Lukas 15:22 - Vengo (Babungo)

²² Luu nə, tii wi gi tɨ́ vəbuꞌ vi laa vəŋ gə titi, ndi ŋkee njwi yimɔ́ꞌ yijəə, jwì mɔ̀ꞌ maa ŋwə, swàa fəŋkwiŋkwi ghɔ ŋwə, swàa gɔsə ghuu ŋwə,

Lukas 15:22 Iomraidhean Croise

Lukas 15:21

Ŋwiŋ wi ghɔ́ gi tɨ́ ŋwə laa, «Tɨta, mə nə yɨ̀ nu bwə maa Nwi fɨ yizɔ nə ghɔ nɨzi, mə kee baa kùꞌnə laa a tii mə nə ŋwiŋ wə me.»

Lukas 15:23

ndì ŋkee wee-nyaa kwalə, zwi, tɨ́ kaꞌ nsiŋ kwə kɨ ŋaytə.

Roma 13:14

Bàw viŋ mɔꞌ tɨta Yeso Kristo maa viŋ yaa njwi, kee meꞌtə yiŋwaa yiŋ bweꞌsə viŋ, fwi siŋ ndɔ maa vətɔ me.

Roma 3:22

Jɨɨ yɔ́ lùu laa wə nuŋ fwi yi maa Yeso Kristo, buu Nwi kiasə vənu vi, mbə loomə. Jɨɨ yɔ́ lùu tɨ́ vɨɨ vənshə faŋ vəŋ nùŋ fwisə vəŋ maa ŋwə, faŋ vəŋ kɔlə lùu vɨɨ fə, ŋkwiinə kee lùu shɔ me.

Roma 8:15

Zwitə ŋkɨə faŋ viŋ yaa fi nə, kee yɨsə laa viŋ gu vəbuꞌ, baa kɨ fee me. Zwitə kɔ́ yɨsə laa viŋ luu vaŋ Nwi binə. Nɨniŋ, nsiŋ tii ŋwə laa, «Aŋ Tii wia.»

Galatia 3:27

Viŋ vənshə faŋ viŋ duꞌtə viŋ fi muu mə Nwi, lùu fa kəmuꞌ viŋ vɨ Kristo. Buꞌ muu mbɨə faŋ viŋ fi nə, viŋ biꞌ nshinə Kristo maa viŋ.

Efesɔs 6:15

Gɔsə siŋ faŋ viŋ kwaŋ ghuu viŋ luu laa viŋ lootə ŋwaa yiŋ maa məsaynə ntɔŋ yijəə Nwi faŋ nyə kɔ məduꞌ-nyɔŋ tɨ́ vɨɨ nə.

Reveleyshən 19:8

Vɨ kɔ njwi yifusə faŋ nyə ley, kɨ ndwaꞌlə tɨ́ ŋwə, ŋwə mɔꞌ.» Njwi yifusə yɔ́ lùu nu ŋkɨə faŋ vɨɨ Nwi nə yɨ̀sə, ŋkə loomə.

Reveleyshən 2:17

Wə ntɨə faŋ tuulə ghi lùu shɔ, ŋwə zɔ nu ŋkɨə faŋ Zwitə Ley Nwi gisə tɨ́ vəməshəŋtə və vɨɨ Nwi! Mə taa kɔ fazɨ Nwi mana, ŋkɨə faŋ ŋkə nə ndènə fɨ ghɔ vɨɨ nə, tɨ́ wə ntɨə faŋ ŋwə ghɔ̀ꞌ nu bwə. Mə baa luu kɔ ŋoꞌ yifusə tɨ́ ŋwə faŋ vɨ nyɔꞌ yizii yifinə maa ŋoꞌ yɔ́, faŋ wə kee kɨ̀ɨ nə yizii yɔ́ me, kɨɨ sheꞌ wuu məfi.»

Reveleyshən 3:18

Mə tɨsə ghɔ laa a ywaŋ goolə fɨ ghɔ mə, faŋ vɨ twàŋ taa wi, ŋwə ley. Nɨniŋ laa a gu mfuꞌ. Bàw a ywaŋ njwisə fusə fɨ ghɔ mə, kɨ mɔꞌ laa a kee kɨ duꞌ nə ntɨŋ sɨ vɨɨ, tɔ kə dɨɨ me. Ywaŋ fɔ sɨ fɨsə fɨ ghɔ mə, wìŋsə sɨ ghə shɔ, yuu kɨ yenə vədɨꞌ.

Reveleyshən 6:11

Vɨ kɨ nii kɔ̀ njwi yimɔ́ꞌ yifusə tɨ́ wə tɨ̀ me wə fɨ taa ŋwaa vəŋ, nàysə tɨ́ vəŋ laa vəŋ shəŋ ŋwaa tɨtiꞌ, gə̀ kɔ̀ tɨ́ yighee njyə faŋ nwaa vəŋ taa lwaŋ, faŋ vɨ ndɔ baa zwilə vaŋ-nshwi vəŋ, vɨɨ faꞌ Nwi, mbɨə faŋ vɨ ndɔ baa zwilə vəŋ yuu vɨ nə zwìlə viŋ nə.

Reveleyshən 7:9

Yiŋkii kɨ shɔɔ, mə kɨ ye, yè ŋkee nwaa vɨɨ vəyaŋ, tɨ́ kaꞌ wə kee say me. Vəŋ nə ndɔ̀ fɨ taa məshɨ mənshə, nə təkuu tənshə, nə ŋgwisə vɨɨ yinshə, nə təghaŋ tənshə, jwì tɨ̀ŋnə vɨsɨ ŋkaw kɔ́ nə vɨsɨ bi-njɨɨ yɔ́, nə njwisə fusə səmɔ́ꞌsə maa vəŋ, nə vəshay və yitee ghɔ vəŋ,