Lukas 16:1 - Vengo (Babungo)

¹ Yeso nə baa gì tɨ́ vɨɨ məzwetə nu ki laa, «Tɨɨ ka mɔ́ꞌ nə luu shɔ, wuu məshii ŋii wi luu shɔ nɨzi. Vɨɨ jwi nàysə tɨ́ tɨɨ ka ghɔ́ laa wuu məshii ŋii wi ghɔ́ saynə vətɔ vi.

Lukas 16:1 Iomraidhean Croise

Matiu 20:8

Kɨ lùu laynəfu, tɨɨ faꞌ ghɔ́ gi tɨ́ nshiiŋii yi laa ŋwə tii vɨɨ faꞌ vɔ́, ndɔ̀ꞌ vəŋ, tèy fɨ maa vɨɨ mbɨə faŋ vəŋ nə jwì fɨ yiba, gə kɔ tɨ́ vɨɨ vənzi.

Lukas 12:42

Tɨta Yeso gi laa, «Nshiiŋii faŋ vənu vi lùu vəbi, faŋ ŋwə baa lùu tɔfə, lùu ndə, faŋ tɨɨ fu nùŋsə vɨɨ vi vənshə taa ghɔ ŋwə, laa ŋwə kɨ kɔ mfɨꞌ fazɨ vəŋ tɨ́ vəŋ maa yighee njyə faŋ nyə kùꞌnə?

Lukas 15:13

Vəshi kee shɔ̀ɔ vəyaŋ me, ŋwiŋ wi ghɔ́ baytə vətɔ vi vənshə, gə tɔŋ ntaŋ, gə kɨ zɨ ka wi, kee bəsə me, bɨsə ka wi nshə.

Lukas 15:30

Luu nə, ŋwiŋ wə wì jwì, faŋ ŋwə nə ndɔ̀ fɨ yɨ ghɔ, gə̀ zɨ̀ ka wə ghɔ vəki sakə, bə̀ŋ jwì, a zwi ŋkee wee-nyaa kwalə tɨ́ ŋwə.»

Lukas 16:19

Yeso nə baa tìi yigisə tii yimɔ́ꞌ laa, «Tɨɨ ka mɔ́ꞌ nə luu shɔ, mɔꞌ vədalə nə njwisə fusə faŋ nsə bàw shɔ̀ɔ, zɨ ŋkee fazɨ jəə vəshi vənshə.

Lukas 16:2

Wə ghɔ́ tii wuu məshii ŋii wi ghɔ́, gì tɨ́ ŋwə laa, «Sii lùu kə nə faŋ mə zɔ kɔ̀ŋ ghɔ? Ndi ŋwaꞌlə wə, jwì, sɨ saytə vətɔ vaŋ vənshə, faŋ mə nə nùŋsə tɨ́ ghɔ, buꞌ laa a kee baa kuꞌnə maa wuu məshii ŋii nyaa me.»

Lukas 19:20

Wuu mɔ́ꞌ baa jwi, gì laa, «Tɨta, ye ŋkaŋ yə yì faŋ mə nə kàtə taa kɔɔ njwi, nùŋsə.

Lukas 8:3

nə Joana, zu Shusa faŋ nə luu wuu məndeynə vətɔ və fwàŋ Herod, nə Susana, nə vəki vəmɔ́ꞌ vəyaŋ. Vəki vɔ́ gaŋtə Yeso nə vɨɨ vi nə vətɔ vəvəŋ.

Taytəs 1:7

Kee bàw laa wə faŋ lùu tɔ taa nshəŋtə vɨɨ Nwi kii nsɔꞌ maa ŋwə me, fɔnə ŋwə lùu wuu məndeynə vətɔ və Nwi. Kɨ ŋwə yɨsə vənu nə wutə ki me, kee kìi fwi yishəsə me, kee nu məluꞌ mbə shɔɔ sɨ ŋwə me, kee nywenə nywaŋsə me, kee kəə ka ŋkuŋ me.

Jeyms 4:3

Viŋ yaa kɨ ndwaŋ fa fɨ ghɔ Nwi, kee kii me, buꞌ laa viŋ kee ndwàŋ nə fwi yijəə me, kɨ kəə zɨ sheꞌ vətɔ faŋ fwi siŋ kàw.

1 Pita 4:10

Viŋ kɨ gaŋtə yiŋwaa yiŋ, viŋ viŋ, nə tɔ ley ŋkɨə faŋ Nwi kèy viŋ shɔ tɔ tɔ. Wə tɨ̀ me wə faŋ Nwi kèy ŋwə nə kəŋ yitɔfə mɔ́ꞌ, kaꞌ ŋwə baa luu gàŋtə vɨɨ mɔ́ꞌ.