Lukas 17:6 - Vengo (Babungo)

⁶ Tɨta Yeso gi tɨ́ vəŋ laa, «Viŋ nii toꞌ nuŋ fwi siŋ maa Nwi sheꞌ tɨtiꞌ, sheꞌ yaa ŋɨꞌ fulɨsɨgaa, buu kaꞌ viŋ gì tɨ́ tɨ yɔŋ kə̀ laa, muꞌnə viŋ ghay ghə fɨ feenə, gə bìa ŋwaa wə taa mamuu, buu tɨ kɔ́ taa zɔnə viŋ.»

Lukas 17:6 Iomraidhean Croise

Matiu 14:29

Yeso gi laa ŋwə jwi. Pita fuu fɨ taa bay, tòꞌ fɨ fuu muu, gə yɨ Yeso.

Matiu 17:20

Ŋwə gi tɨ́ vəŋ laa, «Luu buꞌ faŋ viŋ kee nùŋ fwi maa Nwi, wèꞌ shɔ me. Viŋ zɔ! Mə naysə tɨ́ viŋ yinsəŋ laa, viŋ nii toꞌ nùŋ fwi maa Nwi sheꞌ tɨtiꞌ, sheꞌ yaa mfɨꞌ ŋɨꞌ fulɨsɨgaa, buu kaꞌ viŋ gì tɨ́ baŋ nyə̀ laa nyə muꞌnə gə̀ maa shəŋ kɨkee, buu nyə taa ndɔ yɨ nɨniŋ. Sheꞌ nɨniŋ, kaꞌ nu kee baa ghɔ̀ꞌ viŋ me.

Matiu 21:21

Yeso bəŋsə tɨ́ vəŋ laa, «Viŋ zɔ! Mə naysə tɨ́ viŋ yinsəŋ laa, viŋ kɨ luu nùŋ fwi siŋ maa Nwi, kee kɨ kənə me, buu kaꞌ viŋ yɨsə kəŋ nu ghɔ́ faŋ ŋkə nii gày maa tɨ taŋ kə̀ nə nɨzi, baa kɨɨ maa məyɨ vənu vəkwalə vəmɔ́ꞌ nɨzi. Kaꞌ viŋ taa gi tɨ́ baŋ nyə̀ laa nyə muꞌnə, gə̀ fìŋ taa mamuu, buu ŋkə taa gay nɨniŋ.

Mark 4:31

Viŋ zɔ! Yifwàŋ Nwi lùu yaa ŋɨꞌ tɨ fulɨsɨgaa faŋ vɨ mɔ̀ꞌ nsi. Ŋɨꞌ yi luu ŋkee yighilə fɨ taa sɨ vətɔ fɨ shɨ nsi.

Mark 9:23

Yeso gi tɨ́ ŋwə laa, «A sii gì laa faŋ kaꞌ mə yɨ̀ nu? Wə ntɨə faŋ ŋwə nùŋ fwi yi maa Nwi, kɨ kaꞌ nu kee ghɔ̀ꞌ ŋwə me.»

Lukas 13:19

Ŋkə fɨ̀nə yisɨ fulɨsɨgaa faŋ nyə luu ŋkee yighilə nə. Wə mɔ́ꞌ ndi yisɨ yighilə yɔ́, mɔ̀ꞌ taa biisə ŋwə, nyə fuu, ta, gu ŋkee tɨ, mənwə fɨ taa yizɔ fianə təzi fuu yi.»

Lukas 17:7

(Yeso baa gì laa,) «Wə lùu shɔ taa ŋwaa viŋ faŋ ŋwə kìi buꞌ wi, faŋ ŋwə faꞌ taa biisə, tɨꞌnə me shii bisə, gì tɨ́ ŋwə maa yighee njyə faŋ ŋwə bə̀ŋ fɨ taa biisə, laa ŋwə jwi duꞌnə nsi, zɨ mu? Bey.

Lukas 19:4

Ŋwə fi jɨɨ, nyɨŋ shɔ̀ɔ gə vɨsɨ, kòꞌ fuu tɨ, tɨ́ kaꞌ ŋwə yè Yeso, fɔnə ŋwə nə kɨɨ laa Yeso taa jwi shɔɔ fɨ yifi.

Lukas 7:13

Tɨta Yeso ye wəzwi ghɔ́, kèe gəŋsə maa ŋwə, gì tɨ́ ŋwə laa kɨ ŋwə baa gwia me.

Lukas 7:19

tɔŋ vəŋ tɨ́ tɨta Yeso maa məbitə tɨ́ ŋwə laa ŋwə lùu wə ntɨə faŋ Nwi nə kɔ̀ꞌnə laa ŋwə ndɔ jwi nə mu, mu bàw vɨ kɨ kɨꞌ wuu day?

1 Kɔrintian 13:2

Mə kɔlə kìi wutə faŋ kaꞌ mə kɨ twelə yigisə shuu Nwi, tɨꞌnə me kɨɨ nə vənu vənshə faŋ mbə ndènə fɨ ghɔ vɨɨ, tɨꞌnə me kɨɨ nə nu Nwi laylay, tɨꞌnə me nùŋ fwi nyaa maa Nwi ŋkee dɨdɨꞌ, tɨ́ kaꞌ mə yɨ̀sə laa ŋkee baŋsə kwalə muꞌnə, mə nəə toꞌ kɨ̀ɨ nə vənu vɔ́ vənshə, luu nə, kee kìi ŋkawnə maa vɨɨ me, buu lùu nu dayday.