Lukas 19:12 - Vengo (Babungo)

¹² Nɨniŋ, ŋwə gi tɨ́ vəŋ laa, «Shɨꞌ mɔ́ꞌ nə ndɔ gə̀ shɨ tɔŋ ntaŋ, laa vɨ yoꞌ ŋwə shɔ yaa fwàŋ, buu ŋwə taa bəŋ jwi.

Lukas 19:12 Iomraidhean Croise

Matiu 21:38

Faŋ vɨɨ vɔ́ nə yè ŋwiŋ wi, gi sheꞌ vəŋ vəŋ laa, «Lùu nji-ŋiinə yi. Viŋ jwi, nsiŋ zwi ŋwə, gòꞌ nə vətɔ vi və̀.»

Matiu 28:18

Yeso shəŋtə gə̀ yɨ vəŋ, gì tɨ́ vəŋ laa, «Nwi kɔ̀ wutə kənshə shee fɨ taa yizɔ nə fɨ nsi.

Mark 12:1

Yeso kɨ nii tey kɨ gisə tɨ́ vəŋ maa yigisə tii laa, «Wə mɔ́ꞌ nə luu shɔ faŋ ŋwə nə kìi yindɨɨ yi, ndì kɔ̀ maa nswii. Ŋwə nə bìa vətɨ vətaŋ faŋ vɨ tìi nə greyp, taa yindɨɨ yɔ́, ndɔ̀ kà ŋkɔꞌ shɔ, kìa yindɨɨ yi yɔ́, shùŋtə, tə̀ə yibɨɨ maa məjiatə kəŋ məluꞌ mɔ́ꞌ nee taa tey yi, faŋ mbə fuu fɨ taa vətaŋ vətɨ vɔ́. Ŋwə baa fianə ŋii təyɔꞌ taa yindɨɨ yɔ́ maa məshii nshii fɨ taa yiyɔꞌ. Nɨniŋ, ŋwə nə lòotə yindɨɨ yi yɔ́ ŋkee jəə, buu kɔ tɨ́ vɨɨ maa nswii, ndɔ̀ gə̀ shɨ tɔŋ mɔ́ꞌ.

Mark 16:19

Faŋ tɨta Yeso nə gì yigi yɔ́ tɨ́ vəŋ metə, Nwi yɨsə ŋwə koꞌ gə̀ taa yizɔ, gə̀ dùꞌnə maa kwiŋ maꞌnə Nwi.

Lukas 20:9

Yeso baa tìi yigisə tii yimɔ́ꞌ tɨ́ nwaa vɨɨ vɔ́, gì laa lee, «Wə mɔ́ꞌ nə bìa vətɨ və vətaŋ vəmɔ́ꞌ taa biisə ŋwə, kwàŋ vɨɨ faꞌ shɔ, kɨ nii ndɔ̀ gə̀ tɔŋ, shì shɔ tay.

Lukas 24:51

Faŋ ŋwə nə tù mənɔŋ-bwaŋnə tɔ vəŋ nə, kɨ nii yindɔ fɨ yɨ vəŋ. Nwi koꞌsə ŋwə yizɔ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 18:37

Pilate gi tɨ́ ŋwə laa, «Ŋkə bee nə də̀ laa a luu fwàŋ mu?» Yeso bəŋsə tɨ́ ŋwə laa «A gì yinsəŋ laa mə luu fwàŋ. Nu ŋkɨə faŋ mə jwì ŋkə shɨ nsi luu sheꞌ kəmuꞌ. Ŋkə lùu laa mə də nu ŋkɨə faŋ lùu yinsəŋ tɨ́ vɨɨ. Lùu ŋiꞌ nu ŋkɨə faŋ vɨ nə bì mə taa mbi. Wə tɨ̀ me wə faŋ ŋwə kaw nu yinsəŋ, zɔnə yigisə nyaa.»

Akts 17:31

buꞌ laa Nwi tə̀ shi faŋ ŋwə ndɔ shoꞌmə vənu və vɨɨ vənshə fɨ shɨ nsi, tə̀ wə faŋ ŋwə ndɔ shoꞌmə nu kɔ́ nə tɔ ki. Ŋwə ndɔ shoꞌmə vənu vənshə sheꞌ nə jɨɨ yiloomə. Nwi kɔ̀ wutə kɔ́ tɨ́ wə ghɔ́, faŋ Nwi nə ywèysə ŋwə fɨ shɨ yiku.»

1 Kɔrintian 15:25

Maa yighee yɔ́, ndɔ sɔꞌ Kristo sɔꞌ mbi yaa fwàŋ, gə ziꞌ tɨ́ yighee njyə faŋ Nwi ndɔ ghɔꞌ vɨɨ mbeenə Kristo vənshə, kɔ vəŋ ghɔ ŋwə, yuu vɨ nyɔ̀ꞌ taa ŋwaꞌlə Nwi.

Hibru 9:28

Sheꞌ nɨniŋ, Kristo nə fɔŋ jwì kù yighee muꞌ, laa ŋwə yɨsə vɨɨ vəyaŋ nyɨŋ fɨ taa nu bwə vəŋ, baa nə laa ŋwə ndɔ baa bəŋ jwi mbi nyə̀, lwesə ghee bɔɔ. Maa yighee yɔ́ ŋwə ndɔ kee baa jwi maa məsɔ nu bwə vɨɨ me; ŋwə ndɔ bee kii jwi maa məkɔ məbwey vəlwaŋ tɨ́ vɨɨ vi faŋ vəŋ kɨꞌ ŋwə nə.

1 Pita 3:22

koꞌ gə̀ yizɔ, dùꞌ maa kwiŋ Nwi maꞌnə, kìi wutə kənshə, kɨ sɔꞌ ŋkee nshiisə-ŋiisə Nwi, nə vəzwitə məsɔꞌ mbi, nə vəzwitə vənshə faŋ mbə kìi wutə.

Reveleyshən 1:7

Viŋ zɔ! Kristo ndɔ bəŋ jwi fɨ taa mbɔꞌ, vɨɨ vənshə ye ŋwə nə sɨ vəŋ. Ŋkee vɨɨ mbɨə faŋ vəŋ nə zwì ŋwə nə, ndɔ ye ŋwə nɨzi. Ŋiꞌ ŋii tɨ̀ me ŋiꞌ ŋii fɨ taa mbi ndɔ gwia buꞌ ŋwə. Ɔŋ, lùu faŋ ŋkə ndɔ luu. Ŋkə gòꞌsə nee.