Lukas 16:22 - Vengo (Babungo)

²² Kɨ lùu maa shi mɔ́ꞌ, wuu ŋɨꞌ ghɔ́ ku. Nshiisə-ŋiisə Nwi jwi ndì ŋwə, koꞌ gə̀ nə ŋwə yizɔ, nùŋ ŋwə yɨ tii ŋwaa-nsiŋ Abraham. Tɨɨ ka ghɔ́ baa luu kù nɨzi, vɨ təə ŋwə.

Lukas 16:22 Iomraidhean Croise

Matiu 18:10

Viŋ kɨ ndɨɨnə laa kɨ viŋ shia fɨ maa vaŋ vəbwavə və̀ me. Mə naysə tɨ́ viŋ laa nshiisə-ŋiisə Nwi nsɨə faŋ nsə shiŋnə vaŋ vɔ́, lùu yizɔ, ye yikəꞌ Tii ŋwaa faŋ ŋwə lùu yizɔ nə.

Matiu 24:31

Ŋwə ndɔ jwi nɨniŋ, tɔ̀ŋ nshiisə-ŋiisə si nə yisaw yikwalə faŋ vɨ taw ŋkee nəŋay. Nshiisə-ŋiisə sɔ́ baytə vɨɨ mbɨə faŋ vɨ shòꞌ fɨ taa mfaysə mbi sənshə, nə fɨ maa vəndwə və mbi vənshə.

Matiu 8:11

Mə baa luu naysə tɨ́ viŋ laa vɨɨ vəyaŋ ndɔ ndɔ̀ fɨ ntɔŋ-shɨshwi, nə fɨ mfiŋ-shɨshwi, jwì nɔ̀ŋ nsi ghɔ vətɨɨ vaŋ-nsiŋ Abraham nə Isak nə Jeykob maa yighee njyə faŋ nu yifwàŋ yizɔ ndɔ jwi, kɨ zɨ vətɔ.

Mark 8:36

Sii kɨ kaꞌ ŋkə gaŋtə wə nə kə, faŋ ŋwə kìi mbi yinshə, lèe məbwey vəlwaŋ wi?»

Lukas 12:20

Ŋwə nə gì nɨniŋ, Nwi gi tɨ́ ŋwə laa, «Ebee mfaw, vɨ taa ndi fwi yə vətuꞌ ndee. Taa zɨ ndə zɨ vətɔ və faŋ a nə nùŋsə nə?»

Lukas 16:21

Ŋwə nə kəə laa yi zɨ vəbɨꞌ və fazɨ, faŋ mbə fiŋkə nsi faŋ tɨɨ ka ghɔ́ zɨ. Busə jwi, ndàlə vədɨꞌ fɨ maa ŋwə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:18

Tuu wə nə kee ta yè Nwi nə yisɨ me, tɨ̀ lɨꞌ sheꞌ yigɨꞌ Wee Nwi, faŋ ŋwə lùu yɨ fwi tɨta Nwi. Ŋwə jwi də̀ tɨ́ nsiŋ faŋ Nwi lùu.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 13:23

Wə muꞌ fɨ taa ŋwaa vɨɨ məzwetə nu Yeso nə luu shɔ faŋ ŋwə nə dùꞌ yɨ Yeso. Lùu ŋgwə faŋ Yeso nə kàw ŋwə shɔ̀ɔ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 21:20

Vəŋ gə, Pita kiasə ŋwaa wi, yè wuu məzwetə nu Yeso ŋgwə faŋ Yeso nə kàw ŋwə shɔ̀ɔ nə, faŋ ŋwə nə beꞌsə vəŋ. Lùu ŋwə faŋ ŋwə nə yɨ̀ꞌtə shuu fwi Yeso maa yighee njyə faŋ vəŋ nə zɨ fazɨ vətuꞌ nə, ŋwə nə bìtə tɨ́ Yeso laa, «Tɨta, ndɔ fiŋ ndə fiŋ ghɔ.»

Hibru 1:14

Nshiisə-ŋiisə Nwi sənshə luu sheꞌ vəzwitə faŋ vəŋ faꞌ tɨ́ Nwi, faŋ ŋwə tɔ̀ŋ vəŋ laa vəŋ gə gàŋtə vɨɨ mbɨə faŋ Nwi taa bweysə vəŋ nə.

Hibru 2:14

Vaŋ vi vɔ́ lùu vɨɨ faŋ ghɔ vɨ Yeso fàynə. Sheꞌ nɨniŋ, Yeso nə jwì yuu wə, gù yaa vəŋ nɨzi, tɨ́ kaꞌ ŋwə kù, zwì wutə Satan, tɨɨ vəzwitə vəbwəvə, faŋ ŋwə kìi wutə yiku nə.

Jeyms 1:11

Shɨshwi yaa tɔŋ, vədɨꞌ ndɔ̀ŋ, gay yɔ̀ŋ, baybay wi kwìinə; ŋkɨꞌnə yi yijəə ku. Lùu faŋ mfuꞌ yaa kɨ shɔɔ jɨɨ yi, yɔŋ yaa baybay, ku.

1 Pita 2:24

Kristo nə shàꞌ vənu vəbwəvə vaŋ-nsiŋ maa ŋwə, kù fuu fəŋkɔꞌ fə ŋkɨꞌsə. Nɨniŋ laa nsiŋ gaasə nsiŋ vɨ vənu vəbwəvə, kɨ yɨsə luu vənu vəjəəvə yuu vɨ nə nyɔ̀ꞌ taa ŋwaꞌlə Nwi laa, «Buꞌ vədɨꞌ vi, vənu vəbwəvə vaŋ-nsiŋ mè.»

Reveleyshən 14:13

Mə baa kɨ nii zɔ gɨ wə gi fɨ yizɔ laa, «Nyɔꞌ taa ŋwaꞌlə laa, shù ndee mənɔŋ-bwaŋnə lùu tɨ́ vɨɨ mbɨə faŋ vəŋ taa kɨ ku taa ghɔ tɨta Kristo. Zwitə Nwi gì laa lùu nɨniŋ. Vəŋ taa kɨ shəŋ ŋwaa, buꞌ faꞌ ŋgwə faŋ vəŋ nə faꞌ nə wutə nə. Lumə vəfaꞌ vəvəŋ beꞌsə vəŋ.»