Lukas 2:9 - Vengo (Babungo)

⁹ Nshii-ŋii Nwi gwəkə fuu vɨsɨ vəŋ, məley Nwi bee kia vəŋ, vəŋ fee ŋkee dɨdɨꞌ.

Lukas 2:9 Iomraidhean Croise

Matiu 1:20

Faŋ ŋwə nə bɨꞌtə nɨniŋ, njyəə shi ŋwə, nshiiŋii Nwi jwi maa ŋwə taa njyəə, gì laa, «Josef, wuu ŋiinə Deyvid, kɨ ghɔ fee maa məndi Meri maa zu wə me. Məgɔ ŋwə̀ faŋ ŋwə gɔ̀ nə, yɨ̀sə Zwitə Ley Nwi.

Lukas 1:28

Nshiiŋii Nwi yɔ́ jwi shɔ̀ꞌtə ŋwə laa, «Kɨ ŋaytə mɔɔ, wuu gəŋsə Nwi, Tɨɨ-mbi jɨŋ ghɔ.»

Lukas 2:8

Maa ntɨꞌ yɔ́, nshiisə bisə nə luu shɔ maa yighee yɔ́, shii bisə-njɨɨ vəŋ vətuꞌ taa tɔɔ.

Lukas 24:4

Tɔ vəŋ shii maa nu kɔ́. Vɨɨ vəbɔɔ gwəkə tɨ̀ŋnə yɨ vəŋ, tɨ́ vəŋ mɔꞌ njwisə ndwaꞌlə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:41

Aysaya nə gì vənu vɔ́ buꞌ laa ŋwə nə kɨ̀ɨ nə yikwalə Yeso. Ŋwə nəə gisə vənu vɔ́ kɔ̀ŋ Yeso.

Akts 12:7

Nshiiŋii Nwi gwəkə fùu, məley Nwi bee taa ŋii mfiŋ yɔ́. Nshiiŋii Nwi yɔ́ buꞌtə Pita fɨ yiŋii ŋwə, yə̀ŋ ŋwə, gì tɨ́ ŋwə laa, «Yasə ndɔ yizɔ!» Sheꞌ yighee yɔ́ mfiŋsə sɔ́ shiakə fɨ kwiŋ ŋwə, fìŋkə nsi.

Akts 27:23

Nshiiŋii Nwi nii jwì maa mə vətuꞌ ndee. Nə luu nshiiŋii Nwi, faŋ kìi Nwi ghɔ́ kìi mə. Mə baa luu bəŋsə ŋwə.

Akts 5:19

Kɨ luu vətuꞌ nshiiŋii Nwi jwi, ŋàꞌsə shuu ŋii mfiŋ ghɔ́, fùusə vəŋ, gì laa,

2 Kɔrintian 3:18

Nɨniŋ, nsiŋ vənshə kee baa kìi njwi yɔ́ yikəꞌ nsiŋ me. Mɔꞌmbi, faŋ ŋwə bàw shɨlə nə, bee yikəꞌ nsiŋ, nsiŋ kiasə gù yuu ŋkɨꞌnə yi, bàw, gə̀ vɨsɨ vɨsɨ, buꞌ laa yɨ̀sə Zwitə Mɔꞌmbi nɨniŋ. Nɨniŋ, nsiŋ lùu yaa ŋwaꞌlə məye sɨ faŋ vɨɨ ye məbaw Nwi fɨ fuŋ.

2 Kɔrintian 4:6

Nwi, faŋ ŋwə nə gì laa, «Bàw məley kɨ bee, fùu fɨ taa mfiŋsə,» ŋwə baa yɨ̀sə məley bee taa fwisə yia, maa məkɔ tɔ ley tɨ́ yia, tɨ́ kaꞌ yia kɨ̀ɨ nə yikwalə Nwi, faŋ nyə fùu ntee taa ŋwaa Kristo.

1 Timoti 3:16

Nu məbəŋsə Nwi luu ŋkee nu kwalə, kaꞌ wə kee twey me, faŋ ŋkə kɔlə ndènə fɨ yikəꞌ vɨɨ nə. Nu kwalə kɔ́ lùu laa, «Wuu məbweysə ŋwaa-nsiŋ, nə gù wə, fùu yikəꞌ vɨɨ. Nu ki fuu kəloomə buꞌ Zwitə Ley ki. Nshiisə-ŋiisə Nwi ye ŋwə. Vɨɨ fɨꞌtə nu ki taa ŋwaa vɨɨ tətɔŋ fu. Vɨɨ fɨ taa mbi yinshə nuŋ fwisə vəŋ maa ŋwə. Nwi ndi ŋwə, koꞌ nə ŋwə taa yizɔ, yɨ̀sə ŋwə kwalə.»

Hibru 12:21

Vətɔ mbɨə faŋ vəŋ nə yè maa shəŋ kɔ́, nə luu ŋkee vənyɔɔtə. Nshɨ-tɔ Mose nə gì laa, fwi yi lɔꞌ, yi fee.

Reveleyshən 18:1

Yiŋkii kɨ shɔɔ, mə ye nshiiŋii Nwi yimɔ́ꞌ faŋ ŋwə ndɔ fɨ yizɔ, sìꞌ nsi, tɨ́ Nwi kɔ wutə kwalə tɨ́ ŋwə. Ŋwə nə ndwàꞌlə, mbi ley.

Reveleyshən 20:11

Mə baa kɨ nii yè kenə kwalə kəfusə nə wə faŋ ŋwə dùꞌ fuu yi, nsi nə yizɔ nyɨŋ fɨ yikəꞌ ŋwə. Shəŋ nə kee baa lùu shɔ, tɨ́ kaꞌ nsi ghɔ yizɔ dùꞌ shɔ me.