Lukas 2:26 - Vengo (Babungo)

²⁶ Zwitə Nwi nə duꞌtə ŋkə gi tɨ́ ŋwə laa, ŋwə ndɔ ye wuu ŋkɔꞌnə Nwi ghɔ́ ŋkəə, buu yiku ndi ŋwə.

Lukas 2:26 Iomraidhean Croise

Matiu 2:12

Faŋ vəŋ nə luu yifi, njyəə shi vəŋ. Nwi tɨ vəŋ taa njyəə laa kɨ vəŋ baa bəŋ gə yɨ fwàŋ Herod me. Nɨniŋ, vəŋ shɔɔ fɨ maa jɨɨ yiday, gə̀ shɨ vəŋ.

Lukas 2:29

«Tɨta Nwi, a yɨ̀ nu ŋkɨə faŋ a nə kɔ̀ꞌnə shee nə. A meꞌtə mə ndwə, faŋ mə lùu wuu faꞌ wə nə, laa mə taa ku, gə̀ nə mənɔŋ-bwaŋnə,

Lukas 9:27

Mə gì tɨ́ viŋ ŋkee maa yinsəŋ laa vɨɨ mɔ́ꞌ taa ŋwaa viŋ faŋ viŋ dùꞌ feenə nə, kee ndɔ kukə, buu ye nu yifwàŋ Nwi me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:41

Ŋwə bɨ yè weenshu wi Saymon, gì tɨ́ ŋwə laa vəŋ yè Kristo. Ŋiꞌ yizii Kristo lùu laa, wə faŋ Nwi fɔ̀ɔlə ŋwə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 20:31

Vənu mbɨə faŋ vɨ nyɔ̀ꞌ feenə, vɨ nyɔ̀ꞌ laa viŋ biŋ laa Yeso luu wə ntɨə faŋ Nwi nə shoꞌ, wuu məbweysə ŋwaa-nsiŋ, Wee Nwi. Viŋ biŋ yizii yi, nùŋ fwi siŋ maa ŋwə, buu kìi məbwey vəlwaŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:29

«Viŋ jwi ye wə faŋ ŋwə naysə vənu vaŋ vənshə faŋ mə nə yɨ̀. Nə kaꞌ kee lùu Kristo yimu?»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:51

Viŋ zɔ! Mə naysə tɨ́ viŋ yinsəŋ laa, kɨ luu wə biŋ, nùŋsə yigisə nyaa, buu ŋwə ndɔ goꞌsə yighee muꞌ, kee ku me.»

Akts 10:38

Nwi nə yòꞌ Yeso, wuu Nazaret, nə Zwitə Ley Nwi, baa nə wutə, ŋwə ndɔ kɨ toꞌ vəshəŋ vənshə, yɨsə vənu vəjəəvə, baa shùꞌ vəza fɨ maa vɨɨ mbɨə faŋ zwitə bwə nə luu taa ŋwaa vəŋ, buꞌ laa Nwi nə luu yiba jɨŋ ŋwə.

Akts 17:3

Ŋwə nə twèlə ŋiꞌ vənu vɔ́ tɨ́ vəŋ, də̀ tɨ́ vəŋ laa ŋkə lùu taa ŋwaꞌlə Nwi laa nu Kristo, wuu məbweysə vɨɨ, lùu laa ŋwə ye ŋɨꞌ, ndɔ ywey fɨ shɨ yiku. Pɔɔl baa gì tɨ́ vɨɨ vɔ́ laa Yeso, faŋ yi gisə nu ki nə, lùu wuu məbweysə ghɔ́.

Akts 2:36

Nɨniŋ nə, bàw vɨɨ vənshə fɨ shɨ Isirayl kɨɨ yinsəŋ laa Nwi nùŋsə sheꞌ Yeso ghɔ́ faŋ viŋ nə bèy fuu fəŋkɔꞌ fə ŋkɨꞌsə nə, laa ŋwə luu tɨta ŋwaa-nsiŋ, baa luu wuu məbweysə ŋwaa-nsiŋ.»

Akts 9:20

tey kɨ fɨꞌtə nu Yeso yighee muꞌ taa ŋii məshɔꞌtə yikwalə, gì laa Yeso luu ŋkee Wee Nwi.

Hibru 11:5

Gə fɨ maa Enok, ŋwə nə nùŋ fwi yi maa Nwi, buu Nwi shaꞌsə ŋwə, kòꞌ nə ŋwə yizɔ, tɨ́ kaꞌ ŋwə kee ku me. Maa yighee yɔ́ wə kee baa yè ŋwə me, buꞌ laa Nwi nə ndi ŋwə, kòꞌ nə ŋwə yizɔ. Vɨ nyɔ̀ꞌ taa ŋwaꞌlə Nwi buꞌ ŋwə laa, «Too Nwi nə bàw maa ŋwə maa yighee njyə faŋ ŋwə nə luu taa mbi, buu vɨ koꞌ nə ŋwə yizɔ.»