Lukas 22:43 - Vengo (Babungo)

⁴³ Nshiiŋii Nwi yimɔ́ꞌ ndɔ fɨ yizɔ, jwì yɨ ŋwə, kwàŋ wutə maa ŋwə.

Lukas 22:43 Iomraidhean Croise

Matiu 26:53

A nə bɨ̀ꞌtə laa kaꞌ mə kee bùꞌ ghɔ tɨ́ Tii ŋwaa, ŋwə tɔ̀ŋ nshiisə-ŋiisə si yinwaa njɔsə-bɔɔ yighuŋ yighee muꞌ yimu?

Matiu 4:11

Ŋwə nə gì nɨniŋ, tɨɨ vəzwitə vəbwəvə ndɔ fɨ yɨ ŋwə, gə̀. Nshiisə-ŋiisə Nwi kɨ nii jwì yɨ ŋwə, fàꞌ tɨ́ ŋwə.

Matiu 4:6

gì tɨ́ ŋwə laa, «Kɨ luu laa a lùu Wee Nwi, a sawnə shəŋ nsi, buꞌ laa ŋkə lùu taa ŋwaꞌlə Nwi laa, «Nwi taa tɔŋ vɨɨ ntɔŋ vi fɨ yizɔ laa vəŋ ndwey ghɔ laa kɨ ghɔ tuŋ ghuu kə maa ŋoꞌ me.»

Lukas 22:32

Luu nə, mə shɔꞌtə Nwi tɔ ghɔ laa, kɨ nu mənuŋ fwi yə maa mə kee ndɔ mè me. Nɨniŋ, yighee njyə faŋ a ndɔ kwiinə fwi yə, weꞌsə vaŋ-nshwi və!»

Akts 14:22

Maa vəshəŋ vɔ́ vənshə, vəŋ yɨsə fwisə vɨɨ məbiŋ nu Kristo weꞌ maa nu Kristo. Vəŋ baa tɨ̀sə vɨɨ vɔ́ laa vəŋ goꞌsə ghɔ vɨ Yeso, baa nàysə tɨ́ vəŋ laa vɨɨ məbiŋ nu Kristo taa ye ŋɨꞌ, buu ŋii maa nu yifwàŋ Nwi.

Akts 18:23

Pɔɔl nə shì Antiɔk vəshi vəmɔ́ꞌ, baa kii ndɔ fɨ fuŋ, gə̀ tòꞌ fɨ kwiŋ Galatia nə Frigia, toꞌ gisə tɨ́ vɨɨ məbiŋ nu Kristo, yɨsə vəŋ weꞌ maa nu Nwi.

1 Timoti 3:16

Nu məbəŋsə Nwi luu ŋkee nu kwalə, kaꞌ wə kee twey me, faŋ ŋkə kɔlə ndènə fɨ yikəꞌ vɨɨ nə. Nu kwalə kɔ́ lùu laa, «Wuu məbweysə ŋwaa-nsiŋ, nə gù wə, fùu yikəꞌ vɨɨ. Nu ki fuu kəloomə buꞌ Zwitə Ley ki. Nshiisə-ŋiisə Nwi ye ŋwə. Vɨɨ fɨꞌtə nu ki taa ŋwaa vɨɨ tətɔŋ fu. Vɨɨ fɨ taa mbi yinshə nuŋ fwisə vəŋ maa ŋwə. Nwi ndi ŋwə, koꞌ nə ŋwə taa yizɔ, yɨ̀sə ŋwə kwalə.»

Hibru 1:14

Nshiisə-ŋiisə Nwi sənshə luu sheꞌ vəzwitə faŋ vəŋ faꞌ tɨ́ Nwi, faŋ ŋwə tɔ̀ŋ vəŋ laa vəŋ gə gàŋtə vɨɨ mbɨə faŋ Nwi taa bweysə vəŋ nə.

Hibru 1:6

Ŋwə nə baa gì kɔ̀ŋ yighee njyə faŋ Nwi ndɔ baa yɨsə ŋwiŋ wi ŋii mbi laa, «Nshiisə-ŋiisə Nwi sənshə gwenə ŋwə.»

Hibru 2:17

Ŋwə nə gù yaa vaŋ-nshwi vi maa jɨɨsə sənshə, tɨ́ kaꞌ ŋwə kèe gəŋsə vəŋ, gù yaa wuu kwalə məfeꞌ Nwi, faŋ ŋwə faꞌ tɨ́ Nwi nə fwi yimuꞌ, laa ŋwə sɔ yibɨsə vɨɨ faŋ vəŋ nə yɨ̀sə nə.