Lukas 16:15 - Vengo (Babungo)

¹⁵ Ŋwə gi tɨ́ vəŋ laa, «Viŋ lùu vɨɨ faŋ viŋ kɨɨ yɨsə laa viŋ luu vɨɨ loomə yikəꞌ vɨɨ. Luu nə, Nwi kɨɨ nə fwi siŋ. Viŋ kɔꞌ kɨɨ laa nu, faŋ luu ŋkee nu kwalə yikəꞌ vɨɨ, luu ŋkee nu bwə tɨ́ Nwi.

Lukas 16:15 Iomraidhean Croise

Matiu 23:5

Gə fɨ maa vənu vəjəəvə vənshə faŋ vəŋ yɨsə nə, vəŋ yɨsə sheꞌ laa vɨɨ kɨ ye. Vəŋ nyɔ̀ꞌ ŋwaꞌlə vəŋ maa məlumə Nwi fuu waytə gɔ yizisə, ka nsaysə dəsə maa njwisə vəŋ maa məlumə ntɨsə Nwi, luu nə, yɨsə vənu vɔ́ sheꞌ laa vɨɨ kɨ ye vəŋ.

Matiu 6:16

«Viŋ kɨ luu kɨ baŋ fazɨ, kɨ viŋ kɨ kaŋ yikəꞌ yiŋ yaa vɨɨ məkoꞌsə ŋwaa me. Vəŋ kaŋ yikəꞌ vəŋ, tɨ́ kɨ kaꞌ vɨɨ kɨ ye, bə̀ŋsə vəŋ shɔ. Mə naysə ŋkee nu yinsəŋ tɨ́ viŋ laa vəkeynə vəŋ ndì nɨniŋ.

Matiu 6:2

Yighee njyə faŋ viŋ kɔ fa tɨ́ wuu ŋɨꞌ, kɨ viŋ kɨ taw yisaw yaa vɨɨ məkoꞌsə ŋwaa yaa kɨ yɨsə taa ndɔꞌ Nwi nə jɨɨsə laa vɨɨ kɨ bəŋsə vəŋ nə me. Mə naysə ŋkee nu yinsəŋ tɨ́ viŋ laa vəkeynə vəŋ ndì nɨniŋ.

Matiu 6:5

«Yighee njyə faŋ viŋ kəə shɔꞌtə Nwi, kɨ viŋ lùu yaa vɨɨ məkoꞌsə ŋwaa me, faŋ vəŋ yaa kɨ kaw maa mətɨŋnə taa ndɔꞌ Nwi nə maa vənsanə və jɨɨsə, shɔꞌtə Nwi yifi laa vɨɨ kɨ ye vəŋ, bəŋsə vəŋ. Mə naysə ŋkee nu yinsəŋ tɨ́ viŋ laa vəkeynə vəŋ ndì.

Lukas 10:29

Wə ghɔ́ nəə kəə fi tɔ ki fɨ ghɔ Yeso, gì tɨ́ ŋwə laa, «Wənjɨɨ ŋwaa sii lùu ndə?»

Lukas 11:39

Tɨta Yeso gi tɨ́ ŋwə laa, «Aŋ viŋ, vɨɨ Farisii, viŋ sɔ ndawsə fɨ mbɨɨ yi nə vəkay, luu nə, fwi siŋ lwaŋ nə vənu vəbwəvə, nə mbeenə.

Lukas 18:11

Wuu Farisii ghɔ́ gə koꞌ yàanə yizɔ, shɔꞌtə Nwi maa nshɨ-tɔ wi laa, «Nwi ŋwaa, mə bwaŋ ghɔ, buꞌ laa mə kee lùu yaa vɨɨ mɔ́ꞌ me. Mə kee lùu yaa vəndɔꞌ, nə vɨɨ məyɨ vənu və mbuulə, nə vɨɨ mətii vəki me, tɨꞌnə me yaa wuu məsa vətɔ ŋwə̀ me.

Lukas 18:14

Mə naysə tɨ́ viŋ laa wuu məsa vətɔ ghɔ́ nə siꞌ gə̀ taa ŋii ŋwə, vənu vi loomə vɨsɨ Nwi. Nu wuu Farisii kee lòomə me. Lùu nɨniŋ buꞌ laa wə tɨ̀ me wə faŋ ŋwə koꞌsə ŋwaa wi yizɔ, vɨ taa suꞌsə ŋwə nsi. Gə fɨ maa wə ntɨə faŋ ŋwə suꞌsə ŋwaa wi nsi, vɨ ndɔ koꞌsə ŋwə yizɔ.»

Lukas 18:21

Wə ghɔ́ gi laa, «Mə nəə toꞌ nɨniŋ maa vənu vənshə, shù fɨ weembwa.»

Lukas 18:9

Yeso baa tìi yigisə tii yimɔ́ꞌ buꞌ vɨɨ faŋ vəŋ nə shìasə vɨɨ mɔ́ꞌ, bɨꞌtə laa vənu vəvəŋ luu vəloomə shɔɔ ŋkə vɨɨ mɔ́ꞌ. Ŋwə nə gì laa lee,

Lukas 20:20

Nɨniŋ, vɨɨ kwalə məfeꞌ Nwi nə vɨɨ Farisii nyɔꞌ Yeso, tɔ̀ŋ ŋkisə maa ŋwə, faŋ vəŋ jwì kɨ boꞌ ŋwə laa vəŋ lùu vɨɨ yinsəŋ, jwi kɨ kɔꞌsə ŋwə maa yigisə yi, tɨ́ kaꞌ vəŋ kɔ ŋwə tɨ́ vɨɨ kwalə nə goməna, kwàŋ ŋwə taa nsɔꞌ.

Lukas 20:47

Vəŋ yɨ nɨniŋ, fi vətɔ və vəki ŋkusə, boꞌ ŋwaa, shɔꞌtə Nwi, tày ŋkee dɨdɨꞌ. Viŋ kɔꞌ kɨɨ laa nsɔꞌ njyə faŋ Nwi ndɔ kwaŋ maa vəŋ, ndɔ weꞌ shɔ̀ɔ ki.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 2:25

Nu nə kee ghɔ̀ꞌ ŋwə laa wə twelə ŋiꞌ wə tɨ́ ŋwə me. Ŋwə nə kɨ̀ɨ nə vənu vənshə faŋ mbə lùu taa fwi wə maa nshɨ-tɔ wi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 21:17

ndɔ̀ bàa kɨ bìtə tɨ́ ŋwə lwesə ghee tia laa, «Saymon, wee Jɔn, a kàw mə mu?» Ŋkə za Pita, buꞌ faŋ Yeso bìtə tɨ́ ŋwə ghee tia laa ŋwə kàw yi mu. Ŋwə gi tɨ́ Yeso laa, «Tɨta, a kɔꞌ kɨɨ nə vənu vənshə. A kɔꞌ kɨɨ laa mə kàw ghɔ.» Yeso gi tɨ́ ŋwə laa, «Kɨ kɨꞌ bisə-njɨɨ saŋ!

Akts 1:18

Judas ghɔ́ gə ywàŋ shəŋ nsi kəmɔ́ꞌ nə ka ŋgwə faŋ nə luu vəkeynə və nu bwə ki. Luu nə, ŋwə fiŋ nsi, yibuŋ yi bwi, məntɔ mi fuu mənshə.

Akts 1:24

shɔꞌtə Nwi, gì laa, «Tɨta Nwi, faŋ a kɨ̀ɨ nə fwisə vɨɨ, də wə ntɨə faŋ a shoꞌ fɨ taa ŋwaa vɨɨ və̀ vəbɔɔ tɨ́ yia,

Akts 15:8

Nwi, faŋ ŋwə kɨɨ nə ŋiꞌ fwi vɨɨ, biŋ vəŋ, kɔ̀ Zwitə Ley ki tɨ́ vəŋ, sheꞌ faŋ ŋwə nə kɔ̀ tɨ́ nsiŋ nə.

Roma 3:20

buꞌ laa tuu wə muꞌ kee ndɔ fuu loomə yikəꞌ Nwi buꞌ vəfaꞌ vi faŋ ŋwə kəə kɨ beꞌsə nuŋsə ntɨsə sɔ́ me. Kaꞌ ntɨsə Nwi sɔ́ yɨ̀sə sheꞌ laa nsiŋ kɨɨ laa vənu mbɨə faŋ nsiŋ yɨsə, luu vənu vəbwəvə.

Roma 8:27

Nɨniŋ, Nwi faŋ ŋwə kɨ̀ɨ nə vənu fɨ taa fwisə vɨɨ, kɨ̀ɨ nə nu ŋkɨə faŋ Zwitə Ley Nwi kɔ́ bɨꞌtə, buꞌ laa Zwitə kɔ́ buꞌ ghɔ tɨ́ Nwi tɔ vɨɨ ley Nwi, yuu ŋkə kùꞌnə maa ŋkɨɨ Nwi.

1 Kɔrintian 4:5

Nɨniŋ, ŋkə kee kùꞌnə laa viŋ kɨ shia nsɔꞌsə tɔ vɨɨ me, faŋ yighee məshia nsɔꞌsə kee ta yikuꞌnə me. Maa shi ŋkɨə faŋ tɨta Yeso ndɔ jwi, ŋwə ndɔ də vənu ntee faŋ mbə nə lùu taa mfiŋsə, nə mbɨꞌtə wə faŋ wə kìi taa fwi ŋwə. Lùu shi kɔ́ faŋ Nwi ndɔ bəŋsə wə faŋ məbəŋsə wə ghɔ́ kùꞌnə.

1 Pita 3:4

Viŋ bee kɨ lɔꞌnə fɨ taa fwisə viŋ. Viŋ jia fwi siŋ, bwasə yiŋwaa yiŋ, buꞌ laa kəŋ vəlɔꞌ yimbii kee yaa kɨ bɨsə me, mbə kìi vəkeynə fɨ ghɔ Nwi, yaa fa faŋ ŋkə bàw shɔ̀ɔ ki.

1 Pita 5:5

Gə fɨ maa za bwa, bàw viŋ kɨ zɔnə za taa fɨ taa nshəŋtə vɨɨ Nwi. Gə fɨ maa vɨɨ vənshə, bàw viŋ shuŋ kɔtə kəmuꞌ, bwàsə fwi siŋ nsi, viŋ viŋ, faŋ vɨ nə nyɔ̀ꞌ taa ŋwaꞌlə Nwi laa, «Nwi kee kàw vɨɨ mbɨə faŋ vəŋ koꞌsə ŋwaa me, kèe gəŋsə vɨɨ mbɨə faŋ vəŋ sùꞌsə yiŋwaa vəŋ nsi.»

Reveleyshən 2:23

Mə taa zwilə vaŋ vi. Nɨniŋ laa vəməshəŋtə və vɨɨ Nwi vənshə taa kɨɨ laa mə lùu wə ntɨə faŋ mə kɨɨ nə mbɨꞌtə vɨɨ, baa nə nu ŋkɨə faŋ vəŋ kəə. Mə taa ndɔꞌ wə tɨ̀ me wə sheꞌ maa nu ŋkɨə faŋ ŋwə nə yɨ̀sə.