Lukas 16:16 - Vengo (Babungo)

¹⁶ Yighee ntɨsə Nwi nə nshiisə-ŋii sɔghɔ nə gə zìꞌ maa nu Jɔn. Zi fɨ maa yighee yɔ́, vɨ kɨ nii fɨ̀ꞌtə ntɔŋ yijəə kɔ̀ŋ nu yifwàŋ Nwi tɨ́ vɨɨ. Vɨɨ vənshə faŋ vəŋ ŋii taa nu yifwàŋ Nwi kɔ́, ŋii nə wutə.

Lukas 16:16 Iomraidhean Croise

Matiu 10:7

Viŋ taa kii toꞌ nɨniŋ, viŋ kɨ naysə tɨ́ vɨɨ laa nu yifwàŋ yizɔ luu nshənə.

Matiu 15:11

Fa faŋ ŋkə ŋìi shuu wə kee yaa kɨ yɨsə ŋwə lùu wuu bwə me. Yɨ fa faŋ ŋkə fuu fɨ shuu wə, yɨ̀sə ŋwə luu wuu bwə.»

Matiu 21:32

Lùu nɨniŋ buꞌ laa Jɔn nə jwi kɨ də jɨɨ vənu vəloomə tɨ́ viŋ, viŋ kee biŋ yigisə yi me. Gə fɨ maa vɨɨ məsa vətɔ ghɔ vəsakə, vəŋ biŋ. Gə fɨ maa viŋ, viŋ kee kwìinə fwi siŋ bìŋ me, faŋ viŋ nə kɔlə yè nɨniŋ nə.»

Matiu 3:2

gisə laa, «Viŋ kwiinə fwi siŋ, buꞌ laa nu yifwàŋ yizɔ luu nshənə.»

Matiu 4:17

Nə luu maa yighee yɔ́, Yeso tey kɨ fɨꞌtə nu Nwi, gisə laa, «Viŋ kwiinə fwi siŋ, buꞌ laa nu yifwàŋ yizɔ luu nshənə.»

Matiu 4:23

Yeso kɨ nii toꞌ fɨ taa shɨ Galilii kənshə, deesə nu Nwi taa ndɔꞌ Nwi, fɨꞌtə ntɔŋ yijəə kɔ̀ŋ nu yifwàŋ yizɔ, shùꞌ vəza vənshə nə vəndoꞌ vənshə fɨ maa vɨɨ.

Mark 1:14

Nə luu maa yighee njyə faŋ vɨ nə duꞌtə vɨ jia Jɔn, kwàŋ ŋwə mfiŋ, Yeso jwi shɨ Galilii, kɨ toꞌ fɨꞌtə ntɔŋ Nwi yijəə buꞌ nu yifwàŋ Nwi, gisə laa,

Mark 1:45

Luu nə, wə ghɔ́ fuu kɨ toꞌ, naysə tɨ́ vɨɨ vəyaŋ. Nu kɔ́ saynə, fi vəshəŋ vənshə. Vɨɨ tey kɨ baytə yɨ Yeso ŋkee dɨdɨꞌ, tɨ́ kɨ kaꞌ ŋwə kee baa kɨɨ fuu baa ŋii taa ntɨꞌ yimɔ́ꞌ ntee me, kɨ nii dùꞌ sheꞌ yiba shɨ. Vɨɨ kɨ jɨjwi yɨ ŋwə fɨ maa vəshəŋ vənshə.

Lukas 10:11

«Ŋkee shɔꞌ ŋkɨə faŋ ŋkə ghaytə ghuu yia fɨ nsi viŋ, yia jìasə maa viŋ. Luu nə, bàw viŋ kɔꞌ kɨɨ laa nu yifwàŋ Nwi luu nshənə.»

Lukas 10:9

Viŋ kɨ fuusə vəza fɨ maa vɨɨ mbɨə faŋ vəŋ zɨzasə ntɨꞌ yɔ́, naysə tɨ́ vɨɨ laa nu yifwàŋ Nwi kee baa luu ntaŋ fɨ yɨ vəŋ me.

Lukas 16:29

Abraham gi tɨ́ ŋwə laa, «Vəŋ kìi ŋwaꞌlə Mose ghɔ nshiisə-ŋii sɔghɔ; bàw vəŋ kɨ zɔnə vəŋ.»

Lukas 16:31

Abraham gi tɨ́ ŋwə laa, «Vəŋ kɨ luu kee kɨ zɔnə Mose nə nshiisə-ŋii sɔghɔ me, buu kɨ kaꞌ vəŋ kee biŋ wə faŋ ŋwə ndɔ̀ fɨ shɨ yiku, jwì yɨ vəŋ me.»

Lukas 9:2

kɨ nii tɔŋ vəŋ laa vəŋ gə, kɨ toꞌ, fɨꞌtə nu yifwàŋ Nwi tɨ́ vɨɨ, baa shùꞌ vəza fɨ maa vɨɨ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:45

Fɨkɨꞌ Filip ye Nataniel, gì tɨ́ ŋwə laa, «Yia yè wə ntɨə faŋ Mose nə nshiisə-ŋii sɔghɔ nə nyɔꞌ kɔ̀ŋ ŋwə taa ŋwaꞌlə Nwi. Lùu Yeso, wuu Nazaret, wee Josef.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 11:48

Nsiŋ kɨ luu meꞌtə ŋwə, buu vɨɨ vənshə taa biŋ ŋwə. Vɨɨ Rom taa kɨ ye laa vɨɨ vənshə beꞌsə ŋwə, buu vəŋ taa jwi kɨ sɔꞌ ŋii Nwi yikwalə nyaa-nsiŋ, fì shɨ kaŋ-nsiŋ kənshə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:19

Vɨɨ Farisii gi sheꞌ vəŋ vəŋ laa, «Sii kaꞌ vɨ baa yɨ̀ kə? Ye faŋ mbi yinshə beꞌsə ŋwə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:4

Nshiiŋii Nwi yaa kɨ siꞌ jwi ghee ghee, jwi bwìilə muu mbɔ́. Nshiiŋii Nwi yɔ́ bwiilə muu mbɔ́, mfɔŋ wə faŋ ŋwə gə̀ ŋìi taa muu yɔ́, zatə ki kɨ nii yime. Kɔlə kɨ luu ŋkee ntɔ za yikə, ŋkə mè.]

Akts 3:18

Nɨniŋ, Nwi nə yɨ̀ nɨniŋ, laa nu ŋkɨə faŋ nshiisə-ŋii sɔghɔ vənshə nə fɨ̀ꞌtə, faynə, fɔnə faŋ vəŋ nə nàysə laa Kristo, wuu məbweysə ŋwaa-nsiŋ, ndɔ ye ŋɨꞌ.