Lukas 19:7 - Vengo (Babungo)

⁷ Vɨɨ ye nɨniŋ, vəŋ vənshə lulə Yeso, buꞌ faŋ ŋwə nə gə shi ghɔ wə faŋ ŋwə yɨsə vənu vəbwəvə.

Lukas 19:7 Iomraidhean Croise

Matiu 20:11

Vəŋ fi nɨniŋ, kɨ lulə tɨɨ fu ghɔ́,

Matiu 20:4

Ŋwə gi tɨ́ vəŋ laa, «Viŋ gə fàꞌ taa biisə mə nɨzi. Mə taa kɔ fa ŋkɨə faŋ ŋkə kùꞌnə tɨ́ viŋ.»

Matiu 9:11

Vɨɨ Farisii ye, bìtə tɨ́ vɨɨ məzwetə nu Yeso laa, «Sii yɨ̀ kə buu tɨta wiŋ kɨ zɨ ghɔ vɨ vɨɨ məsa vətɔ nə vəyɨ-kəbwə?»

Lukas 15:2

Vɨɨ Farisii ghɔ vɨ vɨɨ mədeesə ŋwaꞌlə Nwi ye, lùlə, kɨ gisə laa, «Ebee, wə ŋwə̀ ndì vɨɨ məyɨ vənu vəbwəvə, ghɔ vɨ vəŋ nə zɨ.»

Lukas 19:6

Ŋwə siꞌ titi, ndì Yeso nə məŋaytə.

Lukas 19:8

Zakiɔs tɨŋnə vɨsɨ tɨta Yeso, gì tɨ́ ŋwə laa, «Tɨta, mə taa gaasə vətɔ vaŋ vəway vəbɔɔ, kɔ̀ way kəmuꞌ tɨ́ vɨɨ ŋɨꞌ. Kɨ luu laa mə nə fùŋsə fa wə, buu mə taa bəŋsə tɨ́ ŋwə ghee shwe.»

Lukas 5:30

Vɨɨ Farisii ghɔ vɨ vɨɨ mədeesə ŋwaꞌlə Nwi lulə tɨ́ vɨɨ məzwetə nu Yeso, gì laa, «Sii yɨ̀ kə viŋ duꞌ viŋ vɨ vɨɨ məsa vətɔ nə vəyɨ-kəbwə, viŋ vɨ vəŋ zɨ, ndɔ nu?»

Lukas 7:34

Gə fɨ maa Wuu yinsəŋ Nwi, ŋwə jwi kɨ zɨ, ndɔ nu. Viŋ kɨ nii gì laa ŋwə lùu waa-mfii-ndaa nə nu məluꞌ, baa nə laa ŋwə lùu wuumba vɨɨ məsa vətɔ nə vɨɨ bwənə.

Lukas 7:39

Wuu Farisii ghɔ́ faŋ ŋwə nə tìi Yeso taa ŋii ŋwə nə, ye, bɨ̀ꞌtə fɨ taa fwi ŋwə laa, Yeso nii toꞌ lùu nshiiŋii-sɔghɔ, buu ŋwə kɨ̀ɨ nə wəzwi ŋwə̀, faŋ ŋwə kɔ̀ŋ ŋwə nə, baa kɨ̀ɨ nə ŋiꞌ ki laa lùu wuu məyɨ vənu vəbwəvə.