Lukas 13:16 - Vengo (Babungo)

¹⁶ Gə fɨ maa wəzwi ŋwə̀, faŋ luu ŋkee wee tɨta ŋwaa-nsiŋ Abraham nə, tɨɨ vəzwitə vəbwəvə nə yɨnə ŋwə maa ŋuꞌsə njɔsə-yifɔŋ. Ŋkə kee bàw laa mə keꞌtə ŋwə maa shi zwisə Nwi yimu?»

Lukas 13:16 Iomraidhean Croise

Matiu 4:10

Yeso bəŋsə tɨ́ ŋwə laa, «Ndɔ fɨ yɨ mə Satan! Ŋkə lùu taa ŋwaꞌlə Nwi laa, «Kɨ bəŋsə Mɔꞌmbi, Nwi wə, fàꞌ sheꞌ faꞌ wi nɨnɔŋ.»

Mark 2:27

Ŋwə baa kɨ nii gì tɨ́ vəŋ laa, «Nwi nə nàysə shi Sabat tɨ́ vɨɨ, kee nàysə vɨɨ buꞌ shi Sabat me.

Lukas 16:24

Ŋwə yumə nəŋay laa, «Tii ŋwaa, Abraham, kee gəŋ saŋ, tɔ̀ŋ Lasarɔs laa ŋwə shu sheꞌ wee-ghɔ wi taa muu, jwì shu tɔ nditə mə, ŋkə zutə, buꞌ laa ŋɨꞌ nyaa yàŋ dɨdɨꞌ taa wisə ŋwə̀ faŋ ŋwə twaŋ mə nə.»

Lukas 19:9

Yeso gi tɨ́ ŋwə laa, «Nwi kee gəŋsə ŋii yə ndee, bwèysə viŋ, fɔnə viŋ lùu vaŋ Abraham nɨzi.

Lukas 3:8

Viŋ kɨ yɨsə vənu faŋ mbə kùꞌnə tɨ́ vɨɨ faŋ vəŋ kwiinə fwisə vəŋ! Kɨ viŋ tey kɨ bɨꞌtə fɨ taa fwisə viŋ laa viŋ kùꞌnə tɨ́ Nwi buꞌ faŋ viŋ lùu vaŋ vaŋ Abraham nə me. Mə naysə tɨ́ viŋ laa, kaꞌ Nwi kiasə ŋoꞌsə sə̀, nsə gu vaŋ Abraham.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:44

Tii wiŋ lùu Satan, tɨɨ vəzwitə vəbwəvə. Viŋ yɨsə sheꞌ vənu mbɨə faŋ tii wiŋ Satan kàw. Shù fɨ maa vənzi, Satan nə luu wuu məzwilə vɨɨ. Ŋwə kee kàw yinsəŋ me, nu yinsəŋ kee lùu taa fwi ŋwə tuu kəmuꞌ me. Ŋwə gisə sɨɨ sheꞌ ba, yuu nshinə yi dùꞌ, buꞌ laa ŋwə lùu wuu ba, baa lùu tɨɨ təba.

Akts 13:26

Vaŋ-nshwi vaŋ, faŋ viŋ lùu vaŋ ŋiꞌ ŋii Abraham, tɨꞌnə me vɨɨ vəmɔ́ꞌ faŋ vəŋ fee Nwi nɨzi, viŋ kɔꞌ kɨɨ laa Nwi tɔ̀ŋ nu ŋkɨə faŋ ŋkə bweysə vɨɨ tɨ́ nsiŋ.

2 Timoti 2:26

tɔ vəŋ baa ley, vəŋ nyɨŋ fɨ taa vənu və zwitə bwə faŋ ŋkə nə jia vəŋ maa məyɨ nu maa ŋkitə yi nə.