Lukas 24:25 - Vengo (Babungo)

²⁵ Yeso gi tɨ́ vəŋ laa, «Aŋ viŋ, tɔ kiŋ kee ta ley maa nu kɔ́ yimu? Fwi siŋ bwà maa məbiŋ vənu vənshə faŋ nshiisə-ŋii sɔghɔ nə nàysə nə mu?

Lukas 24:25 Iomraidhean Croise

Matiu 26:24

Wuu yinsəŋ Nwi taa ndi, yuu vɨ nə nyɔ̀ꞌ buꞌ ŋwə taa ŋwaꞌlə Nwi. Luu nə, ndwaŋ tɔ wə ntɨə faŋ ŋwə fìŋ Wuu yinsəŋ Nwi ghɔ́. Ŋkə nə bàw tɨ́ wə ghɔ́ laa kɨ vɨ bi ŋwə me.»

Mark 16:14

Kɨ lùu fɨ yiba, ŋwə baa kɨ fùu yikəꞌ vɨɨ məzwetə nu ki njɔ-yimuꞌ nə, faŋ vəŋ nə duꞌ kɨ zɨ. Ŋwə shə tɨ́ vəŋ buꞌ laa fwisə vəŋ nə luu səshii, faŋ vəŋ nə kee biŋ nu ŋkɨə faŋ vɨ mfɔŋ nàysə tɨ́ vəŋ nə me, laa Yeso ywèy, vɨ ye ŋwə.

Mark 7:18

Ŋwə gi tɨ́ vəŋ laa, «Viŋ nɨzi, tɔ kiŋ kee ta yiley yimu? Viŋ kee yikɨɨ laa vətɔ vənshə faŋ mbə ndɔ fɨ fu, ŋii taa ŋwaa wə, kaꞌ mbə kee kɨ yɨsə ŋwə kee lùu wuu ley yimu?

Mark 9:19

Yeso gi tɨ́ vəŋ laa, «Aŋ viŋ, ŋgwisə vɨɨ faŋ viŋ kee nùŋ fwi siŋ maa Nwi me. Mə sii taa shi yɨ viŋ tay kɨkə? Nsiŋ ndɔ mwəsə ndəəkə? - Viŋ jwi nə wee ghɔ́ shee!»

Lukas 24:24

Vɨɨ mɔ́ꞌ fɨ taa ŋwaa yia gə shuu swi yɔ́ nɨzi, yè nu kɔ́ sheꞌ nɨniŋ, sheꞌ faŋ vəki vɔ́ nii gì. Lùu fɨ maa ŋwə, vəŋ kee ye ŋwə me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:39

Viŋ tii ŋwaꞌlə Nwi, buꞌ laa viŋ bɨ̀ꞌtə laa viŋ taa kii məbwey vəlwaŋ faŋ ŋwə gòꞌsə yighee muꞌ taa tey yi. Yinsəŋ, ŋwaꞌlə ghɔ́ gisə nu kɔ̀ŋ mə nɨzi.

1 Kɔrintian 15:3

Nu ŋkɨə faŋ mə nə fɔŋ fɨ̀ꞌtə tɨ́ viŋ, luu sheꞌ nu ŋkɨə faŋ mə nə zɔ̀ nɨniŋ nɨzi. Ntɔŋ yɔ́ lùu laa Yeso nə ku buꞌ yibɨsə nyaa-nsiŋ, sheꞌ faŋ vɨ nə nyɔ̀ꞌ taa ŋwaꞌlə Nwi laa ŋkə ndɔ gay nɨniŋ.