Lukas 3:7 - Vengo (Babungo)

⁷ Ŋkee ŋgwisə vɨɨ vəyaŋ fuu fɨ taa shɨ, kɨ gə ye Jɔn, laa ŋwə kɨ kɔ muu mə Nwi tɨ́ vəŋ. Ŋwə gi tɨ́ vəŋ laa, «Aŋ viŋ, vaŋ-ŋkakɨ, gì ndə tɨ́ viŋ laa viŋ kɨ kii jɨɨ maa məfuu fɨ taa nsɔꞌ Nwi faŋ Nwi ndɔ kwaŋ tɔ vɨɨ nə?

Lukas 3:7 Iomraidhean Croise

Matiu 12:34

Aŋ viŋ, vaŋ-zɔ-vəshay, sii kaꞌ viŋ gì nu jəə kɨkə, faŋ viŋ lùu vɨɨ bwənə. Lùu vənu mbɨə faŋ mbə yaa kɨ lwaŋ taa fwi wə, faŋ wə ghɔ́ gisə.

Matiu 23:33

Aŋ viŋ, zɔsə nə vaŋ-zɔsə vəshay, viŋ sii taa nyɨŋ nsɔꞌ Nwi kɨkə, laa kɨ vɨ kee mɔꞌ viŋ taa shəŋ vəŋku və nsisə vəbwəvə taa wi me?»

Matiu 3:6

biŋ vənu vəbwəvə vəŋ ntee. Ŋwə kɔ muu mə Nwi tɨ́ vəŋ taa muu mə Jordan.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:44

Tii wiŋ lùu Satan, tɨɨ vəzwitə vəbwəvə. Viŋ yɨsə sheꞌ vənu mbɨə faŋ tii wiŋ Satan kàw. Shù fɨ maa vənzi, Satan nə luu wuu məzwilə vɨɨ. Ŋwə kee kàw yinsəŋ me, nu yinsəŋ kee lùu taa fwi ŋwə tuu kəmuꞌ me. Ŋwə gisə sɨɨ sheꞌ ba, yuu nshinə yi dùꞌ, buꞌ laa ŋwə lùu wuu ba, baa lùu tɨɨ təba.

Akts 13:10

«A lùu wee zwitə bwə, faŋ təba nə mənay lwàŋ taa ŋwaa ghɔ. A lùu wuu mbeenə nu loomə. Nə kɨ kaꞌ a kee mèꞌtə kee kɨ bùulə jɨɨ tɨta Nwi faŋ nyə lùu yineꞌtə nə yimu?

1 Tesalonika 1:10

baa nə laa viŋ kɨꞌ Yeso, wee Nwi, faŋ Nwi nə ywèysə ŋwə fɨ shɨ yiku nə, faŋ ŋwə ndɔ siꞌ fɨ yizɔ, jwì bwèysə nsiŋ fɨ taa nsɔꞌ Nwi faŋ nyə ndɔ ŋii maa vɨɨ nə.

Hibru 6:18

Nɨniŋ nə, Nwi də̀ maa jɨɨsə səbɔɔ laa ŋkɔꞌnə yi lùu yinsəŋ. Kaꞌ Nwi kee sɨ̀ɨ ba shɔ me. Ŋkɔꞌnə Nwi yɔ́ nə məlɨꞌtə ghɔ́ kɔ̀ wutə tɨ́ nsiŋ, tɨ́ kaꞌ nsiŋ jìa fwi nɨzi, kɨ tə sɨ maa nu ŋkɨə faŋ Nwi kɔ̀ꞌnə tɨ́ nsiŋ nə.

1 Jɔn 3:8

Wə ntɨə faŋ ŋwə yɨsə vənu vəbwəvə, ndɔ̀ fɨ ghɔ Satan, tɨɨ vəzwitə vəbwəvə, buꞌ laa Satan yɨsə vənu vəbwəvə shù fɨ maa vənzi. Ŋiꞌ nu ŋkɨə faŋ Wee Nwi nə fùu, lùu laa yi fuu ndìsə vənu vəbwəvə mbɨə faŋ mbə ndɔ̀ fɨ ghɔ Satan.