Lukas 2:25 - Vengo (Babungo)

²⁵ Maa yighee yɔ́ wə mɔ́ꞌ nə luu shɔ ntɨꞌ Jerusalem, yizii yi luu Saymon. Ŋwə nəə yɨsə vənu faŋ mbə lùu vəloomə, kɔ feenə tɨ́ Nwi, kɨꞌ sheꞌ wə ntɨə faŋ Nwi nə kɔ̀ꞌnə maa mətɔŋ maa məzwisə fwisə vɨɨ Isirayl. Zwitə Nwi luu maa ŋwə.

Lukas 2:25 Iomraidhean Croise

Mark 15:43

Josef, wuu Arimatia, ka fwi, gə̀ yè goməna Pilate, ndwàŋ ŋku Yeso. Josef ghɔ́ nə luu fɨ taa nwaa vɨɨ məshia nsɔꞌ. Vɨɨ nəə gwenə ŋwə. Nshɨ-tɔ wi nəə kɨkɨꞌ nu yifwàŋ Nwi.

Lukas 1:41

Faŋ Elisabet nə zɔ̀ shɔꞌtə Meri, wee ŋialə fɨ taa njyoꞌ ŋwə, Zwitə Ley Nwi lwaŋ taa fwi Elisabet.

Lukas 1:6

Vənu vəvəŋ nə luu vəloomə yikəꞌ Nwi. Vəŋ nə toꞌ ghuu yitoꞌ vəŋ maa ntɨsə Nwi sənshə, yɨsə vənu vənshə faŋ Nwi nə nùŋsə. Tuu nu nə kee lùu shɔ faŋ vəŋ gù me.

Lukas 1:67

Zwitə Ley Nwi kɨ nii lwàŋ taa fwi tɨɨ wee ghɔ́, Zakaraya, ŋwə gi nu ŋkɨə faŋ Zwitə Nwi kwàŋ taa fwi ŋwə, bəŋsə Nwi laa,

Lukas 2:38

Wəzwi ghɔ́ shəŋtə jwì yɨ wee ghɔ́ maa yighee yɔ́ nɨzi, bəŋsə Nwi, baa gì kɔ̀ŋ wee ghɔ́ tɨ́ vɨɨ vənshə, faŋ vəŋ nəə kɨꞌ laa Nwi ndɔ bweysə shɨ Jerusalem.

Lukas 23:51

Ŋwə nə kee bìŋ nu ŋkɨə faŋ vɨ nə kà taa ŋii nsɔꞌsə, ndɔ yɨ̀ maa Yeso nə me. Ŋwə nə ndɔ̀ fɨ Arimatia, faŋ lùu ntɨꞌ yimɔ́ꞌ fɨ shɨ Judia. Ŋwə nəə kɨkɨꞌ nu yifwàŋ Nwi.

Akts 10:2

Ŋwə nəə fee Nwi, nùŋ fwi yi maa nu Nwi ghɔ vɨ ŋii yi yinshə. Ŋwə nə faꞌ jəə maa məgaŋtə mbəəsə fɨ shɨ Judia, ndɔ shɔꞌtə Nwi ghee nshə.

Akts 10:22

Vəŋ bəŋsə tɨ́ ŋwə laa, «Tɔŋ Kɔrniliɔs, tɨɨ vəsogeꞌ, wə faŋ ŋwə fee Nwi, tɔ̀ŋ yia. Jɨɨ yi lùu yiloomə. Vɨɨ vənshə fɨ shɨ Judia gisə jəə buꞌ ŋwə. Nshiiŋii Nwi fùu yikəꞌ ŋwə, gì tɨ́ ŋwə laa ŋwə tii ghɔ, laa a jwi taa ŋii ŋwə, ŋwə taa zɔ nu ŋkɨə faŋ a taa gi tɨ́ ŋwə.»

Akts 2:5

Maa yighee yɔ́ vɨɨ Jus faŋ vəŋ nəə bəŋsə Nwi, nə shi Jerusalem, faŋ vəŋ nə ndɔ̀ fɨ maa məshɨ fɨ mbi mənshə.

Akts 24:16

Lùu ŋiꞌ nu ŋkɨə faŋ mə faꞌ ŋkee nə wutə ghee nshə, laa vənu vaŋ vənshə luu sheꞌ vəloomə vəloomə vɨsɨ Nwi nə vɨsɨ vɨɨ vənshə.

2 Pita 1:21

buꞌ laa tuu yigi, faŋ nshiisə-ŋii sɔghɔ nə gì nə, kee lùu mbɨꞌtə wə mənsaw me. Nə luu Zwitə Ley Nwi, faŋ ŋkə nə ŋìi taa fwisə vɨɨ, yɨ̀sə vəŋ gisə yigi faŋ nyə ndɔ̀ fɨ ghɔ Nwi.