Lukas 16:13 - Vengo (Babungo)

¹³ Kaꞌ tuu wuu faꞌ kee kɨ faꞌ tɨ́ vɨɨ vəbɔɔ me. Wə nəə toꞌ yɨ nɨniŋ, buu ŋwə taa bee ŋgwə muꞌ, kaw wuu mɔ́ꞌ, nuŋ fwi yi maa ŋgwə muꞌ, kɨ shiasə wuu mɔ́ꞌ. Nɨniŋ, kaꞌ viŋ kee kɨ faꞌ tɨ́ Nwi, baa nuŋ fwi maa ka me.»

Lukas 16:13 Iomraidhean Croise

Matiu 4:10

Yeso bəŋsə tɨ́ ŋwə laa, «Ndɔ fɨ yɨ mə Satan! Ŋkə lùu taa ŋwaꞌlə Nwi laa, «Kɨ bəŋsə Mɔꞌmbi, Nwi wə, fàꞌ sheꞌ faꞌ wi nɨnɔŋ.»

Matiu 6:24

Kaꞌ wə muꞌ kee fàꞌ tɨ́ vɨɨ vəbɔɔ me. Wə kəə kɨ yɨ nɨniŋ, buu ŋwə taa bee wuu mɔ́ꞌ, kàw wuu mɔ́ꞌ, yighee mɔ́ꞌ kɨ zɔnə wuu mɔ́ꞌ, shiasə wuu mɔ́ꞌ, kaꞌ wə kee kɨ faꞌ tɨ́ Nwi, baa faꞌ ndeynə ka me.»

Lukas 11:23

Wə faŋ ŋwə kee lùu yiba jɨŋ mə me, lùu yiba jɨŋ wuu mbeenə ŋwaa. Wə faŋ ŋwə kee baytə vɨɨ vaŋ yia ŋwə me, saynə vɨɨ vaŋ sɨsaynə.»

Lukas 14:26

«Kɨ luu wə nə jwi yɨ mə, maa kàw mə shɔ̀ɔ tii wi, nə nshu wi, nə zu wi, nə vaŋ vi, nə vaŋ-nshwi vi, baa nə ŋkee nshɨ-tɔ wi me, buu kaꞌ ŋwə kee lùu wuu məzwetə nu kaŋ me.

Lukas 16:12

Viŋ kɨ luu kee kii fwi yijəə maa fa faŋ lùu ŋkə wə dɨday me, buu kaꞌ Nwi kɔ̀ ŋkiŋ nu tɨ́ viŋ kɨkə?

Lukas 16:9

Nɨniŋ, mə gì tɨ́ viŋ laa viŋ ndi ka, faŋ lùu fa dayday, faŋ ŋkə lùu ghɔ viŋ nə, kɨ key vɨɨ shɔ, laa viŋ kɨ kii vɨɨmba viŋ fuŋ maa yighee njyə faŋ ka wiŋ ndɔ me, Nwi ndi viŋ, ŋìisə viŋ taa ndɔꞌ ŋgɨə faŋ ŋə gòꞌsə yighee muꞌ.

Lukas 9:50

Yeso gi tɨ́ ŋwə laa, «Kɨ viŋ twey tɨ́ ŋwə me. Wə faŋ ŋwə kee twèy viŋ me, buu ŋwə bìŋ viŋ.»

Jeyms 4:4

Aŋ viŋ, vɨɨ faŋ viŋ kee nùŋ fwi siŋ maa Nwi me. Maa viŋ kɨɨ laa, wə kɨ luu kɨ kaw vətɔ vɨ shɨ nsi, buu ŋwə lùu wuu mbeenə Nwi. Wə tɨ̀ me wə faŋ ŋwə kwaŋ fwi yi maa vətɔ və shɨ nsi, buu ŋwə lùu wuu mbeenə Nwi.