Lukas 18:43 - Vengo (Babungo)

⁴³ Ŋwə ye vədɨꞌ yighee muꞌ, bèꞌsə Yeso, toꞌ bəŋsə yizii Nwi. Vɨɨ vənshə faŋ vəŋ nə yè, bəŋsə Nwi.

Lukas 18:43 Iomraidhean Croise

Matiu 11:5

laa vɨɨ sɨ fɨsə yɨyenə; vɨɨ faŋ yiŋwaa yivəŋ kìlə, tɨtoꞌ; zatə bwə me fɨ maa vɨɨ; vɨɨ tuulə shiilə zɔnə; vəŋku vənsisə ywey; vɨ fɨꞌtə ntɔŋ yijəə Nwi tɨ́ vɨɨ ŋɨꞌ.

Matiu 21:14

Vɨɨ sɨ fɨsə nə vəndwey jwi yɨ ŋwə taa ŋii Nwi yɔ́, ŋwə shuꞌ vəŋ.

Matiu 9:8

Nwaa vɨɨ vəyaŋ vɔ́ ye, fèe, kɨ bəŋsə yizii Nwi faŋ ŋwə kɔ̀ kəŋ wutə kɔ́ tɨ́ vɨɨ nə.

Lukas 13:17

Ŋwə gi nɨniŋ, tɔ vɨɨ mbeenə vi vənshə dɨɨ. Vɨɨ vəyaŋ ŋaytə maa vənu vəkwalə vənshə faŋ ŋwə nə yɨ̀sə nə.

Lukas 19:37

Ŋwə ziꞌ tɔ kweꞌ mbɨɨ baŋ Vətɨ-və-Məŋgwə, tey kɨ siꞌ fɨ fuŋ, nwaa vɨɨ məzwetə nu ki vənshə nə ŋaytə, bəŋsə Nwi ŋkee nə gɨsə shaꞌsə maa vənu vəkwalə mbɨə faŋ vəŋ nə ye nə.

Lukas 4:39

Ŋwə shəŋtə gə̀ yɨ wəzwi ghɔ́, shə tɨ́ nshɨꞌ kɔ́, ŋkə me. Wəzwi ghɔ́ ndɔ yizɔ yighee muꞌ, toꞌ tìa vəŋ.

Lukas 5:26

Nu kɔ́ ghɔꞌ vɨɨ vənshə, vəŋ bəŋsə yizii Nwi, fèe dɨdɨꞌ, gì laa vəŋ ye ŋkee nu shuu yɔŋ ndee.

Lukas 9:43

Shuu vɨɨ vənshə yɔŋ buꞌ wutə Nwi, faŋ ŋkə luu ŋkee kəkwalə. Maa yighee yɔ́ faŋ shuu vɨɨ vənshə nə yɔ̀ŋ maa vənu vənshə faŋ Yeso nəə yɨsə nə, ŋwə gi tɨ́ vɨɨ məzwetə nu ki laa,

Akts 11:18

Vɨɨ Jus vɔ́ zɔ nɨniŋ, gày, kɨ bəŋsə Nwi, gi laa, «Yinsəŋ, Nwi kɔ̀ jɨɨ tɨ́ vɨɨ tɔmə day nɨzi, laa vəŋ kwiinə fwisə vəŋ, zɨ̀ məbwey vəlwaŋ nɨzi.

Akts 26:18

Mə taa tɔŋ ghɔ tɨ́ vɨɨ tɔmə day laa a taa ŋaꞌsə sɨ vəŋ, vəŋ fuu fɨ taa mfiŋsə, ŋìi taa məley Nwi. A fuusə vəŋ fɨ ghɔ wutə zwitə bwə, kwaŋ vəŋ taa wutə Nwi, laa məbiŋ vəŋ yɨsə vənu vəbwəvə vəŋ ndi, vəŋ ndɔ fi shəŋ vəŋ taa ŋwaa vaŋ ley Nwi, faŋ vəŋ nùŋ fwisə vəŋ maa mə.»

Akts 4:21

Nshəŋtə yikwalə yɔ́ baa kɨ twey tɨ́ vəŋ ŋkee nəŋay maa mətii yizii Yeso, kɨ nii shòꞌtə fɨ maa vəŋ. Vəŋ nə kee kìi nu mɔ́ꞌ, tɨ́ kaꞌ vɨ kwaŋ nsɔꞌ maa vəŋ me, buꞌ laa vɨɨ vənshə nəə bəŋsə Nwi maa nu ŋkɨə faŋ ŋkə nə gày nə.

Galatia 1:24

Nɨniŋ, vəŋ nə bə̀ŋsə Nwi buꞌ mə.

1 Pita 2:9

Gə̀ fɨ maa viŋ, viŋ lùu way vɨɨ faŋ Nwi nə shòꞌ, lùu vɨɨ vəkɔ vi, ŋgwisə yiley. Viŋ lùu vɨɨ Nwi faŋ Nwi nə shòꞌ laa lùu vɨɨ yifwàŋ vi, baa nə laa viŋ sàynə vənu və shuu yɔŋvə Nwi. Ŋwə nə tìi viŋ fɨ taa mfiŋsə, laa viŋ ŋii taa ŋgwii məley.