Lukas 18:7 - Vengo (Babungo)

⁷ Faŋ ŋkə lùu nɨniŋ nə, Nwi taa gaŋtə vɨɨ mbɨə faŋ Nwi nə shoꞌ laa luu mbii vɨɨ ŋkee maa yinsəŋ, faŋ vəŋ gwia ŋɨꞌ vəŋ tɨ́ ŋwə vətuꞌ nə shɨshwi. Yinsəŋ, Nwi taa gaŋtə vəŋ, kee gəŋsə vəŋ.

Lukas 18:7 Iomraidhean Croise

Matiu 24:22

Luu nə, Nwi ndɔ shia vəshi vɔ́ buꞌ vɨɨ mbɨə faŋ ŋwə shòꞌ vəŋ nə. Ŋwə nəə toꞌ kee ndɔ shia vəshi vɔ́ me, buu kaꞌ tuu wə muꞌ kee ndɔ bwey me.

Matiu 24:24

Vɨɨ ndɔ fuu vəyaŋ faŋ vəŋ sɨɨ ba, gisə laa vəŋ luu Kristo, tɨꞌnə me nshiisə-ŋii sɔghɔ. Vəŋ ndɔ də vəshwenə və shuu yɔŋvə maa məyɨ laa vɨɨ ndi jɨɨ, mɔŋ ŋkee maa məbweꞌsə vɨɨ mbɨə faŋ Nwi shoꞌ vəŋ nə.

Matiu 7:11

Nɨniŋ, faŋ viŋ yaa kɨ kɔ vətɔ vəjəəvə tɨ́ vaŋ viŋ nə, faŋ viŋ kɔlə lùu vɨɨ bwənə, buu tɨta Nwi, Tii wiŋ fɨ yizɔ, taa kɨ kɔ vətɔ vəjəəvə tɨ́ vɨɨ faŋ vəŋ ndwàŋ, shɔɔ yimbii.

Lukas 11:13

Nɨniŋ, faŋ viŋ kɨ̀ɨ maa məkɔ vətɔ vəjəəvə tɨ́ vaŋ viŋ, faŋ viŋ kɔlə lùu vɨɨ bwənə nə, buu tɨta Nwi faŋ ŋwə lùu yizɔ nə, kɨɨ kɔ jəə shɔ̀ɔ viŋ. Ŋwə taa kɔ Zwitə Ley ki tɨ́ vɨɨ mbɨə faŋ vəŋ ndwaŋ fɨ ghɔ ŋwə.»

Lukas 2:37

Ŋwə kɨ nii shì yaa zu ŋku ziꞌ ŋuꞌ njɔsə-yishwe muu-yimfɔŋ. Ŋwə nə shì sheꞌ taa ŋii Nwi yikwalə, kee baa fùu fɨ fuŋ me, zwisə nə jɨŋ, shɔꞌtə Nwi vətuꞌ nə shɨshwi. Nə luu faꞌ wi tɨ́ Nwi nɨniŋ.

Lukas 21:28

Vənu vɔ́ ndɔ tey kɨ gay nɨniŋ, viŋ ndeynə yizɔ, shàꞌsə yitɔ yiŋ, buꞌ laa yighee məbweysə yiŋ, faŋ Nwi ndɔ bweysə viŋ, lùu nshənə.»

Roma 8:33

Sii kaꞌ kwaŋ ndə kwaŋ vɨɨ mbɨə faŋ Nwi nə shòꞌ laa lùu mbii vɨɨ nə, taa nsɔꞌ? Maa nshɨ-tɔ Nwi kìasə vənu vəvəŋ, mbə loomə.

Kɔlɔsii 3:12

Viŋ kìi nshinə yifi yɔ́ ndwə, buꞌ laa Nwi nə shòꞌ viŋ laa viŋ luu mbii vɨɨ. Viŋ lùu vɨɨ ley tɨ́ ŋwə. Ŋwə baa luu kaw viŋ. Nɨniŋ, viŋ kɨ shi yaa vɨɨ vi; viŋ kɨ kee gəŋsə vɨɨ, baa kìi njyoꞌ yijəə maa viŋ, viŋ viŋ! Viŋ kɨ suꞌsə yiŋwaa yiŋ nsi, duꞌ bwaŋnə, baa kìi fwi yizutə!

1 Tesalonika 3:10

Yia shɔꞌtə Nwi ŋkee dɨdɨꞌ vətuꞌ nə shɨshwi, laa ŋwə biŋ yia jwi yè viŋ nə sɨ, gaŋtə viŋ maa nu ŋkɨə faŋ viŋ bəə fɨ taa məbiŋ wiŋ, tɨ́ kaꞌ viŋ tɨ̀ŋnə weꞌ maa nu Nwi.

2 Tesalonika 1:6

Lùu nɨniŋ buꞌ laa ŋkə kùꞌnə tɨ́ Nwi maa məndɔ bəŋsə kɔ̀ ŋɨꞌ tɨ́ vɨɨ mbɨə faŋ vəŋ nə kwàŋ ŋɨꞌ maa viŋ nə.

1 Timoti 5:5

Gə fɨ maa zu ŋku faŋ ŋwə dùꞌ tɔ ŋwə, tuu wə muꞌ kee lùu ghɔ ŋwə me, ŋwə kɨꞌ vənu vənshə fɨ ghɔ Nwi, wèꞌ maa məbuꞌ ghɔ tɨ́ Nwi, shɔꞌtə Nwi vətuꞌ baa nə shɨshwi.

2 Timoti 1:3

Mə bwaŋ Nwi, faŋ mə faꞌ tɨ́ ŋwə shù fɨ ghɔ vətɨɨ vaŋ nə fwi yiley, baa lumə ghɔ ghee nshə faŋ mə shɔꞌtə Nwi vətuꞌ nə shɨshwi.

2 Timoti 2:10

Nɨniŋ, mə jìa fwi nyaa maa ŋɨꞌ yinshə buꞌ vɨɨ mbɨə faŋ Nwi nə shoꞌ vəŋ, laa lùu vɨɨ vi, tɨ́ kaꞌ vəŋ nɨzi ndɔ zɨ məbwey vəlwaŋ fɨ yiba Yeso Kristo. Məbwey ghɔ́ ndɔ baw shɔ̀ɔ, gòꞌsə yighee muꞌ.

Taytəs 1:1

Lùu mə, Pɔɔl, wuu faꞌ Nwi, faŋ mə nyɔ̀ꞌ ŋwaꞌlə ŋwə̀ tɨ́ ghɔ, Taytəs. Mə lùu wuu ntɔŋ Yeso Kristo, faŋ mə fɨꞌtə nu Nwi tɨ́ vɨɨ mbɨə faŋ Nwi nə shòꞌ maa mbii vɨɨ nə, laa vəŋ nuŋ fwisə vəŋ maa Kristo, baa kɨ̀ɨ nə nu yinsəŋ Nwi, faŋ ŋkə yɨsə vɨɨ bəŋsə Nwi.

1 Pita 1:1

Lùu mə Pita, wuu ntɔŋ Yeso Kristo, faŋ mə tɔŋ ŋwaꞌlə ŋwə̀ tɨ́ viŋ, vɨɨ Nwi faŋ viŋ sàykə taa məshɨ mə Pɔntɔs nə Galatia nə Kapadosia nə Asia nə Bitinia.

2 Pita 3:9

Vɨɨ mɔ́ꞌ bɨꞌtə laa Nwi tày dɨdɨꞌ, baa nə laa ŋwə kee ndɔ yɨ nu ŋkɨə faŋ ŋwə nə kɔ̀ꞌnə laa yi ndɔ yɨ me. Ŋkə kee lùu nɨniŋ me. Ŋiꞌ nu kɔ́ lùu laa, Nwi jìa fwi yi tɨ́ viŋ, kɔ̀ jɨɨ tɨ́ vɨɨ laa vəŋ kwiinə fwisə vəŋ. Nwi kee kàw laa vɨɨ mɔ́ꞌ lee məbwey vəlwaŋ me. Nwi kəə laa vɨɨ vənshə kwiinə fwisə vəŋ.

Reveleyshən 18:20

Luu nə, viŋ kɨ ŋaytə buꞌ shɨ kɔ́, mɔɔ yizɔ, viŋ vɨ vɨɨ Nwi, nə vɨɨ ntɔŋ Kristo, nə nshiisə-ŋii sɔghɔ, buꞌ laa Nwi shìa nsɔꞌ tɔ shɨ kɔ́ faŋ vəŋ nə yɨnə viŋ nə.»

Reveleyshən 6:10

yùmə nəŋay laa, «Tɨɨ mbi faŋ a bàw shɨlə, baa lùu wuu yinsəŋ, a ndɔ baa tay kɨkə, buu sɔꞌ vɨɨ fɨ shɨ nsi, yuu kwaŋ vəŋ taa nsɔꞌ buꞌ laa vəŋ nə zwìlə yia nə?»

Reveleyshən 7:15

Lùu ŋiꞌ nu ŋkɨə faŋ ŋkə yɨ̀ laa kaꞌ vəŋ tɨ̀ŋnə vɨsɨ ŋkaw Nwi, kɨ faꞌ tɨ́ ŋwə taa ŋii Nwi vətuꞌ nə shɨshwi. Wə ntɨə faŋ ŋwə dùꞌ fuu ŋkaw məsɔꞌ mbi nə, jə̀ vəbee vi, shìtə vəŋ shɔ.