Lukas 16:9 - Vengo (Babungo)

⁹ Nɨniŋ, mə gì tɨ́ viŋ laa viŋ ndi ka, faŋ lùu fa dayday, faŋ ŋkə lùu ghɔ viŋ nə, kɨ key vɨɨ shɔ, laa viŋ kɨ kii vɨɨmba viŋ fuŋ maa yighee njyə faŋ ka wiŋ ndɔ me, Nwi ndi viŋ, ŋìisə viŋ taa ndɔꞌ ŋgɨə faŋ ŋə gòꞌsə yighee muꞌ.

Lukas 16:9 Iomraidhean Croise

Matiu 19:21

Yeso gi tɨ́ ŋwə laa, «A kəə laa a baw mètə, a gə fìŋtə vətɔ və, gàa ka ghɔ́ tɨ́ vɨɨ ŋɨꞌ, buu vəkeynə və taa luu yizɔ. A yɨ̀ nɨniŋ, a kɨ nii jwì bèꞌsə mə.»

Matiu 6:19

«Kɨ viŋ baytə vətɔ fɨ shɨ nsi, nùŋ maa shəŋ faŋ mbɔŋ nə kwa taa kwə me, tɨꞌnə me vəndɔꞌ bɨꞌ ŋìi shàw me.

Matiu 6:24

Kaꞌ wə muꞌ kee fàꞌ tɨ́ vɨɨ vəbɔɔ me. Wə kəə kɨ yɨ nɨniŋ, buu ŋwə taa bee wuu mɔ́ꞌ, kàw wuu mɔ́ꞌ, yighee mɔ́ꞌ kɨ zɔnə wuu mɔ́ꞌ, shiasə wuu mɔ́ꞌ, kaꞌ wə kee kɨ faꞌ tɨ́ Nwi, baa faꞌ ndeynə ka me.»

Lukas 11:41

Nɨniŋ, bàw viŋ ywiitə kɔ̀ŋ fwi siŋ nɨzi. Viŋ ndì vətɔ mbɨə faŋ mbə lùu taa vəkay viŋ, kɔ̀ tɨ́ vɨɨ ŋɨꞌ. Viŋ yɨ nɨniŋ, buu fwi siŋ ley vɨsɨ Nwi.

Lukas 12:33

(Yeso baa gì laa,) «Viŋ fiŋ vətɔ viŋ, gàŋtə vɨɨ ŋɨꞌ shɔ. Nɨniŋ, viŋ naysə vəpɔsa viŋ faŋ kaꞌ mbə kee ndɔ dwaŋ me. Bàw viŋ kəə ka faŋ lùu ŋgwə yizɔ, faŋ lùu məbwey vəlwaŋ faŋ ŋwə goꞌsə yighee muꞌ. Kaꞌ ndɔꞌ kee jwi shaw kəŋ ka ghɔ́ me. Kaꞌ fənda gɔ kee nda me.

Lukas 14:14

buu mənɔŋ-bwaŋnə lùu tɨ́ ghɔ, buꞌ laa kaꞌ vəŋ kee bə̀ŋsə tɨ́ ghɔ me. A yɨ̀ nɨniŋ, buu Nwi ndɔ bəŋsə tɨ́ ghɔ maa yighee njyə faŋ ŋwə ndɔ yweysə vɨɨ mbɨə faŋ vənu vəvəŋ lùu vəloomə, fɨ shɨ yiku.»

Lukas 16:11

Nɨniŋ, viŋ kɨ luu kee yɨ nu faŋ lùu nu bi nə ka mbuulə me, buu kaꞌ Nwi kɔ nu yinsəŋ tɨ́ viŋ kɨkə?

Lukas 16:13

Kaꞌ tuu wuu faꞌ kee kɨ faꞌ tɨ́ vɨɨ vəbɔɔ me. Wə nəə toꞌ yɨ nɨniŋ, buu ŋwə taa bee ŋgwə muꞌ, kaw wuu mɔ́ꞌ, nuŋ fwi yi maa ŋgwə muꞌ, kɨ shiasə wuu mɔ́ꞌ. Nɨniŋ, kaꞌ viŋ kee kɨ faꞌ tɨ́ Nwi, baa nuŋ fwi maa ka me.»

Lukas 16:4

Mə kɨɨ nə nu ŋkɨə faŋ mə taa yɨsə laa vɨɨ ndɔ ndi mə taa ndɔꞌ vəŋ maa yighee njyə faŋ tii ŋwaa taa jwi fuusə mə fɨ maa faꞌ məshii ŋii nə.»

Akts 10:31

gì shee laa, «Kɔrniliɔs, Nwi zɔ̀ məshɔꞌtə wə, faŋ a shɔꞌtə Nwi shɔ nə. Nwi lumə vətɔ mbɨə faŋ a kɔ tɨ́ vɨɨ ŋɨꞌ nə.

Akts 10:4

Ŋwə ndeynə fee, gì laa, «Tɨta, lùu nu kə?» Nshiiŋii Nwi yɔ́ gi tɨ́ ŋwə laa, «Nwi zɔ̀ məshɔꞌtə wə, baa nə vəkɔ və faŋ a gaŋtə vɨɨ ŋɨꞌ shɔ nə. Nwi kàw vənu vɔ́.

2 Kɔrintian 4:17

Faŋ nsiŋ ye ŋɨꞌ ndwə nə, nsiŋ ndɔ zɨ ŋkee nu kwalə faŋ ŋkə shɔ̀ɔ ki, gòꞌsə yighee muꞌ. Nɨniŋ, nu ŋɨꞌ yɔ́ luu sheꞌ nu tɨtiꞌ faŋ nyə taa tay sheꞌ maa wee-fɨ-yighee nee.

Ŋwaꞌlə Jud 1:21

Viŋ nuŋ fwi siŋ maa ŋkawnə Nwi faŋ Nwi kàw viŋ nə. Viŋ kɨꞌ gəŋsə fɨ ghɔ Yeso Kristo laa ŋwə ndɔ gaŋtə viŋ, kɔ̀ viŋ nə məbwey vəlwaŋ.