Lukas 2:11 - Vengo (Babungo)

¹¹ Vɨ bì wuu məbweysə wiŋ ndee ntɨꞌ Deyvid. Ŋwə lùu Kristo, Tɨɨ-mbi.

Lukas 2:11 Iomraidhean Croise

Matiu 1:16

Jeykob bi Josef, ndəə Meri, faŋ ŋwə nə bì Yeso, faŋ vɨ nəə tii ŋwə nə Kristo nə.

Matiu 1:21

Ŋwə taa bi wee-wəndɔŋ, a shu yizii yi laa Yeso, buꞌ laa ŋwə ndɔ bweysə vɨɨ vi fɨ ghɔ vənu vəbwəvə faŋ mbə lùu maa vəŋ.»

Matiu 16:16

Saymon Pita gi laa, «A luu Kristo, baa luu Wee Nwi yinsəŋ.»

Matiu 16:20

Yeso nə gì nɨniŋ, kɨ nii lɨ̀ꞌtə tɨ́ vɨɨ məzwetə nu ki laa, kɨ vəŋ naysə tɨ́ wə laa yi lùu Kristo me.

Lukas 1:43

Sii yɨ kə vɨ biŋ shee, laa nshu Tɨta ŋwaa jwi yɨ mə?

Lukas 1:69

Ŋwə kɔ̀ wuu ŋgaŋtə kwalə tɨ́ nsiŋ, faŋ lùu wuu ŋiꞌ ŋii fwàŋ Deyvid, wuu faꞌ Nwi.

Lukas 2:26

Zwitə Nwi nə duꞌtə ŋkə gi tɨ́ ŋwə laa, ŋwə ndɔ ye wuu ŋkɔꞌnə Nwi ghɔ́ ŋkəə, buu yiku ndi ŋwə.

Lukas 2:4

Josef baa luu ndɔ̀ fɨ ntɨꞌ Nazaret shɨ Galilii, gə̀ ntɨꞌ Betelehem fɨ Judia, faŋ nə luu ntɨꞌ Deyvid. Ŋwə nə gə Betelehem, buꞌ laa ŋwə nə luu wuu ŋiꞌ ŋii fwàŋ Deyvid.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:41

Ŋwə bɨ yè weenshu wi Saymon, gì tɨ́ ŋwə laa vəŋ yè Kristo. Ŋiꞌ yizii Kristo lùu laa, wə faŋ Nwi fɔ̀ɔlə ŋwə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:45

Fɨkɨꞌ Filip ye Nataniel, gì tɨ́ ŋwə laa, «Yia yè wə ntɨə faŋ Mose nə nshiisə-ŋii sɔghɔ nə nyɔꞌ kɔ̀ŋ ŋwə taa ŋwaꞌlə Nwi. Lùu Yeso, wuu Nazaret, wee Josef.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 11:27

Ŋwə bəŋsə tɨ́ ŋwə laa, «Ɔŋ tɨta, mə kɔꞌ kɨɨ laa a lùu wuu məbweysə vɨɨ, Wee Nwi, ŋgwə faŋ Nwi nə gì laa ŋwə ndɔ jwi taa mbi nə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 20:31

Vənu mbɨə faŋ vɨ nyɔ̀ꞌ feenə, vɨ nyɔ̀ꞌ laa viŋ biŋ laa Yeso luu wə ntɨə faŋ Nwi nə shoꞌ, wuu məbweysə ŋwaa-nsiŋ, Wee Nwi. Viŋ biŋ yizii yi, nùŋ fwi siŋ maa ŋwə, buu kìi məbwey vəlwaŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:25

Wəzwi ghɔ́ gi tɨ́ ŋwə laa, «Mə kɔꞌ kɨɨ laa wuu məbweysə vɨɨ ndɔ jwi faŋ vɨ tii ŋwə nə Kristo. Wuu məbweysə ghɔ́ ndɔ kɨ jwi, ŋwə taa fɨꞌtə vənu vənshə tɨ́ nsiŋ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:42

Vəŋ gi tɨ́ wəzwi ghɔ́ laa «Yia kee baa bìŋ Yeso sheꞌ buꞌ yigi yə me. Yia zɔ nə tuulə ghia, buu kɨ̀ɨ yinsəŋ laa ŋwə lùu wə ntɨə faŋ ŋwə ndɔ bweysə vɨɨ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:69

Yia nùŋ fwi sia maa ghɔ, buꞌ laa yia kɔꞌ kɨɨ laa a luu ŋkee wuu ley ŋgwə faŋ Nwi nə shòꞌ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:41

Vɨɨ mɔ́ꞌ gi laa, «Wə ŋwə̀ lùu wuu məbweysə ŋwaa-nsiŋ faŋ Nwi tɔ̀ŋ ŋwə nə.» Luu nə, vɨɨ mɔ́ꞌ gi laa, bey, kaꞌ wuu məbweysə ghɔ́ kee fùu fɨ shɨ Galilii me.

Akts 10:36

Viŋ kɔꞌ kɨɨ nə yigi njyə faŋ Nwi nə tɔ̀ŋ tɨ́ vɨɨ Isirayl laa, mənɔŋ-bwaŋnə lùu fɨ yiba Yeso Kristo. Yeso lùu wuu məsɔꞌ mbi yinshə.

Akts 13:23

Nɨniŋ, Nwi yɨsə wə fuu fɨ ŋiꞌ ŋii fwàŋ Deyvid. Wə ghɔ́ luu Yeso. Nwi kɔ ŋwə tɨ́ vɨɨ Isirayl laa lùu wuu məbweysə vəŋ, faŋ Nwi nə kɔ̀ꞌnə tɨ́ vəŋ fɨshi.

Akts 17:3

Ŋwə nə twèlə ŋiꞌ vənu vɔ́ tɨ́ vəŋ, də̀ tɨ́ vəŋ laa ŋkə lùu taa ŋwaꞌlə Nwi laa nu Kristo, wuu məbweysə vɨɨ, lùu laa ŋwə ye ŋɨꞌ, ndɔ ywey fɨ shɨ yiku. Pɔɔl baa gì tɨ́ vɨɨ vɔ́ laa Yeso, faŋ yi gisə nu ki nə, lùu wuu məbweysə ghɔ́.

Akts 2:36

Nɨniŋ nə, bàw vɨɨ vənshə fɨ shɨ Isirayl kɨɨ yinsəŋ laa Nwi nùŋsə sheꞌ Yeso ghɔ́ faŋ viŋ nə bèy fuu fəŋkɔꞌ fə ŋkɨꞌsə nə, laa ŋwə luu tɨta ŋwaa-nsiŋ, baa luu wuu məbweysə ŋwaa-nsiŋ.»

Akts 5:31

Nwi yweysə ŋwə fɨ shɨ yiku maa wutə ki, yɨ̀ laa ŋwə luu tɔ, baa luu wuu məbweysə vɨɨ, maa məkɔ jɨɨ tɨ́ vɨɨ Isirayl, tɨ́ kɨ kaꞌ vəŋ bìŋ nu bwə vəŋ, kwìinə fwisə vəŋ, Nwi ndenə yibɨsə vəŋ.

1 Kɔrintian 15:47

Mfɔŋ wə nə ndɔ̀ fɨ shɨ nsi, Nwi nə bɔ̀ŋ ŋwə nə shɔꞌ. Wə ŋgwii-wə faŋ ŋwə nə bèꞌsə nə, nə ndɔ luu fɨ yizɔ.

Filipi 2:11

Vəŋ vənshə ndɔ biŋ ntee laa Yeso Kristo lùu wuu məsɔꞌ mbi. Nɨniŋ, vəŋ kɔ feenə tɨ́ tɨta Nwi.

Filipi 3:8

Maa yinsəŋ, vənu vɔ́ vənshə luu kəndi shee, buꞌ laa nu məkɨɨ nə Yeso Kristo, tɨta ŋwaa, kwàlə shɔ̀ɔ vənu vənshə. Luu buꞌ ŋwə faŋ mə meꞌ vənu vɔ́ vənshə, sheꞌ laa mə bee kii kii Kristo. Vənu vɔ́ gù yaa vəbɨ shee.

Kɔlɔsii 2:6

Nɨniŋ, faŋ viŋ nùŋ fwi siŋ maa tɨta Yeso Kristo, viŋ kɨ toꞌ maa nu Kristo nɨzi, yɨsə vənu mbɨə faŋ ŋwə kàw.

1 Jɔn 4:14

Viŋ kɔꞌ kɨɨ laa yia nə yè nə sɨ, baa fɨꞌtə tɨ́ vɨɨ, faŋ tɨta Nwi nə tɔ̀ŋ ŋwiŋ wi laa ŋwə lùu wuu məbweysə ŋwaa-nsiŋ.

1 Jɔn 5:1

Wə ntɨə faŋ ŋwə biŋ laa Yeso lùu wuu məbweysə vɨɨ, faŋ ŋwə ndɔ̀ fɨ ghɔ Nwi, buu bì Nwi bì wə ghɔ́. Maa wə ntɨə faŋ ŋwə kaw tɨɨ vaŋ, kaw vaŋ vi nɨzi.