Lukas 16:8 - Vengo (Babungo)

⁸ Ŋwə nə yɨ̀ nɨniŋ, tɨɨ faꞌ wi bəŋsə yitɔfə yi, faŋ ŋwə kɔlə kee lùu wuu yinsəŋ nə me. Maa vɨɨ fɨ taa mbi yibwə nyə̀ kɨɨ yɨsə nu nə yitɔfə ghɔ vəliŋ vəvəŋ, shɔ̀ɔ vɨɨ mbɨə faŋ vəŋ toꞌ fɨ taa məley Nwi.

Lukas 16:8 Iomraidhean Croise

Matiu 12:32

Kɨ luu wə gi nu bwə tɔ Wuu yinsəŋ Nwi, buu Nwi taa ndenə nu kɔ́. Luu nə, wə kɨ luu gì nu bwə tɔ Zwitə Ley Nwi, buu kaꞌ Nwi kee ndènə nu kɔ́ maa ŋuꞌsə mbi sə̀ me, kee bee ndɔ ndenə maa ŋuꞌsə mbi nsɨə faŋ nsə ndɔ jwi nə me.

Matiu 17:26

Ŋwə laa fɨ ghɔ vɨɨ dayday. Yeso gi tɨ́ ŋwə laa, «Faŋ ŋkə lùu nɨniŋ, buu vaŋ vəŋ binə kee məmɔꞌ me, mu lee?

Lukas 16:10

Wə ntɨə faŋ ŋwə yaa kɨ yɨsə nu bi nə wee-fa, baa yɨsə nu bi faŋ vɨ nuŋsə kəyaŋ ghɔ ŋwə. Wə faŋ ŋwə yɨsə nu mbuulə nə wee-fa, yaa kɨ yɨsə nu bwə nə fa yaŋ nɨzi.

Lukas 16:4

Mə kɨɨ nə nu ŋkɨə faŋ mə taa yɨsə laa vɨɨ ndɔ ndi mə taa ndɔꞌ vəŋ maa yighee njyə faŋ tii ŋwaa taa jwi fuusə mə fɨ maa faꞌ məshii ŋii nə.»

Lukas 16:7

Ŋwə baa gì tɨ́ wuu mɔ́ꞌ laa, yikɔɔ faŋ nyə lùu ghɔ ŋwə lùu kə? Wə ghɔ́ laa vətɔ və bee waaghɨꞌ. Ŋwə gi tɨ́ ŋwə laa ŋwə ndi ŋwaꞌlə yikɔɔ wi, nyɔ̀ꞌ taa tey yi laa muu-yimfɔŋ.

Lukas 18:6

Tɨta Yeso kɨ nii baa gi laa, «Maa viŋ zɔ nu ŋkɨə faŋ wuu məshia nsɔꞌ ghɔ́ nə gi, faŋ vənu vi nə kɔlə kee lùu vəloomə me.

Lukas 20:34

Yeso gi tɨ́ vəŋ laa, «Vaŋ taa mbi nyə̀ yaa kɨ ndaa vəki, vəki ndàa wəndɔŋ.

Lukas 20:35

Gə fɨ maa vɨɨ mbɨə faŋ Nwi ndɔ biŋ vəŋ, vəŋ kuꞌnə maa məywey fɨ shɨ yiku, baa kuꞌnə maa məzɨ mbi yinjii, vəŋ kee ndɔ baa ndaa vəki me, vəki kee ndàa vəndɔŋ me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:36

Bàw viŋ biŋ məley ghɔ́ faŋ ŋwə kɨ bii ghɔ viŋ nə, tɨ́ kaꞌ viŋ ndɔ lùu vɨɨ faŋ vəŋ kìi məley nɨzi.» Yeso nə gì yigi yɔ́, gə̀ kə̀ə shəŋ ndenə shɔ, laa vɨɨ kee baa yè ŋwə me.

1 Kɔrintian 3:18

Kɨ wə kɨ bweꞌsə ŋwaa wi me. Wə kɨ luu lùu taa ŋwaa viŋ, faŋ ŋwə bɨꞌtə laa yi kìi yitɔfə taa mbi nyə̀, bàw ŋwə kiasə gù wə faŋ ŋwə kee kɨ̀ɨ nə nu me, buu kaꞌ ŋwə ndɔ kìi yitɔfə njyə faŋ lùu yitɔfə yinsəŋ.

Efesɔs 5:8

Nə luu maa yighee vɨsɨ, viŋ luu vɨɨ taa mfiŋsə. Luu ndwə, viŋ lùu vɨɨ taa məley buꞌ tɨta Yeso. Nɨniŋ, viŋ kɨ toꞌ yaa vaŋ taa məley.

Filipi 3:19

Vəŋ ndɔ ŋii taa nsɔꞌ Nwi, ndì. Vəŋ kàw sheꞌ maa məzɨ shɨ. Nu kɔ́ lùu tɨ́ vəŋ yaa Nwi vəŋ. Vəŋ koꞌsə ŋwaa buꞌ vənu faŋ bee kii lùu vənu və tɔ dɨɨ. Vəŋ bɨꞌtə sheꞌ vənu və shɨ nsi.

1 Tesalonika 5:5

Viŋ vənshə lùu vɨɨ taa məley, baa lùu vɨɨ shi kɔ́. Nsiŋ kee lùu vɨɨ fu vətuꞌ me, kee lùu vɨɨ mfiŋsə me.

1 Pita 2:9

Gə̀ fɨ maa viŋ, viŋ lùu way vɨɨ faŋ Nwi nə shòꞌ, lùu vɨɨ vəkɔ vi, ŋgwisə yiley. Viŋ lùu vɨɨ Nwi faŋ Nwi nə shòꞌ laa lùu vɨɨ yifwàŋ vi, baa nə laa viŋ sàynə vənu və shuu yɔŋvə Nwi. Ŋwə nə tìi viŋ fɨ taa mfiŋsə, laa viŋ ŋii taa ŋgwii məley.

1 Jɔn 3:10

Nu ŋkɨə faŋ vɨ yaa kɨ kɨɨ nə vaŋ Nwi nə vaŋ Satan fuŋ, lùu laa, wə tɨ̀ me wə faŋ ŋwə kee yɨ nu loomə me, nə wə ntɨə faŋ ŋwə kee kàw weenshu wi me, kee ndɔ̀ fɨ ghɔ Nwi me.