Lukas 17:1 - Vengo (Babungo)

¹ Yeso nə baa gì tɨ́ vɨɨ məzwetə nu ki laa, «Nu vɨɨ vənshə lùu laa vəŋ ŋii məmɔŋ maa məyɨ nu bwə. Luu nə, ndwaŋ tɔ wə ntɨə faŋ ŋwə yɨsə laa wə mɔ́ꞌ yɨ nu bwə.

Lukas 17:1 Iomraidhean Croise

Matiu 16:23

Ŋwə kiasə ŋwaa wi, gì tɨ́ Pita laa, «Suꞌtə fɨ yiba jɨŋ mə, Satan, a kɔꞌsə mə taa mbwəə, buꞌ laa a kee bɨꞌtə nu Nwi me, a bɨꞌtə luu sheꞌ nu wə mənsaw.»

Matiu 18:7

Ndwaŋ tɔ mbi buꞌ məkɔꞌsə məyɨ nu bwə. Ŋkə lùu taa ŋkɨɨ Nwi laa məmɔŋ maa məyɨ nu bwə jwi. Luu nə, ndwaŋ tɔ wə ntɨə faŋ ŋwə jwì nə məmɔŋ ghɔ́ tɨ́ vɨɨ.

Lukas 16:31

Abraham gi tɨ́ ŋwə laa, «Vəŋ kɨ luu kee kɨ zɔnə Mose nə nshiisə-ŋii sɔghɔ me, buu kɨ kaꞌ vəŋ kee biŋ wə faŋ ŋwə ndɔ̀ fɨ shɨ yiku, jwì yɨ vəŋ me.»

Roma 14:13

Nɨniŋ, kɨ nsiŋ baa kɨ sɔꞌ vaŋ-nshwi vaŋ-nsiŋ me. Viŋ bee kii tə sɨ laa kɨ viŋ kɨ yɨsə nu faŋ kaꞌ weenshu wə tùŋ ghuu ki shɔ gu, gaasə ghɔ Nwi me.

Roma 16:17

Vaŋ-nshwi vaŋ, mə tɨsə viŋ laa, viŋ kɨ tɔfə maa vɨɨ mbɨə faŋ vəŋ jwi nə ŋgaasə, yɨsə vɨɨ gu maa nu Kristo, faŋ viŋ nə zwètə nə. Viŋ nyɨŋ fɨ yɨ vəŋ,

1 Kɔrintian 10:32

Kɨ kɨɨ buꞌ viŋ yɨ nu faŋ ŋkə taa yɨ laa fwi wə shə. Kɨ luu wə ghɔ́ lùu wuu Jus, tɨꞌnə me wuu tɔmə day, tɨꞌnə me wuu Nwi, kɨ viŋ yɨsə fwi yi shə me.

1 Kɔrintian 11:19

Ŋkə bàw faŋ ŋgaasə fuu taa ŋwaa viŋ, tɨ́ kaꞌ vɨ taa ye vɨɨ mbɨə faŋ vəŋ nùŋ fwi maa Yeso Kristo maa yinsəŋ.

1 Kɔrintian 8:13

Nɨniŋ, mə naysə tɨ́ viŋ laa, mə kɨ luu kɨ ye laa fazɨ ŋkɨə faŋ mə zɨ ŋkə, laa ŋkə lùu nu bwə tɨ́ weenshu ŋwaa, buu mə taa meꞌtə fazɨ kɔ́ yighee muꞌ, kee baa kɨ zɨ me, tɨ́ kaꞌ mə kee yɨ laa weenshu ŋwaa gu nu me.

1 Timoti 4:1

Zwitə Ley Nwi gì maa yigisə yileynə laa, ndɔ luu maa yighee shə, vɨɨ mɔ́ꞌ meꞌ nu Kristo faŋ nsiŋ nùŋ fwi saŋ-nsiŋ shɔ nə, nùŋsə fwisə vəŋ maa nu vəzwitə mbɨə faŋ mbə bweꞌsə vɨɨ, baa nə maa vənu faŋ vəzwitə vəbwəvə deesə tɨ́ vɨɨ.

Reveleyshən 2:14

Luu sheꞌ wee-nu faŋ ŋkə kee baw too mə me. Nu kɔ́ lùu laa, vɨɨ mɔ́ꞌ fɨ taa ŋwaa viŋ jìa nu Balaam, faŋ ŋwə nə dèesə tɨ́ Balak faŋ ŋkə bàw maa məkɔꞌsə vɨɨ Isirayl, yɨsə vəŋ yɨ nu bwə, zɨ fazɨ faŋ lùu fazɨ vəŋku vənwi, baa tii vəki.

Reveleyshən 2:20

Luu nə, nu mɔ́ꞌ shɔ faŋ ŋkə kee bàw shee me. Nu kɔ́ lùu laa a bìŋ Jezebel, wəzwi wì faŋ ŋwə gì laa yi lùu nshiiŋii-sɔghɔ, faŋ ŋwə deesə nu ki tɨ́ vɨɨ, bweꞌsə vɨɨ vaŋ, vəŋ toꞌ tii vəki, zɨ vətɔ faŋ vɨ feꞌ vənwi vədayday shɔ nə.