Lukas 14:21 - Vengo (Babungo)

²¹ Wuu faꞌ ghɔ́ bəŋ jwi, nàysə vənu vɔ́ tɨ́ tɨɨ faꞌ wi. Fwi tɨɨ fu ghɔ́ za. Ŋwə gi tɨ́ wuu faꞌ ghɔ́ laa ŋwə ndɔ titi, gə kɨ toꞌ fɨ maa jɨɨsə kwalə, nə sətɨtiꞌ fɨ taa shɨ, tii mbəəsə nə vəndwey, nə vɨɨ sɨ fɨsə, jwi viŋ vɨ vəŋ feenə.

Lukas 14:21 Iomraidhean Croise

Matiu 11:28

Yeso nə baa gì laa, «Viŋ jwi yɨ mə, viŋ vənshə, faŋ viŋ bwà fɨ maa vəfaꞌ faŋ mbə shɔ̀ɔ wutə kiŋ, tɨꞌnə me faŋ vəbiꞌ vədɨɨvə lùu tɔ viŋ, mə taa yɨsə viŋ shəŋ ŋwaa.

Matiu 11:5

laa vɨɨ sɨ fɨsə yɨyenə; vɨɨ faŋ yiŋwaa yivəŋ kìlə, tɨtoꞌ; zatə bwə me fɨ maa vɨɨ; vɨɨ tuulə shiilə zɔnə; vəŋku vənsisə ywey; vɨ fɨꞌtə ntɔŋ yijəə Nwi tɨ́ vɨɨ ŋɨꞌ.

Matiu 15:12

Vɨɨ məzwetə nu ki jwi yɨ ŋwə, gì laa, «Maa a kɨɨ laa vɨɨ Farisii zɔ̀ yigisə yə, njyoꞌ vəŋ lia.»

Matiu 18:31

Vaŋ-nshwi vi vɨɨ faꞌ vəmɔ́ꞌ ye nu ŋkɨə faŋ ŋkə gày, vəŋ luŋ dɨdɨꞌ, ndɔ̀ gə̀ nàysə tɨ́ tɨɨ faꞌ vəŋ.

Matiu 20:7

Vəŋ gi tɨ́ ŋwə laa, «Luu buꞌ laa wə kee tìi yia maa faꞌ me.» Ŋwə gi tɨ́ vəŋ laa vəŋ gə fàꞌ taa biisə ŋwə nɨzi.

Lukas 14:13

A kəə kɨ tia vɨɨ, a tìi luu mbəəsə, nə vəndwey, nə vɨɨ sɨ fɨsə,

Lukas 14:20

Wə mɔ́ꞌ gi ŋkii laa vɨ bɨ kɨ nɨndaasə wəzwi tɨ́ yi, məjwi ghɔ̀ꞌ yi.

Lukas 14:22

Wuu faꞌ ghɔ́ gə yɨ̀ nɨniŋ, baa bə̀ŋ jwì, nàysə tɨ́ ŋwə laa, «Tɨta, mə gə̀ yɨ̀sə vənu mbɨə faŋ a gì nə. Luu nə, shəŋ məduꞌnə kɨ bii.»

Lukas 14:24

Viŋ zɔ! Mə gi tɨ́ viŋ laa tuu ŋkee wə muꞌ fɨ taa ŋwaa vɨɨ mbɨə faŋ mə nə fɔŋ shòꞌ vəŋ nə, kee ndɔ zɨ yitianə nyaa me.»

Lukas 24:47

baa nə laa vɨ ndɔ kɨ fɨꞌtə nu ki tɨ́ vɨɨ vənshə fɨ taa mbi, laa vəŋ kwiinə fwisə vəŋ, buu Nwi ndenə yibɨsə vəŋ buꞌ yizii yi. Nɨniŋ, viŋ ndɔ kɨ fɨꞌtə nu kɔ́, tèy fɨ ntɨꞌ Jerusalem.

Lukas 9:10

Vɨɨ ntɔŋ Yeso vɔ́ bəŋ jwì, fɨ̀ꞌtə vənu vənshə faŋ vəŋ nəə yɨsə tɨ́ ŋwə. Ŋwə ndi vəŋ, ghɔ vɨ vəŋ bɨɨ gə̀ sheꞌ vəŋ vəŋ maa shəŋ ndenə, gə̀ zìꞌ maa ntɨꞌ yimɔ́ꞌ, yizii ntɨꞌ yɔ́ luu Betsayda.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 9:39

Yeso gi laa, «Mə nə jwì mbi nyə̀ maa məgaasə vɨɨ, laa vɨɨ faŋ vəŋ kee yɨyenə me, yenə; vɨɨ faŋ vəŋ yɨyenə, sɨ vəŋ fɨ.»

Hibru 13:17

Viŋ kɨ zɔnə vɨɨ mbɨə faŋ vəŋ luu vɨsɨ taa ŋwaa viŋ. Viŋ yɨ nu ŋkɨə faŋ vəŋ kəə, buꞌ laa vəŋ lùu vɨɨ məshiinə viŋ faŋ vəŋ ndɔ tɨŋ vɨsɨ Nwi, fì tɔ vəŋ shɔ kɔ̀ŋ məshii vəŋ ghɔ́. Viŋ zɔnə vəŋ tɨ́ kaꞌ vəŋ fàꞌ faꞌ vəŋ nə məŋaytə. Fwisə vəŋ kɨ luu kìi məluŋ shɔ, buu ŋkə kee ndɔ gaŋtə viŋ me.

Hibru 2:3

Faŋ ŋkə lùu nɨniŋ nə, gə̀ fɨ maa nsiŋ, faŋ nsiŋ zɔ ntɔŋ yimɔ́ꞌ faŋ nyə kwàlə shɔ̀ɔ, kɔ̀ jɨɨ məbwey vəlwaŋ tɨ́ vɨɨ, sii kaꞌ nsiŋ fùu fɨ taa nsɔꞌ kɨkə, faŋ nsiŋ kee zɔnə ntɔŋ yinjii me? Ntɔŋ yɔ́ nə fɔŋ fùu taa mbi faŋ tɨta Yeso nə fɨ̀ꞌtə tɨ́ vɨɨ nə. Vɨɨ mbɨə faŋ vəŋ nə zɔ̀ ntɔŋ yɔ́, lèsə tɨ́ nsiŋ laa lùu nu yinsəŋ.

Jeyms 2:5

Viŋ zɔ, vaŋ-nshwi vaŋ faŋ mə kàw viŋ, Nwi shòꞌ luu mbəəsə fɨ mbi, ndì vəŋ laa vəŋ nuŋsə fwisə vəŋ maa Kristo, ndɔ̀ zɨ̀ nu yifwàŋ Nwi, faŋ Nwi nə kɔ̀ꞌnə maa məkɔ tɨ́ vɨɨ mbɨə faŋ vəŋ kàw ŋwə. Nɨniŋ, luu vəŋ luu mfuꞌsə yinsəŋ.

Reveleyshən 19:15

Baꞌ yighaw shəsə fuu fɨ shuu ŋwə, tɨ́ kaꞌ ŋwə ghɔ̀ꞌ mbi shɔ. Ŋwə taa kɨ sɔꞌ mbi nə mbay bwey, kaŋ vətaŋ və məluꞌ taa yibɨɨ məkaŋ məluꞌ njyə faŋ Nwi Nshɔɔ-mbi jìa vɨɨ bwənə shɔ nə fwi yishəsə yi.

Reveleyshən 22:17

Zwitə Ley Nwi nə wəzwi məndaa (faŋ ŋwə kɨꞌ Kristo nə), gì laa, «Jwi!» Wə ntɨə faŋ ŋwə zɔ, taa baa luu gì laa, «Jwi!» Wə ntɨə faŋ too muu ywèy ŋwə, ŋwə jwi. Wə ntɨə faŋ ŋwə kəə muu mə məbwey, jwi fi, vɨ kɔ tɨ́ ŋwə dayday.