yaa vəŋ nɨzi, tɨ́ kaꞌ ŋwə kù, zwì wutə Satan, tɨɨ vəzwitə vəbwəvə, faŋ ŋwə kìi wutə yiku nə.

Jeyms 2:19

A biŋ laa Nwi lùu shɔ, baa nə laa Nwi luu sheꞌ muꞌ. Ŋkə lùu kəjəə. Luu nə, ŋkee vəzwitə vəbwəvə bìŋ maa nu kɔ́ nɨzi, kɨ fee, lɔꞌ.

1 Jɔn 3:8

Wə ntɨə faŋ ŋwə yɨsə vənu vəbwəvə, ndɔ̀ fɨ ghɔ Satan, tɨɨ vəzwitə vəbwəvə, buꞌ laa Satan yɨsə vənu vəbwəvə shù fɨ maa vənzi. Ŋiꞌ nu ŋkɨə faŋ Wee Nwi nə fùu, lùu laa yi fuu ndìsə vənu vəbwəvə mbɨə faŋ mbə ndɔ̀ fɨ ghɔ Satan.

Reveleyshən 20:2

Ŋwə jwi jìa zɔ-ŋgu-yibay faŋ lùu zɔ yimwa yì, baa lùu Satan, tɨɨ vəzwitə vəbwəvə, ka ŋwə maa ŋuꞌ ŋkaŋ,

Reveleyshən 3:7

Nyɔꞌ ŋwaꞌlə, tɔ̀ŋ tɨ́ nshiiŋii Nwi faŋ ŋwə lùu shɨ Filadelfia laa, «Wə ntɨə faŋ ŋwə bàw shɨlə, baa luu ŋkee wuu yinsəŋ, faŋ ŋkwa fwàŋ Deyvid lùu ghɔ ŋwə nə, faŋ ŋwə ŋaꞌsə, kaꞌ wə kee fəŋ me; ŋwə fəŋ, kaꞌ wə kee ŋaꞌsə me. Ŋwə gi laa lee,