Lukas 23:2 - Vengo (Babungo)

² Vəŋ ziꞌ yifi, tey kɨ gisə vənu tɔ ŋwə, gi laa, «Yia nə ye faŋ wə ŋwə̀ nəə buulə shɨ, twey laa kɨ vɨ kɨ mɔꞌ tasə tɨ́ fwàŋ kwalə ŋwaa-nsiŋ me, baa gisə laa yi lùu wuu məbweysə shɨ kia, baa luu fwàŋ.»

Lukas 23:2 Iomraidhean Croise

Matiu 17:27

Luu nə, ŋkə kee baw laa nsoo yɨ nu faŋ ŋkə taa bɨ tɨ́ vəŋ me. Nɨniŋ, bàw a gə taa muu, mɔ̀ꞌ tasə koꞌsə fɨ taa muu. Mfɔŋ su faŋ nyə koꞌ, a ŋaꞌsə shuu wi. A taa ye ka shuu nyə. A ndi, gə̀ kɔ̀ tɨ́ vəŋ shee, baa nə maa nshɨ-tɔ wə.»

Matiu 22:21

Vəŋ gi laa, «Lùu njyə fwàŋ Kaysa.» Ŋwə gi tɨ́ vəŋ laa, «Ŋkə bàw laa vɨ kɔ fa Kaysa tɨ́ Kaysa, kɔ̀ fa Nwi tɨ́ Nwi.»

Matiu 27:11

Nɨniŋ, Yeso tɨŋ vɨsɨ Goməna. Goməna bitə tɨ́ ŋwə laa, «A luu fwàŋ vɨɨ Jus mu?» Yeso gi laa, «Gì ghɔ nɨniŋ.»

Mark 12:17

Yeso zɔ bəŋsə vəŋ, gi laa, «Viŋ kɔ fa Kaysa tɨ́ Kaysa, kɔ̀ fa Nwi tɨ́ Nwi.» Shuu vəŋ yɔŋ maa ŋwə.

Mark 15:2

Goməna Pilate bitə tɨ́ Yeso laa, «A luu fwàŋ vɨɨ Jus mu?» Yeso bəŋsə tɨ́ ŋwə laa, «A gì ŋkee nu.»

Lukas 23:14

Ŋwə gi tɨ́ vəŋ laa, «Viŋ nii jwì kɔ̀ wə ŋwə̀ shee, gì laa ŋwə bùulə shɨ. Mə taꞌ taa nsɔꞌ wi sɨ viŋ, kee yè nu kəmuꞌ faŋ ŋwə gù, yuu viŋ gì tɔ ŋwə nə me.

Lukas 23:5

Luu nə, vəŋ tweꞌ laa ŋwə buulə shɨ buꞌ faŋ ŋwə deesə nu ki shɨ Judia kənshə, baa nə laa ŋwə nə zì ŋkee fɨ shɨ Galilii, jwi ziꞌ feenə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 18:29

Nɨniŋ, goməna Pilate fuu fu, ye vəŋ fu, bìtə tɨ́ vəŋ laa, «Viŋ jìa wə ŋwə̀ laa ŋwə yɨ̀ kə bwə?»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 18:30

Vəŋ bəŋsə tɨ́ ŋwə laa, «Wə ŋwə̀ nəə toꞌ kee lùu wuu bwə me, buu yia kee jwì nə ŋwə tɨ́ ghɔ me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 19:12

Faŋ Pilate nə zɔ̀ nee, kɨ kəə meꞌtə Yeso. Luu nə, vɨɨ Jus baa mètə yɨyumə laa, kɨ luu ŋwə meꞌtə Yeso buu kaꞌ ŋwə kee baa lùu wuu jəə tɨ́ fwàŋ kwalə Kaysa me, buꞌ faŋ ŋwə meꞌtə wə faŋ ŋwə kəə laa yi luu fwàŋ.

Akts 24:13

Gə fɨ maa nu ŋkɨə faŋ vəŋ jwi nə mə shɔ tɨ́ ghɔ feenə, kaꞌ vəŋ kee də̀ ŋiꞌ ki tɨ́ ghɔ laa ŋkə lùu nu yinsəŋ me.

Akts 24:5

Yia ye laa wə ŋwə̀ lùu wuu nsɔꞌsə, kəə ntaysə taa ŋwaa vɨɨ Jus vənshə maa vəshəŋ vənshə fɨ taa mbi. Ŋwə baa luu nshɔɔ vɨsɨ fɨ taa nwaa vɨɨ Nazarini.

Roma 13:7

Nɨniŋ, ndɔꞌ wə tɨ̀ me wə nə fa ŋkɨə faŋ a kìi maa məndɔꞌ tɨ́ ŋwə. Ndɔꞌ tasə tɨ́ wuu məfi tasə, ndɔꞌ ka məshɔɔ fɨ jɨɨsə tɨ́ vɨɨ məfi ka ghɔ́, fee wə ntɨə faŋ luu wə maa məfee, bəŋsə wə ntɨə faŋ məbəŋsə lùu tɨ́ ŋwə.