Lukas 3:11 - Vengo (Babungo)

¹¹ Ŋwə bəŋsə tɨ́ vəŋ laa, «Wə ntɨə faŋ ŋwə kìi njwisə səbɔɔ, ŋwə gaa, kɔ̀ wə ntɨə faŋ ŋwə kee kìi tuu yimuꞌ me. Wə ntɨə faŋ ŋwə kìi fazɨ, baw ŋwə yɨsə sheꞌ nɨniŋ.»

Lukas 3:11 Iomraidhean Croise

Matiu 25:40

Fwàŋ taa bəŋsə tɨ́ vəŋ laa, «Viŋ zɔ! Mə naysə tɨ́ viŋ yinsəŋ laa, nu ŋkɨə faŋ viŋ nə yɨ̀ ŋkee maa wuu tɨtiꞌ fɨ taa ŋwaa vaŋ-nshwi vaŋ, viŋ yɨ̀sə lùu maa mə.»

Lukas 11:41

Nɨniŋ, bàw viŋ ywiitə kɔ̀ŋ fwi siŋ nɨzi. Viŋ ndì vətɔ mbɨə faŋ mbə lùu taa vəkay viŋ, kɔ̀ tɨ́ vɨɨ ŋɨꞌ. Viŋ yɨ nɨniŋ, buu fwi siŋ ley vɨsɨ Nwi.

Lukas 18:22

Yeso zɔ nɨniŋ, gì tɨ́ ŋwə laa, «Bəə sheꞌ nu kəmuꞌ fɨ ghɔ ghɔ. Gə fiŋtə vətɔ və vənshə, gàa ka ghɔ́ tɨ́ vɨɨ ŋɨꞌ, buu a ndɔ kii vəkeynə və yizɔ, kɨ nii jwi bèꞌsə mə!»

Lukas 19:8

Zakiɔs tɨŋnə vɨsɨ tɨta Yeso, gì tɨ́ ŋwə laa, «Tɨta, mə taa gaasə vətɔ vaŋ vəway vəbɔɔ, kɔ̀ way kəmuꞌ tɨ́ vɨɨ ŋɨꞌ. Kɨ luu laa mə nə fùŋsə fa wə, buu mə taa bəŋsə tɨ́ ŋwə ghee shwe.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 13:29

Vəŋ bɨꞌtə laa yighee mɔ́ꞌ Yeso tɨtɔŋ ŋwə, laa ŋwə gə ywàŋ vətɔ maa məzɨ shi zwisə Pasa; yighee mɔ́ꞌ laa ŋwə gə kɔ̀ vətɔ tɨ́ mbəəsə. Vəŋ nəə bɨꞌtə nɨniŋ, buꞌ laa Judas nə luu wə ntɨə faŋ ŋwə nəə nuŋsə ka vəŋ.

Akts 10:2

Ŋwə nəə fee Nwi, nùŋ fwi yi maa nu Nwi ghɔ vɨ ŋii yi yinshə. Ŋwə nə faꞌ jəə maa məgaŋtə mbəəsə fɨ shɨ Judia, ndɔ shɔꞌtə Nwi ghee nshə.

Akts 10:31

gì shee laa, «Kɔrniliɔs, Nwi zɔ̀ məshɔꞌtə wə, faŋ a shɔꞌtə Nwi shɔ nə. Nwi lumə vətɔ mbɨə faŋ a kɔ tɨ́ vɨɨ ŋɨꞌ nə.

Akts 10:4

Ŋwə ndeynə fee, gì laa, «Tɨta, lùu nu kə?» Nshiiŋii Nwi yɔ́ gi tɨ́ ŋwə laa, «Nwi zɔ̀ məshɔꞌtə wə, baa nə vəkɔ və faŋ a gaŋtə vɨɨ ŋɨꞌ shɔ nə. Nwi kàw vənu vɔ́.

Efesɔs 4:28

Kɨ ndɔꞌ baa kɨ shaw fa me! Bàw ŋwə faꞌ nə ghɔ, baa nə wutə, tɨ́ kaꞌ ŋwə yɨ̀ nu jəə, baa gàŋtə vɨɨ ŋɨꞌ.

1 Timoti 6:17

Kɨ̀ tɨsə vɨɨ faŋ lùu vɨɨ təka maa yighee mbi nyə̀ laa, kɨ vəŋ kɨ koꞌsə ŋwaa me, kee kɨ nuŋ fwi vəŋ maa ka faŋ lùu fa dayday me. Bàw vəŋ nuŋ fwi vəŋ sheꞌ maa Nwi, faŋ kɔ ŋwə kɔ vətɔ vənshə tɨ́ nsiŋ, mbə yaŋ, nsiŋ zɨ nə.

1 Timoti 6:18

Bàw a gi vəŋ kɨ yɨsə vənu vəjəəvə, vənu vəjəəvə vɔ́ gu ka vəŋ, yaŋ. Bàw vəŋ baa kɨ kaw maa məkɔ vətɔ tɨ́ vɨɨ ŋɨꞌ, gaŋtə vəŋ nə mbə.

Hibru 6:10

Nwi kee lùu wuu məseesə mbi me. Kaꞌ ŋwə kee ndenə vənu vəjəəvə viŋ faŋ viŋ nəə yɨsə nə me, faŋ viŋ nə də ŋkawnə yiŋ tɨ́ vɨɨ ley Nwi, gàŋtə vəŋ maa yizii Nwi, nə faŋ viŋ kɨ gɨgaŋtə vəŋ nə.

Jeyms 1:27

Wə kɨ luu kɨ kəə lùu wuu Nwi leyley, faŋ nu bwə ki kee lùu yikəꞌ tɨta Nwi me, bàw ŋwə kɨ kɨꞌ vaŋ vəti ghɔ vəki ŋkusə maa ŋɨꞌ vəŋ, baa shiinə ŋwaa wi laa kɨ vətɔ və shɨ nsi bɨsə fwi yi me.

Jeyms 2:14

Vaŋ-nshwi vaŋ, wə kɨ luu gi laa yi bìŋ Nwi, kee kɨ yɨsə nu ŋkɨə faŋ Nwi kəə me, buu kaꞌ ŋkə taa gaŋtə ŋwə nə kə? Kaꞌ məbiŋ wi ghɔ́ bweysə ŋwə kɨkə?

1 Jɔn 3:17

Wə ntɨə faŋ ŋwə kìi vətɔ, yè weenshu wi faŋ ŋwə kee yikii me, kee kɨ kee gəŋ si me, buu kɨ kaꞌ ŋwə jìa nu ŋkawnə Nwi kɨkə?

1 Jɔn 4:20

Wə kɨ luu kɨ bee weenshu wi, gisə laa yi kaw Nwi, buu ŋwə lùu wuu ba. Wə kɨ luu kee kɨ kaw weenshu wi faŋ ŋwə ye ŋwə nə me, buu kaꞌ ŋwə kàw Nwi kɨkə faŋ ŋwə kee yè Nwi nə me.