Lukas 17:16 - Vengo (Babungo)

¹⁶ Ŋwə jwi gù vɨsɨ Yeso, tùŋ yikəꞌ yi nsi, kɔ bwaŋ-wee. Wə ghɔ́ nə luu wuu Samaria.

Lukas 17:16 Iomraidhean Croise

Matiu 10:5

Yeso tɔŋ vɨɨ vɔ́ njɔsə-bɔɔ nə, gì tɨ́ vəŋ laa, «Kɨ viŋ shɔɔ fɨ maa jɨɨ faŋ nyə gə shɨ vɨɨ faŋ vəŋ kee kɨ̀ɨ nə Nwi me, kee ŋìi shɨ vɨɨ Samaria nɨzi me.

Matiu 2:11

shɔɔ gə̀ ŋìi taa ŋii yɔ́, yè wee ghɔ́ ghɔ nshu wi Meri. Vəŋ guŋnə nsi, bə̀ŋsə wee ghɔ́, keꞌtə vətɔ vəvəŋ, kèy wee ghɔ́ nə goolə, baa nə ndiŋ, nə məŋgwə mə lamenda (faŋ nə luu ŋkee vətɔ və shwaŋ ndɔŋnə.)

Mark 5:33

Wəzwi ghɔ́ faŋ ŋwə nə kɨ̀ɨ nə nu ŋkɨə faŋ ŋkə nii gày maa ŋwə nə, kɨ nii jwì nə məfee nə məlaꞌ, gu vɨsɨ Yeso, nàysə nu ki kɔ́ kənshə tɨ́ ŋwə.

Lukas 17:17

Yeso gi laa, «Maa vɨɨ nii lùu yighuŋ faŋ yiŋwaa yivəŋ kìasə ley. Vɨɨ mbə buumuꞌ sii bə?

Lukas 5:8

Faŋ Saymon Pita nə yè nɨniŋ, gu ghuu Yeso, gì laa, «Ndɔ fɨ yɨ mə, tɨta, mə lùu wuu bwə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:9

Wəzwi ghɔ́ gi tɨ́ Yeso laa, «A lùu wuu Jus, kɨ ndwaŋ muu fɨ ghɔ wuu Samaria lee?» Ŋwə nə gì nɨniŋ, buꞌ laa vɨɨ Jus ghɔ vɨɨ Samaria nə kee zɨzɨnə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:23

Nwi yɨ̀ nɨniŋ laa vɨɨ kɔ feenə tɨ́ ŋwiŋ wi, sheꞌ faŋ vəŋ fee tɨta Nwi nə. Nɨniŋ, wə ntɨə faŋ ŋwə kee fèe Wee Nwi ghɔ́ me, buu ŋwə nɨzi kee fee tɨta Nwi, faŋ ŋwə nə tɔ̀ŋ ŋwiŋ wi shɨ nsi nə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:48

Vɨɨ kwalə vɨɨ Jus vɔ́ bitə tɨ́ Yeso laa, «Maa yia gì nu bɔŋsə laa a lùu wuu Samaria, baa nə laa zwitə bwə lùu taa ŋwaa ghɔ.»

Akts 1:8

Luu nə, viŋ ndɔ kii wutə Nwi faŋ Zwitə Ley Nwi jwì maa viŋ, viŋ kɨ nii lùu vɨɨ məfɨꞌtə nu kaŋ ntɨꞌ Jerusalem nə taa ntɨꞌsə Judia sənshə, nə fɨ shɨ Samaria nə maa vəshəŋ vənshə, gə ziꞌ tɨ́ vəndwə və shɨ nsi.»

1 Kɔrintian 14:25

Təgi tɔ́ taa yɨsə vənu mbɨə faŋ ŋwə bɨꞌtə fɨ taa fwi ŋwə, fuu ntee. Ŋwə kɨ nii tùŋ vətɔ vəyəə vi nsi vɨsɨ Nwi, kɔ̀ feenə tɨ́ Nwi, baa tèytə laa, «Yinsəŋ, viŋ vɨ Nwi lùu mɔ́ꞌ.»

Reveleyshən 19:10

Mə gu ghuu ŋwə maa məbəŋsə ŋwə. Ŋwə gi shee laa, kɨ mə yɨ nɨniŋ me, laa yi lùu wuu faꞌ Nwi yuu mə, baa nə yaa vaŋ-nshwi vaŋ, faŋ vəŋ fɨꞌtə nu Yeso nə, baa nə laa mə kɨ bəŋsə luu nshɨ-tɔ Nwi. Nu məfɨꞌtə nu Yeso lùu nu Zwitə Ley Nwi faŋ ŋkə kwaŋ yigisə shuu Nwi taa fwisə vɨɨ.

Reveleyshən 4:10

vɨɨ taa vɔ́ njɔsə-yishwe muu-mbɔɔ nə, nɔŋ nsi vɨsɨ wə ntɨə faŋ ŋwə nə dùꞌ fuu ŋkaw kɔ́ nə, bəŋsə ŋwə faŋ ŋwə lùu bwey maa vəshi və mbi və̀ vənshə, ndɔ goꞌsə yighee muꞌ nə. Vəŋ shoꞌtə təsɔꞌ fɨ tɔ vəŋ, mɔ̀ꞌ vɨsɨ ŋkaw kɔ́, gì laa,

Reveleyshən 5:14

Vətɔ vəbweyvə vɔ́ yishwe nə, gi laa, «Ŋkə lùu nɨniŋ.» Vɨɨ taa vɔ́ nɔŋ nsi, kɨ bəŋsə Nwi.