Lukas 3:8 - Vengo (Babungo)

⁸ Viŋ kɨ yɨsə vənu faŋ mbə kùꞌnə tɨ́ vɨɨ faŋ vəŋ kwiinə fwisə vəŋ! Kɨ viŋ tey kɨ bɨꞌtə fɨ taa fwisə viŋ laa viŋ kùꞌnə tɨ́ Nwi buꞌ faŋ viŋ lùu vaŋ vaŋ Abraham nə me. Mə naysə tɨ́ viŋ laa, kaꞌ Nwi kiasə ŋoꞌsə sə̀, nsə gu vaŋ Abraham.

Lukas 3:8 Iomraidhean Croise

Matiu 21:43

Nɨniŋ, mə naysə tɨ́ viŋ laa, vɨ ndɔ fi nu yifwàŋ Nwi fɨ ghɔ viŋ, kɔ̀ tɨ́ vətɔŋ faŋ vəŋ ndɔ yɨ nu ŋkɨə faŋ Nwi kəə. [

Matiu 3:8

Bàw viŋ yɨ vənu faŋ mbə kuꞌnə yaa vɨɨ faŋ vəŋ kwìinə fwisə vəŋ.

Matiu 3:9

Kɨ viŋ kɨ bɨꞌtə fɨ taa fwisə viŋ maa məgi laa kaꞌ nu kee baa bɨ̀ tɨ́ viŋ me, buꞌ faŋ Abraham lùu tii wiŋ nə. Mə naysə tɨ́ viŋ laa kaꞌ Nwi ndì ŋoꞌsə sə̀, kìasə, nsə gu vaŋ Abraham.

Lukas 13:25

Yighee ndɔ kɨ jwi faŋ tɨɨ ŋii ndɔ fəŋ shuu ŋii wi. Viŋ ndɔ tey kɨ jwi sheꞌ maa yighee yɔ́, buu viŋ ndɔ tɨŋnə fu, kɨ tii, gisə laa, «Tɨta ŋaꞌsə shuu ŋii, yia ŋii!» Ŋwə bəŋsə tɨ́ viŋ laa, «Mə kee kɨɨ nə fɔɔ yuu viŋ ndɔ̀ fɨ fuŋ me.»

Lukas 13:26

Viŋ zi kɨ gisə laa, «Maa yia nəə zɨ, ndɔ nu vɨsɨ ghɔ, a nəə deesə nu Nwi shuu ndɔꞌ yia.»

Lukas 14:9

Wə ntɨə faŋ ŋwə tii viŋ ŋwə mɔ́ꞌ nə, jwi gì tɨ́ ghɔ laa, «Shəŋtə, kɔ̀ shəŋ tɨ́ wə ŋwə̀.» A kɨ nii ndɔ nə tɔ dɨɨ, gə̀ dùꞌ yiba.

Lukas 19:40

Ŋwə bəŋsə tɨ́ vəŋ laa, «Viŋ zɔ! Mə gi tɨ́ viŋ laa, vɨɨ və̀ shia, buu ŋoꞌsə taa kɨ luꞌ.»

Lukas 19:9

Yeso gi tɨ́ ŋwə laa, «Nwi kee gəŋsə ŋii yə ndee, bwèysə viŋ, fɔnə viŋ lùu vaŋ Abraham nɨzi.

Lukas 5:21

Vɨɨ mədeesə ŋwaꞌlə Nwi nə vɨɨ Farisii zɔ nu kɔ́, kwàꞌtə fɨ taa fwisə vəŋ, ndɔ kɨ gisə vəŋ vəŋ laa, «Wə ŋwə̀ sii lùu ndə? Maa ŋwə tàw Nwi. Kaꞌ ndenə sheꞌ Nwi ndènə yibɨsə vɨɨ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:33

Vɨɨ mɔ́ꞌ gi tɨ́ ŋwə laa vəŋ lùu vɨɨ yikuu Abraham, laa vəŋ nə kee ta lùu buꞌ tɨ́ wə me. Sii yɨ kə ŋwə gi laa vəŋ taa nyɨŋ fɨ lùu vəbuꞌ?

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:39

Vəŋ bəŋsə tɨ́ ŋwə laa, tɨɨ vəŋ lùu Abraham. Yeso gi tɨ́ vəŋ laa, «Nii lùu laa viŋ lùu vaŋ Abraham, buu viŋ kɨ yɨ nu ŋkɨə faŋ Abraham nəə yɨ.

Akts 26:20

Mə kɨ nii gə fɨ̀ꞌtə nu Nwi tɨ́ vɨɨ ntɨꞌ Damaskɔs, laa vəŋ kwiinə fwisə vəŋ, nùŋ maa Nwi, kɨ yɨsə vənu faŋ mbə kùꞌnə maa vɨɨ, faŋ vəŋ nə kwìinə fwisə vəŋ. Mə kɨ nii baa shɔ̀ɔ gə̀ maa vɨɨ fɨ ntɨꞌ Jerusalem, nə maa vɨɨ vənshə faŋ vəŋ lùu shɨ Judia, baa nə vɨɨ fɨ taa məshɨ məday.

Roma 4:16

Nɨniŋ, Nwi nə kɔ̀ꞌnə nu jəə kɔ́ lùu tɨ́ vɨɨ faŋ vəŋ nùŋ fwisə vəŋ maa Nwi. Nɨniŋ laa ŋkɔꞌnə yɔ́ lùu nu faŋ Nwi kɔ sheꞌ buꞌ gəŋsə si, baa nə laa nu ŋkɨə faŋ ŋwə kɔ̀ꞌnə nə, lùu nu vɨɨ vənshə maa yinsəŋ. Ŋkə kee luu sheꞌ tɨ́ ŋiꞌ ŋii Abraham, faŋ vəŋ kɨ̀ɨ nə ntɨsə Nwi nə me. Ŋkə lùu tɨ́ vɨɨ mbɨə faŋ vəŋ nùŋ fwisə vəŋ maa Nwi yaa Abraham nə yɨ̀. Nɨniŋ, Abraham lùu tii ŋwaa-nsiŋ vənshə vɨsɨ Nwi.

Roma 9:7

Kee lùu vɨɨ vənshə faŋ vəŋ lùu ŋiꞌ ŋii Abraham, faŋ lùu vaŋ vi yinsəŋ me, fɔnə Nwi nə gì tɨ́ Abraham laa, «Lùu vaŋ Isak faŋ ndɔ lùu vɨɨ mbɨə faŋ vɨ taa kɨ tii vəŋ nə ŋiꞌ ŋii kə.»

Filipi 1:11

Vənu vəjəəvə ndɔ lwaŋ taa ŋwaa viŋ, viŋ kii nshinə yijəə faŋ nyə ndɔ̀ fɨ ghɔ Yeso Kristo. Nɨniŋ, vɨɨ ye yikwalə Nwi fɨ fuŋ, bəŋsə ŋwə.