Lukas 19:47 - Vengo (Babungo)

⁴⁷ Ŋwə kɨ nii fɨ̀ꞌtə nu Nwi taa ŋii Nwi yikwalə yɔ́ shi shi. Luu nə, vɨɨ kwalə məfeꞌ Nwi, nə vɨɨ mədeesə ŋwaꞌlə Nwi, nə vɨɨ faŋ lùu vəghay fɨ shɨ, kəə jɨɨ maa məzwi ŋwə,

Lukas 19:47 Iomraidhean Croise

Matiu 21:23

Yeso baa kɨ gə taa ŋii Nwi yikwalə, dèesə nu Nwi tɨ́ vɨɨ. Vɨɨ kwalə məfeꞌ Nwi nə vəshɨꞌ fɨ shɨ jwi yɨ ŋwə, gì tɨ́ ŋwə laa, «A sii yɨsə kəŋ vənu vɔ́ nə wutə ŋkɨə? Lùu ndə yiba jɨŋ ghɔ faŋ ŋwə kɔ wutə kɔ́ tɨ́ ghɔ?»

Matiu 26:55

Yeso kɨ nii gì tɨ́ nwaa vɨɨ vɔ́ laa, «Viŋ jwi nə vəbaꞌ nə mbaysə, jwi jia mə yaa viŋ jwi jia ndɔꞌ lee? Vəshi vəshi mə yaa duꞌ taa ŋii Nwi yikwalə, deesə shɔ, viŋ kee bee jìa mə me.

Mark 11:18

Vɨɨ kwalə məfeꞌ Nwi nə vɨɨ mədeesə ŋwaꞌlə Nwi zɔ nu kɔ́, kɨ kəə jɨɨsə maa məzwi ŋwə, buꞌ laa vəŋ nəə fee ŋwə, fɔnə vɨɨ vəyaŋ nəə bəŋsə ŋwə maa vənu mbɨə faŋ ŋwə nəə deesə nə.

Mark 12:12

Vɨɨ kwalə məfeꞌ Nwi nə vɨɨ mədeesə ŋwaꞌlə Nwi nə vɨɨ taa fɨ taa ŋii Nwi zɔ, kə̀ə jɨɨsə maa məjia ŋwə, buꞌ laa vəŋ nəə kɔꞌ kɨɨ laa ŋwə nə gì yigisə tii yɔ́ kɔ̀ŋ vəŋ. Vəŋ zɔ nɨniŋ, luu nə, kee jia ŋwə yighee yɔ́ me, buꞌ laa vəŋ nəə fee vɨɨ. Nɨniŋ, vəŋ meꞌtə ŋwə, ndɔ̀ gə̀ nə ŋwaa vəŋ.

Mark 14:1

Nə goꞌ sheꞌ vəshi vəbɔɔ, kɔ tɨ́ shi kwalə vɨɨ Jus, faŋ vɨ tii nə Pasa, baa nə vəshi məkwə ba faŋ vɨ kee kwàŋ fənsɨŋ taa tey yi me. Nə lùu maa yighee yɔ́ vɨɨ kwalə məfeꞌ Nwi nə vɨɨ mədeesə ŋwaꞌlə Nwi nəə kəə jɨɨ maa məshɔɔ fɨ fuŋ, jia Yeso fɨ taa mənay, zwi ŋwə.

Mark 14:49

Vəshi vəshi nsiŋ nə lùu taa ŋii Nwi yikwalə mɔ́ꞌ, mə deesə shɔ, viŋ kee jìa mə me. Luu nə, ŋkə gày nɨniŋ laa nu ŋkɨə faŋ vɨ nə nyɔ̀ꞌ taa ŋwaꞌlə Nwi faynə.»

Lukas 19:48

kee ye nu tɨ́ kaꞌ vəŋ yɨ̀ maa ŋwə me, buꞌ laa vɨɨ vənshə nə bàytə yɨ ŋwə, kàw ŋwə, kɨ zɔ nu ki.

Lukas 20:19

Vɨɨ mədeesə ŋwaꞌlə Nwi nə vɨɨ kwalə məfeꞌ Nwi kəə jɨɨ maa məjia ŋwə sheꞌ maa yighee yɔ́, buꞌ laa vəŋ nəə kɔꞌ kɨɨ laa ŋwə tìi yigisə tii yɔ́ kɔ̀ŋ vəŋ. Luu nə, vəŋ nə fèe vɨɨ, kee jia ŋwə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:39

Vɨɨ vɔ́ nə baa kəə jia Yeso, luu nə, Yeso fi ŋwaa wi fɨ ghɔ vəŋ, gə̀.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 18:20

Yeso bəŋsə tɨ́ ŋwə laa, «Mə nəə gisə yigi nyaa ntee tɨ́ vɨɨ vənshə. Mə nəə deesə taa ndɔꞌ məshəŋtə ghiŋ, nə taa ŋii Nwi yikwalə, faŋ lùu shəŋ ŋkɨə faŋ vɨɨ Jus vənshə faynə shɔ. Mə nəə kee gisə fɨ taa vəndenə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:19

Fɨshi Mose nə kɔ̀ ntɨsə Nwi tɨ́ viŋ. Luu nə, tuu wə kee lùu shɔ taa ŋwaa viŋ faŋ ŋwə nùŋsə ntɨsə sɔ́ me. Nɨniŋ, sii yɨ kə viŋ kəə jɨɨ maa məzwi mə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:44

Vɨɨ mɔ́ꞌ nə kəə jia ŋwə, luu nə, wə kee kɔ̀ŋ ghɔ maa ŋwə me.