Lukas 2:47 - Vengo (Babungo)

⁴⁷ Ŋkə nə ghɔ̀ꞌ vɨɨ vənshə faŋ vəŋ nə zɔ̀ yigisə yi. Shuu vəŋ yɔŋ buꞌ yitɔfə yi, nə nu ŋkɨə faŋ ŋwə bəŋsə.

Lukas 2:47 Iomraidhean Croise

Matiu 13:54

kɨ ziꞌ ŋkee ntɨꞌ vəŋ shɨ vəŋ, dèesə nu Nwi tɨ́ vɨɨ taa ŋii Nwi. Shuu vɨɨ vɔ́ yɔŋ, vəŋ gi laa, «Wə ŋwə̀ sii ndì kəŋ yitɔfə ŋwə̀ fɨ fə, nə vənu vəkwalə mbɨə faŋ ŋwə yɨsə nee nə?

Matiu 22:33

Vɨɨ mbɨə faŋ vəŋ nə shə̀ŋtə yifi nə, shuu vəŋ yɔŋ maa nu ŋkɨə faŋ ŋwə nəə deesə tɨ́ vəŋ nə.

Matiu 7:28

Yeso kɨ mètə təgi tɔ́, shuu vɨɨ vɔ́ yɔŋ maa yigi njyə faŋ ŋwə nə gì tɨ́ vəŋ nə,

Mark 1:22

Yishuu vɨɨ yɔŋ maa mədeesə wi ghɔ́, buꞌ laa ŋwə nəə deesə yuu wə faŋ ŋwə kìi wutə məsɔꞌ vɨɨ, kee deesə yaa vɨɨ mədeesə ŋwaꞌlə Nwi (faŋ vəŋ yaa kɨ deesə sheꞌ maa yizii wə dɨday) me.

Mark 11:18

Vɨɨ kwalə məfeꞌ Nwi nə vɨɨ mədeesə ŋwaꞌlə Nwi zɔ nu kɔ́, kɨ kəə jɨɨsə maa məzwi ŋwə, buꞌ laa vəŋ nəə fee ŋwə, fɔnə vɨɨ vəyaŋ nəə bəŋsə ŋwə maa vənu mbɨə faŋ ŋwə nəə deesə nə.

Mark 6:2

Shi zwisə Nwi kuꞌ, ŋwə tey kɨ deesə nu Nwi taa ŋii məshɔꞌtə Nwi. Vɨɨ vəyaŋ faŋ vəŋ nə luu shɔ, zɔ, shuu vəŋ yɔŋ. Vəŋ gi laa, «Nu ki kə̀ sii ndɔ̀ fɨ fə? Kəŋ yitɔfə njyə faŋ vɨ kɔ̀ tɨ́ ŋwə nə, sii lùu yitɔfə yikə? Ŋwə yɨsə vənu və yifiŋtə və̀ nə ghɔ ghi kɨkə?

Lukas 2:18

Vɨɨ vənshə faŋ vəŋ nə zɔ̀ yigi yɔ́, shuu vəŋ yɔŋ maa nu ŋkɨə faŋ nshiisə bisə sɔ́ nàysə tɨ́ vəŋ nə.

Lukas 2:46

Fu lee, vəŋ gə taa ŋii Nwi yikwalə, yè ŋwə yifi. Ŋwə nə dùꞌ taa ŋwaa vɨɨ mədeesə ŋwaꞌlə Nwi, zɔ vənu faŋ vəŋ gisə, bitə vənu tɨ́ vəŋ.

Lukas 4:22

Vɨɨ vənshə biŋ yigi njyə faŋ Yeso nə gi nə, shuu vəŋ yɔŋ maa yigisə yi yijəə njyə faŋ nyə fùu fɨ shuu ŋwə nə. Vəŋ gi laa, «Wə ŋwə̀ kee lùu wee Josef yimu?»

Lukas 4:32

Shuu vəŋ yɔŋ maa mədeesə wi ghɔ́, buꞌ laa ŋwə nəə deesə vəŋ yaa wə faŋ ŋwə kìi wutə fɨ ghɔ Nwi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:15

Shuu vɨɨ kwalə vɨɨ Jus yɔŋ. Vəŋ gi laa, «Sii yɨ kə, wə ŋwə̀ kɨɨ nə ŋwaꞌlə nee, faŋ ŋwə nə kee bee zwètə ŋwaꞌlə dɨdɨꞌ me?»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:46

Vɨɨ ntɔŋsə vɔ́ bəŋsə laa, vɨ nə kee ta zɔ̀ wə faŋ ŋwə gisə yaa wə ŋwə̀ me.