Lukas 13:25 - Vengo (Babungo)

²⁵ Yighee ndɔ kɨ jwi faŋ tɨɨ ŋii ndɔ fəŋ shuu ŋii wi. Viŋ ndɔ tey kɨ jwi sheꞌ maa yighee yɔ́, buu viŋ ndɔ tɨŋnə fu, kɨ tii, gisə laa, «Tɨta ŋaꞌsə shuu ŋii, yia ŋii!» Ŋwə bəŋsə tɨ́ viŋ laa, «Mə kee kɨɨ nə fɔɔ yuu viŋ ndɔ̀ fɨ fuŋ me.»

Lukas 13:25 Iomraidhean Croise

Matiu 25:41

Ŋwə taa kɨ nii gì tɨ́ vɨɨ mbɨə faŋ vəŋ lùu kwiŋ ŋkwii laa, «Viŋ ndɔ fɨ yɨ mə, vɨɨ ndwaŋ, gə̀ ŋìi taa wi faŋ ŋwə gòꞌsə yighee muꞌ, faŋ vɨ lòotə tɨ́ tɨɨ vəzwitə vəbwəvə ghɔ vɨ nshiisə-ŋiisə si.

Lukas 13:27

Ŋwə taa gi tɨ́ viŋ laa, yi kee kɨɨ nə fɔɔ yuu viŋ ndɔ̀ fɨ fuŋ nə me, baa nə laa, «Viŋ ndɔ fɨ yɨ mə vənshə, viŋ vɨɨ məyɨ vənu vəbwəvə.»

Lukas 3:8

Viŋ kɨ yɨsə vənu faŋ mbə kùꞌnə tɨ́ vɨɨ faŋ vəŋ kwiinə fwisə vəŋ! Kɨ viŋ tey kɨ bɨꞌtə fɨ taa fwisə viŋ laa viŋ kùꞌnə tɨ́ Nwi buꞌ faŋ viŋ lùu vaŋ vaŋ Abraham nə me. Mə naysə tɨ́ viŋ laa, kaꞌ Nwi kiasə ŋoꞌsə sə̀, nsə gu vaŋ Abraham.

Lukas 6:46

Yeso baa gi laa, «Sii yɨ̀ kə viŋ tii mə laa «tɨta, tɨta», kee kɨ yɨsə nu ŋkɨə faŋ mə gisə me?

2 Kɔrintian 6:2

Taa ŋwaꞌlə Nwi, vɨ nyɔ̀ꞌ laa, «Mə Nwi yɨ̀ nu ŋkɨə faŋ a nə bùꞌ ghɔ tɨ́ mə nə, maa yighee njyə faŋ nyə kùꞌnə. Mə gaŋtə ghɔ maa shi ŋkɨə faŋ mə kɔ məbwey tɨ́ vɨɨ.» Viŋ zɔ! Yigisə Nwi yɔ́ fàynə ndwə. Lùu yighee njyə faŋ nyə kùꞌnə tɨ́ Nwi ndwə. Shi ŋkɨə faŋ Nwi kɔ məbwey tɨ́ vɨɨ nə, lùu ndee.

Hibru 12:17

Viŋ kɔꞌ kɨɨ laa, nə luu maa yighee yiba, Esaw nəə kəə laa tii wi tu mənɔŋ-bwaŋnə tɔ yi, luu nə, vɨ twey tɨ́ ŋwə. Jɨɨ nə kee baa lùu shɔ, tɨ́ kaꞌ ŋwə kwìinə nu ŋkɨə faŋ ŋwə nə yɨ̀sə nə me, faŋ ŋwə nə kɔlə gwia, mənsɨ fuu nə.