Lukas 21:12 - Vengo (Babungo)

¹² Luu nə, nu mɔ́ꞌ ndɔ luu shɔ ŋkəə, buu vənu vɔ́ vənshə gay. Nu kɔ́ lùu laa vɨ ndɔ jiatə viŋ, kɨ shoꞌ ghuu ghiŋ, nùŋsə viŋ nsi taa ndɔꞌ məshəŋtə, kwàŋ viŋ mfiŋ, gə nə viŋ vɨsɨ vəfwàŋ nə vəgoməna buꞌ nu yizii kaŋ.

Lukas 21:12 Iomraidhean Croise

Matiu 22:6

Vəmɔ́ꞌ jiatə vəndifwaŋ vɔ́, yɨ̀ ŋɨꞌ maa vəŋ, zwìlə vəŋ.

Matiu 24:8

Vənu vɔ́ vənshə ndɔ luu vənzi və ŋɨꞌ njyə faŋ nyə ndɔ gay mbi, buu mbi kɨ nii yindwə. Nyə ndɔ baa lùu yaa nu wəzwi faŋ ŋwə ndɔŋmə wee, zɔ məza.

Lukas 21:11

Nsi kɨ nəꞌnə nəŋay maa vəshəŋ vəyaŋ. Jɨŋ nə vəza vəbwəvə ŋii vɨɨ vəshəŋ vəshəŋ. Vənu ndɔ fuu faŋ mbə yɨsə nduŋ sɨɨ vɨɨ. Vəshwenə vəkwalə baa fuu fɨ yizɔ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 15:20

Viŋ lumə nu ŋkɨə faŋ mə nii gì tɨ́ viŋ laa, wuu faꞌ kee shɔ̀ɔ tii wi me. Vɨ nə shòꞌ ghuu ŋaa, vɨ taa kɨ shoꞌ ghuu ghiŋ nɨzi. Faŋ vɨ nə jìa nu kaŋ, buu vɨ taa jia nu kiŋ nɨzi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 15:21

Vənu vəbwəvə faŋ vɨ ndɔ yɨsə maa viŋ, vɨ yɨ̀ buꞌ yizii nyaa, buꞌ laa vəŋ kee kɨɨ nə wə ntɨə faŋ ŋwə nə tɔ̀ŋ mə taa mbi nyə̀ me.

Akts 22:30

Tɨɨ vəsogeꞌ kwalə ghɔ́ nəə kəə kɨɨ nə nu ŋkɨə faŋ vɨɨ Jus nəə kəə fɨ yiba Pɔɔl, fu kɨ lee ŋwə keꞌtə mfiŋ fɨ fəŋ Pɔɔl, tìi vɨɨ kwalə məfeꞌ Nwi nə vəshɨꞌ və vɨɨ Jus vənshə maa məshəŋtə, kɨ nii ndì Pɔɔl, yɨ̀sə ŋwə tɨŋnə nɨntəŋ ŋwaa vəŋ.

Akts 5:40

baa tìi vɨɨ ntɔŋ Yeso taa ŋii, saŋ vəŋ nə vəmfa, gì tɨ́ vəŋ laa kɨ vəŋ baa kɨ deesə nu kɔ̀ŋ yizii Yeso me, kɨ nii mèꞌtə vəŋ.

Akts 8:3

Sɔɔl bɨsə nwaa vɨɨ Kristo dɨdɨꞌ, toꞌ ŋii taa ndɔꞌ vɨɨ nə wutə, fuusə vəndɔŋ ghɔ vəki, kwaŋ vəŋ taa ŋii mfiŋ.

Akts 9:4

Ŋwə gu nsi, zɔ gɨ wə faŋ nyə gì tɨ́ ŋwə laa, «Sɔɔl, Sɔɔl, a sii shoꞌ ghuu kaŋ buꞌ kə?»

1 Pita 2:13

Bàw viŋ zɔnə vɨɨ mbɨə faŋ vəŋ sɔꞌ mbi buꞌ tɨta Yeso, baa kɨ zɔnə fwàŋ Kaysa faŋ ŋwə shɔ̀ɔ vəfwàŋ vənshə,

Reveleyshən 2:10

Kɨ fee ŋɨꞌ njyə faŋ a taa ye nə me. Tɨɨ vəzwitə vəbwəvə Satan taa kwaŋ fɨ maa viŋ taa ŋii mfiŋ, laa vɨ mɔŋ viŋ. Viŋ taa kɨ ye ŋɨꞌ maa vəshi yighuŋ. Viŋ kii fwi yiweꞌ, twèꞌ maa nu Kristo, zìꞌ tɨ́ yiku, buu ŋwə ndɔ key viŋ nə məbwey vəlwaŋ.»