Lukas 13:14 - Vengo (Babungo)

¹⁴ Tɨɨ ŋii Nwi ye, fwi yi bɨ, buꞌ laa Yeso shùꞌ za maa shi zwisə Nwi. Ŋwə gi tɨ́ vɨɨ mbɨə faŋ vəŋ nə shə̀ŋtə yifi laa, «Vəshi lùu shɔ ntɔfə, faŋ kaꞌ vɨ kɨ fàꞌ vəfaꞌ shɔ. Viŋ jwi maa vəshi vɔ́, vɨ bweysə viŋ fɨ ghɔ vəza, kee kɨ jwi maa shi zwisə Nwi me.»

Lukas 13:14 Iomraidhean Croise

Matiu 12:2

Vɨɨ Farisii ye, gì tɨ́ Yeso laa, «Ye faŋ vɨɨ məzwetə nu kə yɨ nu faŋ ŋkə kee kùꞌnə maa məyɨ maa shi zwisə Nwi me.»

Mark 5:22

Wə mɔ́ꞌ kɨ nii jwì faŋ nə luu wə fɨ taa ŋwaa vɨɨ kwalə fɨ taa ŋii məshɔꞌtə Nwi. Yizii wə ghɔ́ luu Jayrəs. Ŋwə jwi yè Yeso, gu ghuu ŋwə,

Lukas 6:11

Vəŋ ye nɨniŋ, fwisə vəŋ shə dɨdɨꞌ. Vəŋ ketə nu ŋkɨə faŋ vəŋ taa yɨ maa Yeso.

Lukas 6:7

Vɨɨ mədeesə ŋwaꞌlə Nwi ghɔ vɨ vɨɨ Farisii nyɔꞌ maa məye laa Yeso taa shuꞌ wə ghɔ́ maa shi zwisə Nwi mu, yuu vəŋ shɔɔ fɨ fuŋ, kwaŋ ŋwə taa nsɔꞌ, gì laa ŋwə bɨ̀sə shi zwisə Nwi.

Lukas 8:41

Wə mɔ́ꞌ jwi shɔ, faŋ nə luu wuu kwalə taa ŋii Nwi. Yizii yi luu Jayrəs. Ŋwə jwi gu ghuu Yeso, bùꞌ ghɔ tɨ́ ŋwə laa ŋwə jwi taa ŋii yi,

Akts 13:15

Vɨ tii vənu fɨ taa ŋwaꞌlə ntɨsə Nwi, nə fɨ taa ŋwaꞌlə nshiisə-ŋii sɔghɔ, mètə, vɨɨ kwalə fɨ taa ŋii məshɔꞌtə Nwi tɔŋ ntɔŋ maa Pɔɔl ghɔ Barnabas, gì tɨ́ vəŋ laa yigi yimɔ́ꞌ lùu shɔ ghɔ vəŋ maa mətɨsə vɨɨ, bàw vəŋ gi.

Akts 18:17

Vɨɨ vənshə kɨ nii jìa Sɔsteniis, faŋ nə luu tɨɨ ŋii məshɔꞌtə Nwi vɨɨ Jus, sàŋ ŋwə shuu ŋii nsɔꞌsə. Luu nə, goməna Galio kee kwìa me.

Akts 18:8

Luu nə, Krispɔs faŋ nə luu tɨɨ ŋii məshɔꞌtə Nwi vɨɨ Jus, nuŋ fwi yi maa tɨta Yeso ghɔ vɨ ŋii yi yinshə. Vɨɨ Kɔrint vəyaŋ faŋ vəŋ nə zɔ̀ yigisə Pɔɔl, nuŋ fwisə vəŋ maa Kristo nɨzi, fì muu mə Nwi.

Roma 10:2

Mə kɔꞌ kɨɨ laa vəŋ weꞌ maa nu Nwi dɨdɨꞌ, luu nə, kee kɨ̀ɨ nə jɨɨ yi me.