Lukas 16:2 - Vengo (Babungo)

² Wə ghɔ́ tii wuu məshii ŋii wi ghɔ́, gì tɨ́ ŋwə laa, «Sii lùu kə nə faŋ mə zɔ kɔ̀ŋ ghɔ? Ndi ŋwaꞌlə wə, jwì, sɨ saytə vətɔ vaŋ vənshə, faŋ mə nə nùŋsə tɨ́ ghɔ, buꞌ laa a kee baa kuꞌnə maa wuu məshii ŋii nyaa me.»

Lukas 16:2 Iomraidhean Croise

Matiu 12:36

Viŋ zɔ! Mə naysə tɨ́ viŋ laa ndɔ luu maa shi nsɔꞌ, faŋ Nwi ndɔ shia nsɔꞌsə vɨɨ vənshə, vɨ ndɔ kɨ bitə tɨ́ vɨɨ kɔ̀ŋ yigisə ŋkɔmə yinshə faŋ vəŋ nə gì.

Matiu 20:8

Kɨ lùu laynəfu, tɨɨ faꞌ ghɔ́ gi tɨ́ nshiiŋii yi laa ŋwə tii vɨɨ faꞌ vɔ́, ndɔ̀ꞌ vəŋ, tèy fɨ maa vɨɨ mbɨə faŋ vəŋ nə jwì fɨ yiba, gə kɔ tɨ́ vɨɨ vənzi.

Lukas 12:20

Ŋwə nə gì nɨniŋ, Nwi gi tɨ́ ŋwə laa, «Ebee mfaw, vɨ taa ndi fwi yə vətuꞌ ndee. Taa zɨ ndə zɨ vətɔ və faŋ a nə nùŋsə nə?»

Lukas 12:42

Tɨta Yeso gi laa, «Nshiiŋii faŋ vənu vi lùu vəbi, faŋ ŋwə baa lùu tɔfə, lùu ndə, faŋ tɨɨ fu nùŋsə vɨɨ vi vənshə taa ghɔ ŋwə, laa ŋwə kɨ kɔ mfɨꞌ fazɨ vəŋ tɨ́ vəŋ maa yighee njyə faŋ nyə kùꞌnə?

Lukas 16:1

Yeso nə baa gì tɨ́ vɨɨ məzwetə nu ki laa, «Tɨɨ ka mɔ́ꞌ nə luu shɔ, wuu məshii ŋii wi luu shɔ nɨzi. Vɨɨ jwi nàysə tɨ́ tɨɨ ka ghɔ́ laa wuu məshii ŋii wi ghɔ́ saynə vətɔ vi.

Lukas 16:3

Wuu məshii ŋii ghɔ́ gi fɨ taa fwi ŋwə laa, «Mə sii taa yɨ kɨkə, faŋ tii ŋwaa fi faꞌ məshii ŋii fɨ ghɔ mə nə? - Maa məkɔꞌ soo nsi ghɔꞌ mə. Tɔ kaŋ baa dɨdɨɨ maa məndwaŋ vətɔ.

Roma 14:12

Nɨniŋ, nsiŋ vənshə ndɔ kɨ kɔ bəŋsə tɨ́ Nwi buꞌ vənu vaŋ-nsiŋ tɔ tɔ.

1 Kɔrintian 1:11

Vaŋ-nshwi vaŋ, mə gì nɨniŋ, buꞌ laa vɨɨ ŋiinə Kloe nàysə shee laa vɨɨ mɔ́ꞌ fɨ taa ŋwaa viŋ tay ntaysə.

1 Kɔrintian 4:2

Nɨniŋ, nu ŋkɨə faŋ Nwi kəə laa vɨɨ məndeynə vətɔ vi kɨ yɨsə, lùu laa vəŋ kɨ yɨsə nə fwi yijəə.

1 Kɔrintian 4:5

Nɨniŋ, ŋkə kee kùꞌnə laa viŋ kɨ shia nsɔꞌsə tɔ vɨɨ me, faŋ yighee məshia nsɔꞌsə kee ta yikuꞌnə me. Maa shi ŋkɨə faŋ tɨta Yeso ndɔ jwi, ŋwə ndɔ də vənu ntee faŋ mbə nə lùu taa mfiŋsə, nə mbɨꞌtə wə faŋ wə kìi taa fwi ŋwə. Lùu shi kɔ́ faŋ Nwi ndɔ bəŋsə wə faŋ məbəŋsə wə ghɔ́ kùꞌnə.

2 Kɔrintian 5:10

Viŋ kɔꞌ kɨɨ laa nsiŋ vənshə ndɔ koꞌ fuu vəŋkaw və nsɔꞌ və Kristo, tɨ́ kaꞌ wə nə wə fì fɨ ghɔ ŋwə maa nu ŋkɨə faŋ ŋwə nə yɨ̀sə shɨ nsi nyə̀, faŋ ŋkə nə luu kəjəə, tɨꞌnə me kəbwə.

1 Timoti 4:14

Kɨ shiasə nu ŋkɨə faŋ Nwi nə kèy ghɔ shɔ nə me, faŋ nshiisə-ŋii sɔghɔ nə fɨ̀ꞌtə nu buꞌ ghɔ, faŋ vɨɨ taa fɨ taa məshəŋtə vɨɨ Nwi nə mɔꞌ ghɔ vəŋ tɔ ghɔ nə me.

1 Timoti 5:24

Yighee mɔ́ꞌ vənu vəbwəvə faŋ vɨɨ yɨsə fuu ntee, vɨ ye nsɔꞌ vəŋ. Luu nə, mbə vɨɨ mɔ́ꞌ kee fuu ntee me, nsɔꞌ Nwi taa jia vəŋ sheꞌ fɨ yiba.

1 Pita 4:10

Viŋ kɨ gaŋtə yiŋwaa yiŋ, viŋ viŋ, nə tɔ ley ŋkɨə faŋ Nwi kèy viŋ shɔ tɔ tɔ. Wə tɨ̀ me wə faŋ Nwi kèy ŋwə nə kəŋ yitɔfə mɔ́ꞌ, kaꞌ ŋwə baa luu gàŋtə vɨɨ mɔ́ꞌ.

1 Pita 4:5

Luu nə, vəŋ ndɔ ghaa kɔ bəŋsə yigi tɨ́ Kristo faŋ ŋwə lòotə ŋwaa maa məjwi sɔ̀ꞌ vənu və vɨɨ bweynə, nə vənu və vəŋku vənsisə.

Reveleyshən 20:12

Mə kɨ nii yè vəŋku vənsisə vəkwalə nə vətiitə, vəŋ tɨŋ vɨsɨ kenə kɔ́. Vɨ ŋaꞌsə vəŋwaꞌlə, baa ŋaꞌsə ŋwaꞌlə mɔ́ꞌ faŋ lùu ŋwaꞌlə məbwey vəlwaŋ. Vɨ sɔꞌ vəŋku vənsisə maa nu ŋkɨə faŋ vəŋ nə yɨ̀sə, faŋ vɨ nə nyɔ̀ꞌ taa vəŋwaꞌlə vɔ́.