Lukas 2:10 - Vengo (Babungo)

¹⁰ Nshiiŋii Nwi yɔ́ gi tɨ́ vəŋ laa, «Kɨ viŋ baa fee me! Viŋ zɔ! Mə jwi naysə ntɔŋ yijəə tɨ́ viŋ, faŋ luu ŋkee nu məŋaytə tɨ́ vɨɨ vənshə.

Lukas 2:10 Iomraidhean Croise

Matiu 14:27

Yeso gi tɨ́ vəŋ yighee muꞌ laa, «Viŋ jia fwi, lùu mə! Kɨ viŋ baa fee me!»

Matiu 28:18

Yeso shəŋtə gə̀ yɨ vəŋ, gì tɨ́ vəŋ laa, «Nwi kɔ̀ wutə kənshə shee fɨ taa yizɔ nə fɨ nsi.

Matiu 28:5

Nshiiŋii Nwi yɔ́ gi tɨ́ vəki vɔ́ laa, «Kɨ viŋ fee me! Mə kɔꞌ kɨɨ laa viŋ kəə Yeso faŋ vɨ nə bèy ŋwə fuu fəŋkɔꞌ fə ŋkɨꞌsə nə.

Mark 1:15

«Yighee njyə faŋ Nwi ndɔ jwì sɔꞌ vɨɨ maa nshɨ-tɔ wi lùu nshənə. Nɨniŋ, viŋ kwiinə fwi siŋ, biŋ ntɔŋ yijəə yɔ́.»

Mark 16:15

Ŋwə kɨ nii nàysə tɨ́ vəŋ laa, «Viŋ ndɔ, gə̀ taa mbi yinshə, kɨ toꞌ fɨꞌtə ntɔŋ yijəə Nwi tɨ́ vɨɨ vənshə fɨ taa mbi.

Lukas 1:13

Luu nə, nshiiŋii Nwi yɔ́ gi tɨ́ ŋwə laa, «Kɨ ghɔ baa fee me, Zakaraya, buꞌ laa Nwi zɔ̀ shɔꞌtə wə. Zu wə Elisabet ndɔ gɔ, bi wee-wəndɔŋ tɨ́ ghɔ, a shu yizii yi nə Jɔn.

Lukas 1:19

Nshiiŋii Nwi yɔ́ bəŋsə tɨ́ ŋwə laa, «Mə lùu Gabreya faŋ ŋwə tɨ̀ŋnə yɨ Nwi. Vɨ tɔ̀ŋ mə laa mə jwi gì tɨ́ ghɔ maa mənaysə ntɔŋ yijəə nyə̀ tɨ́ ghɔ.

Lukas 1:30

Nshiiŋii Nwi yɔ́ gi tɨ́ ŋwə laa, «Kɨ ghɔ baa fee me, Meri, buꞌ laa Nwi kèe gəŋ sə.

Lukas 2:11

Vɨ bì wuu məbweysə wiŋ ndee ntɨꞌ Deyvid. Ŋwə lùu Kristo, Tɨɨ-mbi.

Lukas 24:47

baa nə laa vɨ ndɔ kɨ fɨꞌtə nu ki tɨ́ vɨɨ vənshə fɨ taa mbi, laa vəŋ kwiinə fwisə vəŋ, buu Nwi ndenə yibɨsə vəŋ buꞌ yizii yi. Nɨniŋ, viŋ ndɔ kɨ fɨꞌtə nu kɔ́, tèy fɨ ntɨꞌ Jerusalem.

Lukas 8:1

Nu kɔ́ kɨ mè, Yeso ndɔ kɨ toꞌ fɨ taa ntɨꞌsə nə məshɨ, toꞌ fɨ̀ꞌtə nu Nwi shɔ, jwi nə ntɔŋ yijəə kɔ̀ŋ nu yifwàŋ Nwi tɨ́ vɨɨ, toꞌ nɨniŋ, ghɔ vɨ vɨɨ vi njɔsə-bɔɔ luu mɔ́ꞌ.

Akts 13:32

Gə fɨ maa yia, yia baa luu jwi nə ntɔŋ yijəə yɔ́ tɨ́ viŋ, naysə tɨ́ viŋ laa Nwi yɨ̀ nu ŋkɨə faŋ ŋwə nə kɔ̀ꞌnə tɨ́ vətɨɨ vaŋ-nsiŋ nə.

Roma 10:15

Baa nə laa, sii kaꞌ vɨ kɨ fɨꞌtə nu Kristo kɔ́ kɨkə, faŋ vɨɨ ntɔŋsə kee fùu fu me? Luu nə, Nwi yɨ̀ nu ŋkɨə faŋ ŋkə lùu taa ŋwaꞌlə Nwi laa, «Luu ŋkee nu jəə maa məzɔ nshɨŋsə ghuu vɨɨ ntɔŋsə faŋ vəŋ jwi nə ntɔŋ yijəə.»

Efesɔs 3:8

Nwi nə kɔ̀ faꞌ Nwi ghɔ́ ŋkee tɨ́ mə, faŋ mə luu ŋkee wuu tɨtiꞌ fɨ taa ŋwaa vɨɨ ley Nwi, laa mə kɨ saynə ntɔŋ yijəə Kristo yɔ́ faŋ luu ŋkee nu kwalə nə, taa ŋwaa vɨɨ tətɔŋ fu,

Kɔlɔsii 1:23

buꞌ faŋ viŋ kɨ tɨtweꞌ bìŋ Nwi, nùŋ fwi siŋ sheꞌ maa nu Nwi, tɨ̀ŋnə weꞌ, tə̀ sɨ sheꞌ maa vənu mbɨə faŋ viŋ zɔ̀ fɨ taa nu Nwi. Luu sheꞌ nu Nwi kɔ́ faŋ vɨ fɨꞌtə tɨ́ vɨɨ vənshə, ŋkə saynə shɨ nsi kənshə. Mə Pɔɔl nə gù wuu faꞌ nu Nwi kɔ́, laa mə kɨ fɨꞌtə nu Nwi kɔ́ tɨ́ vɨɨ.