Lukas 14:13 - Vengo (Babungo)

¹³ A kəə kɨ tia vɨɨ, a tìi luu mbəəsə, nə vəndwey, nə vɨɨ sɨ fɨsə,

Lukas 14:13 Iomraidhean Croise

Matiu 15:30

Nwaa vɨɨ vəyaŋ jwi yɨ ŋwə nə vəndwey, nə vɨɨ faŋ way ŋwaa vəŋ nə ku muꞌ, nə vɨɨ sɨ fɨsə, nə vəbɨbɨ, nə vɨɨ vəza vəmɔ́ꞌ vəyaŋ, nùŋsə vəŋ nsi yɨ ghuu ŋwə, ŋwə shuꞌ vəza vəvəŋ.

Matiu 22:10

Vəndifwaŋ vɔ́ gə jɨɨsə, bàytə vɨɨ vənshə faŋ vəŋ yè, vɨɨ bwənə nə vɨɨ jəənə, vəŋ jwi, lwàŋ taa ŋii məndaa yɔ́, dùꞌ nsi kɨ zɨ.

Lukas 11:41

Nɨniŋ, bàw viŋ ywiitə kɔ̀ŋ fwi siŋ nɨzi. Viŋ ndì vətɔ mbɨə faŋ mbə lùu taa vəkay viŋ, kɔ̀ tɨ́ vɨɨ ŋɨꞌ. Viŋ yɨ nɨniŋ, buu fwi siŋ ley vɨsɨ Nwi.

Lukas 14:12

Yeso baa gì nu tɨ́ wə ntɨə faŋ ŋwə nə tii ŋwə nə laa, «A kɨ luu naysə fazɨ maa mətia vɨɨ nə shɨshwi, tɨꞌnə me vətuꞌ, kɨ ghɔ tii vɨɨmba və me, tɨꞌnə me vaŋ-nshwi və me, tɨꞌnə me yikuu yə me, tɨꞌnə me vɨɨ fɨ kwiŋ fu viŋ faŋ lùu vɨɨ ka me, buꞌ laa vəŋ ndɔ baa tii ghɔ, bə̀ŋsə nu kɔ́ tɨ́ ghɔ.

Lukas 14:14

buu mənɔŋ-bwaŋnə lùu tɨ́ ghɔ, buꞌ laa kaꞌ vəŋ kee bə̀ŋsə tɨ́ ghɔ me. A yɨ̀ nɨniŋ, buu Nwi ndɔ bəŋsə tɨ́ ghɔ maa yighee njyə faŋ ŋwə ndɔ yweysə vɨɨ mbɨə faŋ vənu vəvəŋ lùu vəloomə, fɨ shɨ yiku.»

Lukas 14:21

Wuu faꞌ ghɔ́ bəŋ jwi, nàysə vənu vɔ́ tɨ́ tɨɨ faꞌ wi. Fwi tɨɨ fu ghɔ́ za. Ŋwə gi tɨ́ wuu faꞌ ghɔ́ laa ŋwə ndɔ titi, gə kɨ toꞌ fɨ maa jɨɨsə kwalə, nə sətɨtiꞌ fɨ taa shɨ, tii mbəəsə nə vəndwey, nə vɨɨ sɨ fɨsə, jwi viŋ vɨ vəŋ feenə.

Akts 9:39

Pita ndɔ fɨ nsi, ghɔ vɨ vəŋ gə, kɨ ziꞌ yifi, vəŋ ndi ŋwə, kòꞌ nə ŋwə taa ŋii yizɔ. Vəki ŋkusə vənshə baytə kɨ gwia, dəsə njwisə faŋ wəzwi ghɔ́ nə naysə̀, kɔ̀ tɨ́ vəŋ, faŋ ghɔ vɨ vəŋ nə luu.

1 Timoti 3:2

Luu nə, ŋkə bàw laa kɨ tuu wee-fɨ-nu bwə lùu maa wuu məndeynə vɨɨ Nwi me. Bàw zu wi luu sheꞌ muꞌ. Tɔ ki luu kəley, ŋwə kɨ yɨsə vənu nə yitɔfə, yɨsə vənu maa jɨɨ yiloomə, kwaŋ vəndɔ taa ŋii ŋwə, baa kùꞌnə maa mətwelə ŋiꞌ nu Nwi.

1 Timoti 5:10

Bàw vɨ kwaŋ yizii yi faŋ vɨɨ biŋ ŋwə laa ŋwə nəə yɨsə vənu vəjəəvə, kɨꞌ vaŋmbwaa, baa fisə vəndɔ taa ŋii ŋwə, sɔ ghuu vɨɨ ley Nwi, gaŋtə vɨɨ ŋɨꞌ, yɨsə vənu vəjəəvə vənshə.

Taytəs 1:8

Bàw ŋwə bee kii kàw maa məfisə vəndɔ taa ŋii ŋwə, kàw vənu vəjəəvə, yɨsə vənu vənshə nə yitɔfə, yɨ vənu vəloomə, baa lùu wuu ley vɨsɨ Nwi, kɨɨ maa məshiinə ŋwaa wi,

Filemon 1:7

Weenshu ŋwaa, mə ŋàytə dɨdɨꞌ, baa zwisə fwi nyaa dɨdɨꞌ, buꞌ laa a kàw vaŋ-nshwi vaŋ-nsiŋ. A yɨsə fwisə vɨɨ ley Nwi zutə.

Hibru 13:2

Kɨ viŋ ndenə maa məkɨ tii vəndɔ faŋ vəŋ jwi yɨ viŋ me, tɨ́ kaꞌ viŋ vɨ vəŋ shì mɔ́ꞌ. Viŋ kɔꞌ kɨɨ laa vɨɨ mɔ́ꞌ faŋ vəŋ nə yɨ̀sə nɨniŋ, vəŋ nə jìa luu nshiisə-ŋiisə Nwi, faŋ vəŋ nə kɔlə kee yikɨɨ me.