Lukas 22:16 - Vengo (Babungo)

¹⁶ Mə naysə tɨ́ viŋ laa mə ndɔ kee baa zɨ Pasa me, gə kɔ tɨ́ yighee njyə faŋ Nwi ndɔ lesə ŋiꞌ ki taa nu yifwàŋ ki.»

Lukas 22:16 Iomraidhean Croise

Lukas 12:37

Mənɔŋ-bwaŋnə tɔ vɨɨ faꞌ mbɨə faŋ tɨɨ vəŋ kɨ bə̀ŋ, ye vəŋ nə yikɨꞌ. Yinsəŋ, mə naysə tɨ́ viŋ laa ŋwə taa lootə ŋwaa wi, yɨ̀sə vəŋ duꞌ shəŋ məzɨ, kɨ nii gàa fazɨ tɨ́ vəŋ.

Lukas 14:15

Wə muꞌ fɨ taa ŋwaa vɨɨ vɔ́, faŋ ghɔ vɨ vəŋ nə dùꞌ mɔ́ꞌ kɨ zɨ nə, zɔ nu kɔ́, gì laa, «Mənɔŋ-bwaŋnə tɨ́ wə ntɨə faŋ ŋwə ndɔ ŋii nu yifwàŋ Nwi, zɨ̀ fazɨ fɨ fuŋ!»

Lukas 22:15

Ŋwə gi tɨ́ vəŋ laa, «Fwi nyaa nəə kaw dɨdɨꞌ laa nsiŋ zɨ fazɨ Pasa kə̀ mɔ́ꞌ, buu mə taa kɨ ye ŋɨꞌ.

Lukas 22:18

Mə naysə tɨ́ viŋ laa, shù fɨ ndwə mə kee baa nu məluꞌ me, gə ziꞌ maa shi ŋkɨə faŋ nu yifwàŋ Nwi ndɔ jwi.»

Lukas 22:30

Viŋ ndɔ zɨ maa shəŋ ŋkɨə faŋ mə zɨ shɔ taa yifwàŋ Nwi, ndɔ duꞌ fuu vəkenə, kɨ sɔꞌ məshɨ mə Isirayl njɔsə-bɔɔ nə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:27

Kɨ viŋ baa kɨ faꞌ maa fazɨ ŋkɨə faŋ ŋkə taa ndi me. Bàw viŋ faꞌ maa məfi fazɨ ŋkɨə faŋ kaꞌ ŋkə goꞌsə yighee muꞌ, yɨ̀ viŋ kìi məbwey vəlwaŋ. Lùu ŋkɨə faŋ Wuu yinsəŋ Nwi ndɔ kɔ tɨ́ viŋ. Kaꞌ ŋwə kɔ tɨ́ viŋ buꞌ laa tɨta Nwi nə kɔ̀ wutə ki tɨ́ ŋwə yaa shwenə tɨ́ viŋ.»

Akts 10:41

Luu nə, ŋwə nə kee fùu sɨ vɨɨ vənshə me, fuu sheꞌ sɨ yia, buꞌ laa yia lùu vɨɨ mbɨə faŋ Nwi nə shoꞌ laa yia ye ŋwə nə sɨ. Ŋwə nə fùu fɨ shɨ yiku, yia vɨ vəŋ zɨ, ndɔ nu.

Reveleyshən 19:9

Nshiiŋii Nwi yɔ́ gi tɨ́ mə laa mə nyɔꞌ laa, «Mənɔŋ-bwaŋnə lùu tɨ́ vɨɨ mbɨə faŋ Nwi tii vəŋ maa yitianə wee-bi-njɨɨ yɔ́,» baa kɨ gì laa, «Luu ŋkee yigisə Nwi yinsəŋ nə.»