Lukas 23:34 - Vengo (Babungo)

³⁴ Yeso gi laa, «Tɨta Nwi, ndenə nu bwə vəŋ, buꞌ laa vəŋ kee kɨ̀ɨ nə nu ŋkɨə faŋ vəŋ yɨsə me.» Vəŋ kɨ nii ndi njwisə Yeso, tùŋ beꞌ shɔ, gàatə.

Lukas 23:34 Iomraidhean Croise

Matiu 11:25

Kɨ lùu sheꞌ maa yighee yɔ́, Yeso tey kɨ shɔꞌtə Nwi laa, «Mə kɨ bəŋsə ghɔ, tɨta Nwi, faŋ a sɔꞌ yizɔ ghɔ nsi, buꞌ laa a ndɨ̀ə ntɔŋ yijəə yə fɨ ghɔ vɨɨ tɔ ley nə vəŋkaŋ-sɨ, bee kii kɔ̀ tɨ́ vɨɨ nshi.

Matiu 11:26

Ɔŋ mɔɔ, Tɨta, lùu faŋ ŋkə nə bàw sɨ ghɔ.»

Matiu 5:44

Luu nə, mə gì ŋkaŋ tɨ́ viŋ laa, «Viŋ kɨ kaw vɨɨ mbeenə viŋ, buꞌ ghɔ tɨ́ Nwi tɔ vɨɨ faŋ vəŋ shoꞌ ghuu ghiŋ.

Mark 15:24

Vəŋ bey ŋwə fuu fəŋkɔꞌ fə ŋkɨꞌsə, gàatə njwi si vəŋ vəŋ, tùŋ beꞌ shɔ laa vɨ ye njyə faŋ wə taa tuŋ zɨ ndì.

Lukas 22:42

«Tɨta, a kɨ luu biŋ, a fi ndaw ŋɨꞌ nyə̀ fɨ maa mə. Luu nə, kɨ yɨsə nu faŋ kàw mə me, yɨsə nu faŋ kàw ghɔ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:9

Mə buꞌ ghɔ tɔ vəŋ, kee buꞌ ghɔ tɔ mbi me. Mə buꞌ ghɔ sheꞌ tɔ vɨɨ mbɨə faŋ a nə kɔ̀ shee nə, buꞌ faŋ vəŋ lùu vɨɨ və.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 19:11

Yeso bəŋsə tɨ́ ŋwə laa, «Nə toꞌ maa kɔ Nwi kɔ̀ wutə kɔ́ tɨ́ ghɔ me, buu kaꞌ a kee kìi wutə tɔ mə me. Nɨniŋ, nu bwə wə ntɨə faŋ ŋwə nii kɔ̀ mə tɨ́ ghɔ nə, shɔɔ ŋkɨə faŋ yɨ̀ ghɔ.»

Akts 16:28

Pɔɔl yumə ŋkee nəŋay, gì laa kɨ ŋwə ndɨəsə ŋwaa wi me, «Yia shɔ vənshə!»

Akts 3:17

Vaŋ-nshwi vaŋ, mə kɔꞌ kɨɨ laa viŋ nə vəshɨꞌ viŋ nə yɨ̀ nu kə̀ mbuꞌ.

Akts 7:60

kɨ nii tùŋ vətɔ vəyəə vi nsi, yùmə ŋkee nəŋay laa, «Tɨta Nwi, ndenə nu bwə vəŋ kə̀,» kɨ nii yiku nɨniŋ.

Roma 12:14

Viŋ tu mənɔŋ-bwaŋnə tɔ vɨɨ mbɨə faŋ vəŋ shoꞌ ghuu ghiŋ. Viŋ tu mənɔŋ-bwaŋnə tɔ vəŋ, kee kɨ ndasə vəŋ me.

1 Kɔrintian 2:8

Vəwutə vənshə faŋ mbə sɔꞌ mbi nyə̀, kee kɨ̀ɨ nə kəŋ tɔ-ley kɔ́ me. Mbə nəə toꞌ kɨɨ, buu vəŋ nə kee bèy tɨta Yeso Kristo, faŋ lùu Tɨɨ vəwutə, fuu fəŋkɔꞌ fə ŋkɨꞌsə me.

1 Kɔrintian 4:12

Yia faꞌ ŋkee nəŋay nə ghɔ ghia, tɨ́ kaꞌ yia kìi fa maa məzɨ. Vɨɨ ndasə yia. Luu nə, yia kɨ tu mənɔŋ-bwaŋnə tɔ vəŋ. Vɨɨ kɔ ŋɨꞌ tɨ́ yia, yia jia fwi sia.

1 Timoti 1:13

Ŋwə nə ndì mə maa faꞌ wi faŋ mə nəə kɔlə ndàsə yizii yi maa yighee vɨsɨ, toꞌ shoꞌ ghuu vɨɨ vi, yɨnə vəŋ. Luu nə, ŋwə kee gəŋ saŋ, buꞌ laa mə nəə yɨ vənu vɔ́ nə nshi, kee ta kɨ̀ɨ nə ŋwə, nùŋ fwi nyaa maa ŋwə me.

1 Pita 3:9

Kɨ luu wə yɨsə nu bwə maa viŋ, kɨ viŋ bəŋsə nə nu bwə me! Kɨ viŋ bəŋsə ndi maa ndi me! Viŋ kɨ tu sheꞌ mənɔŋ-bwaŋnə tɔ vɨɨ, buꞌ laa Nwi tii viŋ, laa viŋ kɨ yɨsə nɨniŋ, ndɔ zɨ məbwey vəlwaŋ nɨzi.