Lukas 21:34 - Vengo (Babungo)

³⁴ (Yeso baa gì laa,) «Viŋ kəmə tɔ kiŋ laa, kɨ fwi siŋ bwa buꞌ faŋ viŋ zɨ vətɔ, nu məluꞌ məyaŋmə me, tɨꞌnə me jɔmə vətɔ və shɨ nsi, buꞌ shi kɔ́ ndɔ gwəkə jɨjwi, tɨ́ viŋ kee lootə yiŋwaa me.

Lukas 21:34 Iomraidhean Croise

Matiu 13:22

Gə fɨ maa say faŋ vɨ mɔ̀ꞌ taa nyawsə nə, lùu yaa wə faŋ ŋwə zɔ̀ yigisə Nwi, luu nə, ywìitə sheꞌ vətɔ və shɨ nsi, vənu və ka bweꞌsə ŋwə nɨzi, kà nu Nwi kɔ́ fɨ taa fwi ŋwə, ŋkə ku, kee yə̀əsə ŋgwisə yi me.

Mark 13:9

Viŋ kɨ lootə yiŋwaa yiŋ. Vɨ ndɔ kɨ jiatə viŋ, kwaŋ taa nsɔꞌ, saŋ viŋ taa ndɔꞌ məshəŋtə vɨɨ Nwi. Viŋ ndɔ tɨŋ vɨsɨ vəgoməna nə vəfwàŋ buꞌ yizii nyaa. Nɨniŋ, vɨɨ vɔ́ ndɔ zɔ nu Nwi shɔ.

Mark 4:19

vəŋ kɨkɔŋ ŋwaa vəŋ buꞌ nu vətɔ və shɨ nsi, kaw ka, mwə̀sə vətɔ vəmɔ́ꞌ. Mbə jia fwisə vəŋ, ndɔ̀ kà yigisə Nwi laa kɨ nyə see ŋgwisə yi me.

Lukas 10:41

Tɨta Yeso bəŋsə tɨ́ ŋwə laa, «Aŋ Marta, a bɨŋ ghaysə ŋwaa wə maa vətɔ vəyaŋvə.

Lukas 12:40

Nɨniŋ, viŋ lootə ŋwaa wiŋ nɨzi, buꞌ laa Wuu yinsəŋ Nwi ndɔ baa kɨ jwi maa yighee faŋ viŋ kee yikɨɨ me.»

Lukas 17:3

Viŋ shiinə yiŋwaa yiŋ! Kɨ luu laa weenshu wə gù nu, a tɨ ŋwə. Ŋwə kɨ luu kwiinə fwi yi, a ndenə nu kɔ́.

Lukas 21:35

Viŋ kɔꞌ kɨɨ laa shi kɔ́ ndɔ gwəkə jwi tɨ́ vɨɨ vənshə faŋ vəŋ lùu shɨ nsi. Vənu vɔ́ jia vəŋ vənshə laylay.

Lukas 21:8

Ŋwə gi tɨ́ vəŋ laa, «Viŋ kɨ kəmə tɔ kiŋ, buꞌ vɨ ndɔ bweꞌsə viŋ. Vɨɨ vəyaŋ ndɔ fuu taa mbi maa yizii nyaa, gisə laa vəŋ lùu mə, baa gisə laa yighee yɔ́ kɨkuꞌ. Kɨ viŋ ndɔ beꞌsə vɨɨ vɔ́ me.

Lukas 8:14

Gə fɨ maa say ŋgɨə faŋ ŋə fìŋkə taa nyawsə, lùu yaa nu vɨɨ mbɨə faŋ vəŋ zɔ̀ nu Nwi, luu nə, vəŋ taa kɨ bəŋ gə, kɨ kɔŋ ŋwaa vəŋ buꞌ nu vətɔ və shɨ nsi. Nɨniŋ, vənu və ka, nə nu məzɨ ŋwaa bweꞌsə vəŋ, say vəŋ ku nɨniŋ, ŋgwisə yi kee yifuu me.

1 Kɔrintian 5:11

Nu ŋkɨə faŋ mə kəə gì, lùu laa kɨ viŋ kɨ duꞌ shəŋ muꞌ viŋ vɨ wə faŋ ŋwə gì laa yi lùu wuu Nwi, luu nə, yɨsə vənu vəbwəvə me. Weenshu ŋwaa-nsiŋ mɔ́ꞌ lùu shɔ faŋ ŋwə tii vəki, tɨꞌnə me səsə vətɔ, tɨꞌnə me feꞌ vənwi vədayday, tɨꞌnə me ndasə vɨɨ, tɨꞌnə me nu məluꞌ ghenə, tɨꞌnə me shɨshaw, kɨ viŋ kɨ shi viŋ vɨ kəŋ vɨɨ vɔ́ shəŋ muꞌ me. Kɨ viŋ kɨ zɨnə viŋ vɨ kəŋ vɨɨ vɔ́ faŋ vəŋ yɨsə kəŋ vənu vɔ́ me.

1 Kɔrintian 6:10

nə vɨɨ faŋ vəŋ shɨshaw, nə vɨɨ vəŋwiŋ, nə vɨɨ faŋ vəŋ nu məluꞌ, mbə shɔɔ sɨ vəŋ, nə vɨɨ faŋ vəŋ toꞌ ndasə vɨɨ, nə vɨɨ faŋ vəŋ si vətɔ və vɨɨ, kəŋ vɨɨ vɔ́ vənshə, faŋ vəŋ yɨsə vənu vəbwəvə vɔ́ nə, kee ndɔ ŋii taa nu yifwàŋ Nwi me.

Galatia 5:20

nə məfeꞌ vənwi vədayday, nə mfisə, nə mbeenə, nə ntaysə, nə ŋkəŋsə, nə fwi yishəsə, nə vəŋwiŋ, nə məgaasə yiŋwaa vəway vəway,

Filipi 4:6

Kɨ viŋ baa kɨ ghaysə ŋwaa kɔ̀ŋ vətɔ faŋ kaꞌ mbə taa bəə fɨ ghɔ viŋ me. Viŋ kɨ kii bee shɔꞌtə Nwi ghee nshə, kɨ naysə vətɔ mbɨə faŋ viŋ kəə tɨ́ Nwi. Faŋ viŋ ndwaŋ Nwi, bàw viŋ baa bwàŋ ŋwə nɨzi.

Hibru 12:15

Viŋ kɨ ndɨɨnə laa kɨ wə fɨ wiŋ ndi jɨɨ Nwi, mànə gəŋsə Nwi me. Kɨ wə gu yaa mbiŋ faŋ ŋkə bɨbiŋ me, faŋ ŋkə jwi nə məbiŋ wi, yɨsə vətɔ vəmɔ́ꞌ biŋ me. Kəŋ vɨɨ vɔ́ yaa kɨ jwi nə vənu vəbwəvə, bɨsə nshinə vɨɨ vəyaŋ.

2 Pita 3:10

Viŋ kɔꞌ kɨɨ laa, yighee ndɔ kɨ kuꞌ, faŋ tɨta Yeso ndɔ bəŋ jwì, ŋwə ndɔ gwəkə jwi yaa ndɔꞌ, faŋ ndɔꞌ yaa kɨ jwi faŋ vɨɨ kee yikɨɨ me. Maa yighee yɔ́, vɨ ndɔ zɔ gɨ yikwalə yimɔ́ꞌ laa «kwaŋ», yizɔ kee baa lùu shɔ me. Vətɔ fɨ yizɔ nə fɨ nsi yey taa wi vənshə, mè laylay. Nsi nɨzi, ghɔ vətɔ vənshə faŋ mbə lùu shɔ, me vənshə.

2 Pita 3:14

Nɨniŋ, vɨɨmba vaŋ faŋ mə kàw, viŋ kɨ luu kɨ kɨꞌ vənu vɔ́, viŋ kəə jɨɨ kɨ yɨ vənu vəjəəvə ghee nshə, laa tuu wee-ndoꞌ kee lùu maa viŋ vɨsɨ Nwi me, tɨ́ kaꞌ viŋ Nwi duꞌ nyɔŋ.

Reveleyshən 3:3

Lumə faŋ nu Kristo nə jwì zìꞌ ghɔ ghɔ, faŋ a nə zɔ̀ nu kɔ́ nə. Nɨniŋ, kwiinə fwi yə, baa jia nu kɔ́. A kee kaw kɨ shi nə yikɨꞌ me, buu mə taa nyɔꞌtə jwi yaa ndɔꞌ maa yighee faŋ a kee yikɨɨ laa mə taa jwi yɨ ghɔ me.