Lukas 21:36 - Vengo (Babungo)

³⁶ Nɨniŋ, viŋ kɨ shi nə yikɨꞌ ghee nshə, shɔꞌtə Nwi laa ŋwə kɔ wutə tɨ́ viŋ, tɨ́ kaꞌ viŋ nyɨŋkə fɨ ghɔ vənu mbɨə faŋ mbə taa jwi nə, ndɔ tɨŋnə vɨsɨ Wuu yinsəŋ Nwi.»

Lukas 21:36 Iomraidhean Croise

Matiu 24:42

Nɨniŋ, viŋ kɨ shi nə yikɨꞌ, buꞌ laa viŋ kee kɨɨ nə shi ŋkɨə faŋ Tɨta wiŋ ndɔ jwi shɔ nə me.

Matiu 24:43

Viŋ zɔ! Tɨɨ ŋii toꞌ kɨɨ nə yighee njyə faŋ ndɔꞌ taa kɨ jwi shɔ fu ŋwə, buu ŋwə kɨkɨꞌ, kee biŋ laa ndɔꞌ ghɔ́ bɨꞌ ŋii yi, ŋii me.

Matiu 24:44

Sheꞌ nɨniŋ, bàw viŋ kɨ shi nə yikɨꞌ nɨzi, buꞌ laa Wuu yinsəŋ Nwi ndɔ baa bəŋ jwi maa yighee faŋ viŋ kee bɨꞌtə laa ŋwə jɨjwi me.»

Matiu 25:13

Yeso metə yigisə tii yɔ́, gì tɨ́ vəŋ laa, «Viŋ kɨ shi nə yikɨꞌ, buꞌ laa viŋ kee kɨ̀ɨ nə shi, tɨꞌnə me yighee njyə faŋ mə ndɔ bəŋ jwì me.»

Matiu 26:41

Viŋ kɨ kɨꞌ, shɔꞌtə Nwi, laa kɨ viŋ ŋii məmɔŋ maa məyɨ nu bwə me. Maa fwi siŋ biŋ, bəə yiŋwaa yiŋ bə̀ə ŋay.»

Matiu 8:20

Yeso gi tɨ́ ŋwə laa, «Mənsɨŋ-mə-ŋgusə kìi təŋɔŋ təvəŋ, mənwə fɨ taa yizɔ kii təzi təvəŋ. Gə fɨ maa Wuu yinsəŋ Nwi, ŋwə kee kìi shəŋ nuŋsə tɔ ki shɔ me.»

Mark 13:33

Viŋ kɨ shiinə yiŋwaa yiŋ, duꞌ shi nə yikɨꞌ, buꞌ laa viŋ kee kɨɨ nə yighee njyə faŋ ŋkə ndɔ luu me.

Mark 13:37

Nu ŋkɨə faŋ mə nii gì tɨ́ viŋ nə, mə gì tɨ́ vɨɨ vənshə, laa viŋ kɨ shi nə yikɨꞌ.»

Lukas 1:19

Nshiiŋii Nwi yɔ́ bəŋsə tɨ́ ŋwə laa, «Mə lùu Gabreya faŋ ŋwə tɨ̀ŋnə yɨ Nwi. Vɨ tɔ̀ŋ mə laa mə jwi gì tɨ́ ghɔ maa mənaysə ntɔŋ yijəə nyə̀ tɨ́ ghɔ.

Lukas 18:1

Yeso baa tìi yigisə tii yimɔ́ꞌ tɨ́ vəŋ maa mədə laa ŋkə bàw maa məshɔꞌtə Nwi ghee nshə, kee bwa me.

Lukas 20:35

Gə fɨ maa vɨɨ mbɨə faŋ Nwi ndɔ biŋ vəŋ, vəŋ kuꞌnə maa məywey fɨ shɨ yiku, baa kuꞌnə maa məzɨ mbi yinjii, vəŋ kee ndɔ baa ndaa vəki me, vəki kee ndàa vəndɔŋ me.

Lukas 21:35

Viŋ kɔꞌ kɨɨ laa shi kɔ́ ndɔ gwəkə jwi tɨ́ vɨɨ vənshə faŋ vəŋ lùu shɨ nsi. Vənu vɔ́ jia vəŋ vənshə laylay.

Akts 10:2

Ŋwə nəə fee Nwi, nùŋ fwi yi maa nu Nwi ghɔ vɨ ŋii yi yinshə. Ŋwə nə faꞌ jəə maa məgaŋtə mbəəsə fɨ shɨ Judia, ndɔ shɔꞌtə Nwi ghee nshə.

1 Kɔrintian 16:13

Viŋ kɨ kɨɨ buꞌ viŋ gu nu me! Viŋ nuŋ fwi siŋ maa Yeso Kristo, wèꞌ shɔ. Viŋ kii fwisə weꞌsə, tɨ̀ŋnə weꞌ.

2 Kɔrintian 4:14

Yia kɔꞌ kɨɨ laa wə ntɨə faŋ ŋwə nə ywèysə tɨta Yeso fɨ shɨ yiku nə, ndɔ baa yweysə nsiŋ buꞌ ŋwə, jwì nə nsiŋ, nùŋsə vɨsɨ ŋwə.

Kɔlɔsii 4:2

Viŋ kɨ shɔꞌtə Nwi ghee nshə, kee bwa me! Viŋ kɨ shi nə yikɨꞌ, bwaŋ Nwi maa vənu vənshə!

1 Tesalonika 5:17

shɔꞌtə Nwi ghee nshə,

2 Timoti 4:5

Gə fɨ maa ghɔ, bàw a jia fwi yə, nyə ley maa vənu vənshə, kɨ biŋ ŋɨꞌ buꞌ nu Kristo, faꞌ faꞌ wuu məfɨꞌtə ntɔŋ yijəə Nwi, faꞌ faꞌ wə nshə yaa wuu faꞌ Nwi.

1 Pita 4:7

Ndwəsə vənu vənshə lùu nshənə. Nɨniŋ, viŋ kɨ yɨsə vənu vənshə nə yitɔfə, tɔ kiŋ ley nɨzi, tɨ́ kɨ kaꞌ viŋ kɨ shɔꞌtə Nwi.

1 Pita 5:8

Viŋ duꞌ nə tɔ ley, kɨ shi nə yikɨꞌ nɨzi, buꞌ laa tɨɨ vəzwitə vəbwəvə toꞌ fɨ taa mbi, toꞌ bwə yaa bikəə, kəə wə kwə.

1 Jɔn 2:28

Vaŋ vaŋ, bàw viŋ kii fa kəmuꞌ viŋ vɨ Yeso! Nɨniŋ laa shi ŋkɨə faŋ ŋwə ndɔ bəŋ jwì fùu ntee, nsiŋ kɨꞌ vənu nə məŋaytə. Kɨ tɔ kaŋ-nsiŋ dɨɨ faŋ ŋwə ndɔ jwi fùu ntee me!

Ŋwaꞌlə Jud 1:24

Nsiŋ kɨ bəŋsə Nwi faŋ ŋwə kìi wutə maa məyɨsə viŋ weꞌ maa nu Nwi, kee gù nu shɔ me. Kìi Nwi kìi wutə maa məsɔ yibɨsə yiŋ yinshə, tɨ́ kaꞌ viŋ ndɔ jwi nə məŋaytə, jwì tɨ̀ŋnə vɨsɨ Nwi, faŋ ŋwə kìi feenə nshə.

Reveleyshən 11:4

Vɨɨ məfɨꞌtə nu kaŋ vɔ́ vəbɔɔ nə, lùu yaa vətɨ və məŋgwə vəbɔɔ, nə təkiꞌ təbɔɔ faŋ ntə tɨ̀ŋ vɨsɨ Tɨɨ-mbi.

Reveleyshən 6:17

buꞌ laa shi məshəsə kwalə vəŋ kùꞌnə maa məsɔꞌ mbi yinshə. Sii kaꞌ tɨŋ ndə yizɔ?»

Reveleyshən 7:9

Yiŋkii kɨ shɔɔ, mə kɨ ye, yè ŋkee nwaa vɨɨ vəyaŋ, tɨ́ kaꞌ wə kee say me. Vəŋ nə ndɔ̀ fɨ taa məshɨ mənshə, nə təkuu tənshə, nə ŋgwisə vɨɨ yinshə, nə təghaŋ tənshə, jwì tɨ̀ŋnə vɨsɨ ŋkaw kɔ́ nə vɨsɨ bi-njɨɨ yɔ́, nə njwisə fusə səmɔ́ꞌsə maa vəŋ, nə vəshay və yitee ghɔ vəŋ,

Reveleyshən 8:2

Mə kɨ ye, yè nshiisə-ŋiisə Nwi sɔ́ kwatia, faŋ vəŋ tɨŋnə vɨsɨ Nwi, vɨ kɔ təsaw tɨ́ vəŋ kwatia.