Lukas 4:18 - Vengo (Babungo)

¹⁸ «Zwitə Nwi maa mə, buꞌ laa ŋwə nə yòꞌ mə nə məŋgwə, laa mə kɨ fɨꞌtə ntɔŋ yijəə tɨ́ vɨɨ ŋɨꞌ. Ŋwə nə baa tɔ̀ŋ mə laa mə kɨ fɨꞌtə tɨ́ vəbuꞌ və yighaw, laa vəŋ kuunə nə ŋwaa vəŋ, baa nə laa mə gì tɨ́ vɨɨ sɨ fɨsə, laa vəŋ yenə, baa nə laa mə fuusə vɨɨ faŋ vɨ nəə fiitə vəŋ nsi, laa vəŋ gə duꞌ tɔ vəŋ,

Lukas 4:18 Iomraidhean Croise

Matiu 11:5

laa vɨɨ sɨ fɨsə yɨyenə; vɨɨ faŋ yiŋwaa yivəŋ kìlə, tɨtoꞌ; zatə bwə me fɨ maa vɨɨ; vɨɨ tuulə shiilə zɔnə; vəŋku vənsisə ywey; vɨ fɨꞌtə ntɔŋ yijəə Nwi tɨ́ vɨɨ ŋɨꞌ.

Matiu 12:18

Ŋwə nə ŋwàꞌlə laa Nwi gì laa, «Viŋ ye wuu faꞌ ŋwaa faŋ mə shòꞌ, baa luu kàw. Ŋwə bàw too mə. Mə taa kwaŋ Zwitə kaŋ maa ŋwə, ŋwə kɨ fɨꞌtə nu ŋkɨə faŋ ŋkə lùu kəloomə tɨ́ vɨɨ mbɨə faŋ vəŋ kee kɨ̀ɨ nə nu kaŋ me.

Matiu 12:20

Ŋwə kee ndɔ kɨ shia yiŋkəə faŋ nyə bɨ̀ꞌnə me, tɨꞌnə me ndɨɨsə kuu laŋ faŋ ŋwə nɨndɨꞌ me, gə ziꞌ maa yighee njyə faŋ ŋwə ndɔ yɨsə nu loomə fuu ntee, ghɔ̀ꞌ nu bwə yighee muꞌ.

Matiu 4:16

Vɨɨ vɔ́ faŋ vəŋ nə dùꞌ taa mfiŋsə, ye ŋkee məley kwalə. Vɨɨ mbɨə faŋ vəŋ nə dùꞌ maa shəŋ yiku, faŋ ndɨŋlə yiku nə shitə vəŋ nə, vəŋ dùꞌ, məley fuu shitə vəŋ.»

Matiu 5:3

«Mənɔŋ-bwaŋnə tɨ́ vɨɨ mbɨə faŋ vəŋ dùꞌ yaa mbəəsə vɨsɨ Nwi (faŋ vəŋ kɨꞌ vənu vənshə sheꞌ fɨ ghɔ Nwi,) fɔnə nu yifwàŋ yizɔ lùu tɨ́ vəŋ.

Lukas 4:17

Vɨ kɔ ŋwaꞌlə nshiiŋii-sɔghɔ Aysaya tɨ́ ŋwə. Ŋwə ŋaꞌsə ŋwaꞌlə ghɔ́, tìi shəŋ kəmɔ́ꞌ faŋ vɨ nə nyɔ̀ꞌ shɔ laa,

Lukas 6:20

Yeso shaꞌsə tɔ ki, kɨ ndeynə vɨɨ məzwetə nu ki, gì laa, «Mənɔŋ-bwaŋnə lùu tɔ viŋ faŋ viŋ luu mbəəsə, fɔnə viŋ ndɔ zɨ nu yifwàŋ Nwi.

Lukas 7:22

Nɨniŋ, ŋwə bəŋsə tɨ́ vɨɨ ntɔŋ vɔ́ laa, «Viŋ gə fɨꞌtə nu ŋkɨə faŋ viŋ yè, nə nu ŋkɨə faŋ viŋ zɔ̀, tɨ́ Jɔn. Viŋ naysə tɨ́ ŋwə laa vɨɨ sɨ fɨsə yɨyenə, vəndwey tɨtoꞌ, zatə bwə me fɨ maa vɨɨ, vənshii tuulə zɔnə, vəŋku və vɨɨ ywey, mbəəsə zɔ ntɔŋ yijəə Nwi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:41

Ŋwə bɨ yè weenshu wi Saymon, gì tɨ́ ŋwə laa vəŋ yè Kristo. Ŋiꞌ yizii Kristo lùu laa, wə faŋ Nwi fɔ̀ɔlə ŋwə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:46

Mə fùu mbi yaa kiꞌ, laa wə tɨ̀ me wə faŋ ŋwə nùŋ fwi yi maa mə, kee baa tòꞌ fɨ taa mfiŋsə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:34

Wə ntɨə faŋ tɔ̀ŋ Nwi tɔ̀ŋ ŋwə, gisə sheꞌ yigisə Nwi, buꞌ laa Nwi kɔ̀ Zwitə Ley Nwi tɨ́ ŋwə, mfɨꞌ yi kee lùu shɔ me.

Akts 10:38

Nwi nə yòꞌ Yeso, wuu Nazaret, nə Zwitə Ley Nwi, baa nə wutə, ŋwə ndɔ kɨ toꞌ vəshəŋ vənshə, yɨsə vənu vəjəəvə, baa shùꞌ vəza fɨ maa vɨɨ mbɨə faŋ zwitə bwə nə luu taa ŋwaa vəŋ, buꞌ laa Nwi nə luu yiba jɨŋ ŋwə.

Akts 26:18

Mə taa tɔŋ ghɔ tɨ́ vɨɨ tɔmə day laa a taa ŋaꞌsə sɨ vəŋ, vəŋ fuu fɨ taa mfiŋsə, ŋìi taa məley Nwi. A fuusə vəŋ fɨ ghɔ wutə zwitə bwə, kwaŋ vəŋ taa wutə Nwi, laa məbiŋ vəŋ yɨsə vənu vəbwəvə vəŋ ndi, vəŋ ndɔ fi shəŋ vəŋ taa ŋwaa vaŋ ley Nwi, faŋ vəŋ nùŋ fwisə vəŋ maa mə.»

Akts 4:26

Vəfwàŋ fɨ mbi lòotə yiŋwaa vəŋ, fàynə ghɔ vɨ vɨɨ mbɨə faŋ vəŋ sɔꞌ məshɨ, maa məmɔŋ maa məka yighaw tɔ Nwi, tɨta ŋwaa-nsiŋ, nə tɔ wə ntɨə faŋ Nwi shòꞌ.»

Akts 4:27

Yinsəŋ, fwàŋ Herod nə goməna Pɔntiɔs Pilate faynə ntɨꞌ nyə̀ ghɔ vɨ vɨɨ tətɔŋ fu, nə vɨɨ Isirayl maa məka yighaw tɔ Yeso, wuu faꞌ ley wə, faŋ a shòꞌ.

Kɔlɔsii 1:13

Nwi nə bwèysə nsiŋ, fùusə nsiŋ fɨ ghɔ vəwutə vəbwəvə faŋ mbə lùu taa mfiŋsə. Ŋwə nə ndì nsiŋ fɨ fuŋ, nùŋsə nsiŋ taa yifwàŋ ŋwiŋ wi, faŋ ŋwə kàw ŋwə nə.

Jeyms 2:5

Viŋ zɔ, vaŋ-nshwi vaŋ faŋ mə kàw viŋ, Nwi shòꞌ luu mbəəsə fɨ mbi, ndì vəŋ laa vəŋ nuŋsə fwisə vəŋ maa Kristo, ndɔ̀ zɨ̀ nu yifwàŋ Nwi, faŋ Nwi nə kɔ̀ꞌnə maa məkɔ tɨ́ vɨɨ mbɨə faŋ vəŋ kàw ŋwə. Nɨniŋ, luu vəŋ luu mfuꞌsə yinsəŋ.

1 Pita 2:9

Gə̀ fɨ maa viŋ, viŋ lùu way vɨɨ faŋ Nwi nə shòꞌ, lùu vɨɨ vəkɔ vi, ŋgwisə yiley. Viŋ lùu vɨɨ Nwi faŋ Nwi nə shòꞌ laa lùu vɨɨ yifwàŋ vi, baa nə laa viŋ sàynə vənu və shuu yɔŋvə Nwi. Ŋwə nə tìi viŋ fɨ taa mfiŋsə, laa viŋ ŋii taa ŋgwii məley.