Lukas 13:11 - Vengo (Babungo)

¹¹ Wəzwi mɔ́ꞌ nə luu shɔ, faŋ ŋwə nə kìi zwitə za kəmɔ́ꞌ maa ŋuꞌ njɔsə-yifɔŋ, ŋkə gɨŋ ŋwə, ŋwə kee baa kɨɨ neꞌtə ŋwaa wi me.

Lukas 13:11 Iomraidhean Croise

Matiu 4:23

Yeso kɨ nii toꞌ fɨ taa shɨ Galilii kənshə, deesə nu Nwi taa ndɔꞌ Nwi, fɨꞌtə ntɔŋ yijəə kɔ̀ŋ nu yifwàŋ yizɔ, shùꞌ vəza vənshə nə vəndoꞌ vənshə fɨ maa vɨɨ.

Mark 9:21

Yeso bitə tɨ́ tɨɨ wee ghɔ́ laa ŋkə tày maa ŋwə ndwə kɨkə? Ŋwə gi laa, «Ŋkə lùu maa ŋwə shù fɨ nə faŋ vɨ bì ŋwə.

Lukas 13:12

Yeso ye ŋwə, tìi ŋwə. Ŋwə jwi yɨ Yeso, Yeso gi tɨ́ ŋwə laa, «Yaa, za kə me fɨ maa ghɔ!»

Lukas 13:16

Gə fɨ maa wəzwi ŋwə̀, faŋ luu ŋkee wee tɨta ŋwaa-nsiŋ Abraham nə, tɨɨ vəzwitə vəbwəvə nə yɨnə ŋwə maa ŋuꞌsə njɔsə-yifɔŋ. Ŋkə kee bàw laa mə keꞌtə ŋwə maa shi zwisə Nwi yimu?»

Lukas 21:28

Vənu vɔ́ ndɔ tey kɨ gay nɨniŋ, viŋ ndeynə yizɔ, shàꞌsə yitɔ yiŋ, buꞌ laa yighee məbweysə yiŋ, faŋ Nwi ndɔ bweysə viŋ, lùu nshənə.»

Lukas 8:2

Vəki vəmɔ́ꞌ faŋ ŋwə nə fùusə vəzwitə vəbwəvə nə vəza fɨ maa vəŋ, nə beꞌsə ŋwə nɨzi. Meri, faŋ vɨ tii ŋwə nə wuu Madalin, faŋ vəzwitə vəbwəvə kwatia nə fùu fɨ maa ŋwə, nə luu taa ŋwaa vəŋ,

Lukas 8:27

Yeso fuu fɨ taa bay, koꞌ mbɔꞌ-bia, ghɔ wə mɔ́ꞌ faynə faŋ ŋwə nə jwì fɨ taa shɨ yɔ́, faŋ vəzwitə vəbwəvə nə luu taa ŋwaa ŋwə. Ŋkə duꞌtə ŋkə tay, wə ghɔ́ kee shùŋ njwi me, kee shi taa ŋii me, toꞌ shi taa təswi tə vɨɨ.

Lukas 8:43

Wəzwi mɔ́ꞌ nə luu shɔ taa ŋwaa vɨɨ vɔ́ faŋ ŋkwii nəə jwi fɨ maa ŋwə ŋuꞌ njɔsə-bɔɔ, kee shìa me. Ŋwə ndisə ka wi nshə, tuu wə muꞌ nə kee lùu shɔ, shùꞌ za kɔ́ fɨ maa ŋwə me.

Akts 3:2

Vəŋ kɨ ziꞌ taa ŋii Nwi, wə mɔ́ꞌ luu shɔ faŋ nə luu ndwey shù fɨ nə faŋ vɨ nə bi ŋwə. Vɨ nə shaꞌ ŋwə shi shi jwi, nùŋ shuu ŋii Nwi yikwalə faŋ vɨ tii laa shuu ŋkɔꞌ jəənə, tɨ́ kɨ kaꞌ ŋwə kɨ ndwaŋ vətɔ fɨ ghɔ vɨɨ faŋ vəŋ jwi ŋii shɔꞌtə Nwi. Maa shi kɔ́ vɨ nə nuŋ ndwey ghɔ́ shɔ sheꞌ maa yighee njyə faŋ Pita ghɔ Jɔn nəə shɔɔ fɨ yifi.

Akts 4:22

Wə ntɨə faŋ vɨ nə yɨ̀sə nu shuu yɔŋ kɔ́ maa ŋwə nə, duꞌtə ŋwə ta shɔ̀ɔ ŋuꞌ muu-yinshwe.