Lukas 14:11 - Vengo (Babungo)

¹¹ Wə tɨ̀ me wə faŋ ŋwə koꞌsə ŋwaa wi, vɨ taa suꞌsə ŋwə nsi. Gə fɨ maa wə ntɨə faŋ ŋwə suꞌsə ŋwaa wi nsi, vɨ koꞌsə ŋwə yizɔ.»

Lukas 14:11 Iomraidhean Croise

Matiu 23:12

Wə ntɨə faŋ ŋwə koꞌsə ŋwaa wi, vɨ ndɔ suꞌsə ŋwə nsi. Wə ntɨə faŋ ŋwə suꞌsə ŋwaa nsi, vɨ ndɔ koꞌsə ŋwə yizɔ.»

Lukas 1:51

Ŋwə yaa kɨ yɨsə vənu vəkwalə nə ghɔ ki, fə vɨɨ mbɨə faŋ vəŋ kaw kɨ koꞌsə ŋwaa.

Lukas 1:52

Ŋwə yaa kɨ suꞌsə vəfwàŋ vəweꞌvə fɨ fuu vəkenə vəvəŋ, koꞌsə vɨɨ faŋ vəŋ kee kìi təzii me.

Lukas 14:12

Yeso baa gì nu tɨ́ wə ntɨə faŋ ŋwə nə tii ŋwə nə laa, «A kɨ luu naysə fazɨ maa mətia vɨɨ nə shɨshwi, tɨꞌnə me vətuꞌ, kɨ ghɔ tii vɨɨmba və me, tɨꞌnə me vaŋ-nshwi və me, tɨꞌnə me yikuu yə me, tɨꞌnə me vɨɨ fɨ kwiŋ fu viŋ faŋ lùu vɨɨ ka me, buꞌ laa vəŋ ndɔ baa tii ghɔ, bə̀ŋsə nu kɔ́ tɨ́ ghɔ.

Lukas 18:14

Mə naysə tɨ́ viŋ laa wuu məsa vətɔ ghɔ́ nə siꞌ gə̀ taa ŋii ŋwə, vənu vi loomə vɨsɨ Nwi. Nu wuu Farisii kee lòomə me. Lùu nɨniŋ buꞌ laa wə tɨ̀ me wə faŋ ŋwə koꞌsə ŋwaa wi yizɔ, vɨ taa suꞌsə ŋwə nsi. Gə fɨ maa wə ntɨə faŋ ŋwə suꞌsə ŋwaa wi nsi, vɨ ndɔ koꞌsə ŋwə yizɔ.»

Jeyms 1:9

Kɨ luu weenshwi wuu Nwi mɔ́ꞌ luu mbəə, bàw laa ŋwə kɨ ŋaytə, buꞌ laa Nwi shàꞌsə ŋwə yizɔ.

Jeyms 4:10

Viŋ suꞌsə ŋwaa wiŋ nsi vɨsɨ Mɔꞌmbi, buu Nwi shaꞌsə viŋ yizɔ.

Jeyms 4:6

Nɨniŋ, gəŋsə Nwi, faŋ Nwi kee gəŋsə nə, kwàlə shɔ̀ɔ. Ŋwaꞌlə Nwi baa gì laa, «Nwi fə̀ŋ jɨɨ fɨ ghɔ vɨɨ mbɨə faŋ vəŋ koꞌsə ŋwaa vəŋ, gaŋtə vɨɨ mbɨə faŋ vəŋ sùꞌsə ŋwaa nsi.»

1 Pita 5:5

Gə fɨ maa za bwa, bàw viŋ kɨ zɔnə za taa fɨ taa nshəŋtə vɨɨ Nwi. Gə fɨ maa vɨɨ vənshə, bàw viŋ shuŋ kɔtə kəmuꞌ, bwàsə fwi siŋ nsi, viŋ viŋ, faŋ vɨ nə nyɔ̀ꞌ taa ŋwaꞌlə Nwi laa, «Nwi kee kàw vɨɨ mbɨə faŋ vəŋ koꞌsə ŋwaa me, kèe gəŋsə vɨɨ mbɨə faŋ vəŋ sùꞌsə yiŋwaa vəŋ nsi.»

1 Pita 5:6

Nɨniŋ, viŋ bwasə yiŋwaa yiŋ nsi, faŋ ghɔ Nwi kəweꞌkə fiitə viŋ nsi, tɨ́ kɨ kaꞌ ŋwə ndɔ baa shaꞌsə viŋ yizɔ maa yighee njyə faŋ ŋwə kàw.