Lukas 19:10 - Vengo (Babungo)

¹⁰ Viŋ kɔꞌ kɨɨ laa Wuu yinsəŋ Nwi jwì maa məkəə vɨɨ mbɨə faŋ vəŋ nə ndì, tɨ́ kaꞌ ŋwə bweysə vəŋ.»

Lukas 19:10 Iomraidhean Croise

Matiu 1:21

Ŋwə taa bi wee-wəndɔŋ, a shu yizii yi laa Yeso, buꞌ laa ŋwə ndɔ bweysə vɨɨ vi fɨ ghɔ vənu vəbwəvə faŋ mbə lùu maa vəŋ.»

Matiu 10:6

Viŋ gə luu fɨ yiba jɨŋ vɨɨ Isirayl, faŋ vəŋ lùu yaa nwaa bisə-njɨɨ faŋ nsə ndì.

Matiu 15:24

Ŋwə bəŋsə tɨ́ vəŋ laa, «Tii ŋwaa nə tɔ̀ŋ mə sheꞌ tɨ́ bisə-njɨɨ fɨ ŋiꞌ ŋii Isirayl faŋ nsə ndì nə.»

Matiu 18:10

Viŋ kɨ ndɨɨnə laa kɨ viŋ shia fɨ maa vaŋ vəbwavə və̀ me. Mə naysə tɨ́ viŋ laa nshiisə-ŋiisə Nwi nsɨə faŋ nsə shiŋnə vaŋ vɔ́, lùu yizɔ, ye yikəꞌ Tii ŋwaa faŋ ŋwə lùu yizɔ nə.

Matiu 18:11

Maa Wuu yinsəŋ Nwi yaa jwi maa məbweysə vɨɨ mbɨə faŋ vəŋ nə ndì nə.»

Lukas 15:32

Luu nə, ŋkə kuꞌnə maa məyɨsə məŋaytə, buꞌ laa weenshu wə ŋwə̀ nə ku, baa bwèy ndwə. Ŋwə nə ndì, vɨ baa yè ŋwə ndwə.»

Lukas 15:8

Yeso nə baa gi tɨ́ vəŋ laa, «Viŋ zɔ nu mɔ́ꞌ! - Wəzwi mɔ́ꞌ nə luu shɔ faŋ ŋwə kìi vəfɨlaŋ ŋkaŋsə tee, yiwa tee ndi. Ŋwə shuꞌ kiꞌ, jìasə taa ŋii, kiꞌsə laa yi taa ghaa ye.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:17

Nwi nə kee tɔ̀ŋ ŋwiŋ wi shɨ nsi, laa ŋwə ndisə vɨɨ shɨ nsi me. Ŋwə nə tɔ̀ŋ ŋwiŋ wi maa məbweysə vɨɨ, laa vɨɨ bwey buꞌ ŋwə.

Roma 5:6

Ŋwə nə də ŋkawnə yi tɨ́ nsiŋ, buꞌ faŋ Kristo nə kù tɔ nsiŋ maa yighee njyə faŋ Nwi nə tə nə, faŋ nsiŋ nəə kɨ bii vəbwa, baa lùu vɨɨ məmanə Nwi nə.

Hibru 7:25

Lùu nu ŋkɨə faŋ ŋwə kìi wutə maa məbweysə vɨɨ yighee muꞌ, faŋ vəŋ shɔ̀ɔ fɨ ghɔ ŋwə, buu gə yɨ Nwi, buꞌ laa ŋwə kìi məbwey faŋ ŋwə gòꞌsə yighee muꞌ, tɨ́ kaꞌ ŋwə ndwàŋ Nwi tɔ vəŋ ghee nshə.